Propose Day 2023: ಹಿಂಗೆ ಪ್ರಪೋಸ್‌ ಮಾಡಿದರೆ ನೋ ಹೇಳಲು ಸಾಧ್ಯವೇ?

ಫೆಬ್ರವರಿ 14, ಪ್ರೇಮಿಗಳಿಗೆ ತುಂಬಾ ವಿಶೇಷವಾದ ದಿನ. ಪ್ರೇಮ ಜ್ವರ ವಾರಕ್ಕೆ ಮುಂಚೆಯೇ ಶುರುವಾಗುವುದು, ಅಂದ್ರೆ ಈ ಪ್ರೇಮಿಗಳ ದಿನದ ಆಚರಣೆ ಫೆಬ್ರವರಿ 7ರಿಂದಲೇ ಶುರುವಾಗುವುದು. ಮೊದಲ ದಿನ ರೋಸ್‌ ಡೇಯಿಂದ ಶುರುವಾಗುವುದು.

ಫೆಬ್ರವರಿ 8 ಪ್ರಪೋಸ್ ಡೇ. ಕೆಲವರಿಗೆ ಇದು ತುಂಬಾ ವಿಶೇಷವಾದ ದಿನವಾಗಿದೆ. ಏಕೆಂದರೆ ತಾವು ಇಷ್ಟಪಡುವ ವ್ಯಕ್ತಿಗೆ ಪ್ರಪೋಸ್‌ ಮಾಡಬೇಕೆಂದು ಅನೇಕ ಬಾರಿ ಅನಿಸಿದರೂ ಸಾಧ್ಯವಾಗಿರುವುದಿಲ್ಲ, ಹೇಳಿದರೆ ಅವರು ಒಪ್ಪುತ್ತಾರೋ, ಇಲ್ಲೋ ಎಂಬ ಭಯ ಇರುತ್ತದೆ. ಆದರೆ ಈ ದಿನ ಇದೆಯೆಲ್ಲಾ ಆ ಭಯ ದೂರವಾಗಿ ಪ್ರಪೋಸ್ ಮಾಡುವ ಧೈರ್ಯ ಬರುವುದು, ಅದೇ ಈ ದಿನದ ವಿಶೇಷ.

ನಮಗೆ ಯಾರಾದರೂ ಇಷ್ಟವಾದರೆ ಅದನ್ನು ಮನಸ್ಸಿನಲ್ಲಿಯೇ ಇಟ್ಟುಕೊಳ್ಳುವುದಕ್ಕಿಂತ ಹೇಳಿ ಬಿಡುವುದೇ ಜಾಣತನ, ಅವರಿಗೂ ನಿಮನ್ನು ಇಷ್ಟವಾದರೆ ಸಂಬಂಧ ಮುಂದುವರಿಯುತ್ತೆ, ಇಲ್ಲಾ ಅಂದ್ರೆ ಮನಸ್ಸಿಗೆ ಖಂಡಿತ ಬೇಜಾರುಗುತ್ತೆ, ಹಾಗಂತ ನಮ್ಮನ್ನು ಬೇಡದವರಿಗೆ ನಾವ್ಯಾಕೆ ಕನವರಿಸಬೇಕು ಅಲ್ವಾ?

ನೀವು ಈ ದಿನ ಪ್ರಪೋಸ್ ಮಾಡಬಯಸುವುದಾದರೆ ನಿಮ್ಮ ಲವ್ ಸಕ್ಸಸ್ ಆಗಲಿ ಎಂಬುವುದೇ ಆರೈಕೆ. ನಾವಿಲ್ಲಿ ನಿಮ್ಮ ಇಷ್ಟದ ವ್ಯಕ್ತಿಗೆ ಕಳುಹಿಸಲು ಹಾರ್ಟ್ ಟಚ್ಚಿಂಗ್ ಪ್ರಪೋಸ್ ಸಂದೇಶ ನೀಡಿದ್ದೇವೆ, ನೀವು ಈ ರೀತಿ ಪ್ರಪೋಸ್‌ ಮಾಡಿದರೆ ಅವರು ತಾನೆ ಹೇಗೆ ನೋ... ಹೇಳಲು ಸಾಧ್ಯ?

ಪ್ರಪೋಸ್ ಡೇ

1. ನನ್ನ ಪ್ರೇಮಿಯಾಗುತ್ತೀಯಾ?

ನನ್ನ ಉಸಿರು ಇರುವವರೆಗೆ ಜೋಪಾನ ಮಾಡುವೆ

ಪ್ರಪೋಸ್ ಡೇ

ನಿನ್ನ ಭೇಟಿಯಾದ ಕ್ಷಣದಿಂದ ನನ್ನ ಜಗತ್ತಿನಲ್ಲಿ ನೀನೇ ಆವರಿಸಿರುವೆ, ಎಂದೆಂದೂ ನಿನ್ನ ಜೊತೆಯಲ್ಲಿ ಹೆಜ್ಜೆ ಹಾಕುವಾಸೆ, ನೀನು ನನ್ನವಳಾಗುವೆಯಾ?

ಪ್ರಪೋಸ್ ಡೇ

ಲವ್ ಎನ್ನುವುದು ಮ್ಯಾಜಿಕ್ ಎಂಬುವುದು ನಿನ್ನ ನೋಡಿದ ಬಳಿಕ ತಿಳಿದಿದೆ, ಈ ಬದುಕಿನಲ್ಲಿ ಮದುವೆಯೆಂಬುವುದು ಇದ್ದರೆ ಅದು ನಿನ್ನ ಜೊತೆ ಎಂದು ಭಾವಿಸಿದ್ದೇನೆ, ಈ ನನ್ನ ಮನದ ಅರಮನೆಯಲ್ಲಿ ರಾಣಿಯಾಗಲು ಬರುವೆಯಾ ಗೆಳತಿ?

ಪ್ರಪೋಸ್ ಡೇ

ನಾನು ಎಂಥ ಗುಣದ ಪುರುಷನನ್ನು ಬಯಸಿದ್ದೆನೋ ಆ ಗುಣಗಳ ಪ್ರತಿರೂಪವೇ ನೀನಾಗಿರುವೆ, ನೀನು ನನ್ನ ಬಾಳಲ್ಲಿ ಬಂದರೆ ನಾನು ತುಂಬಾ ಅದೃಷ್ಟವಂತೆ, ನನ್ನನು ನಿನ್ನವಳಾಗಿಸಲು ಸಮ್ಮತಿಯೇ?

ಪ್ರಪೋಸ್ ಡೇ

ನೀನೆಂದರೆ ನನಗೆ ತುಂಬಾ ಇಷ್ಟ, ನಿನಗೆ ನಾನು ಇಷ್ಟವಾದನೇ?

ಹ್ಯಾಪಿ ಪ್ರಪೋಸ್‌ ಡೇ