2019ರ ಹೊಸ ವರುಷದಲ್ಲಿ ದಂಪತಿಗಳು ತೆಗೆದುಕೊಳ್ಳಬೇಕಾದ ನಿರ್ಣಯಗಳು

ನಿಮ್ಮ ಸಂಬಂಧದ ಗುರಿಗಳು ಏನು?

ಈ ಹೊಸ ವರ್ಷದ ಆರಂಭದಲ್ಲಿ ನೀವು ಒಮ್ಮೆ ಹಿಂತಿರುಗಿ ನೋಡಿ ನಿಮ್ಮ ಸಂಗಾತಿ ಜತೆಗಿನ ಜೀವನ ಯಾವ ರೀತಿಯಲ್ಲಿ ಸಾಗಿದೆ ಎಂದು ನೋಡಬಹುದು. ನೀವಿಬ್ಬರು ಹಂಚಿಕೊಂಡಿರುವ ಸಂಭ್ರಮದ ಕ್ಷಣಗಳು, ಪರಸ್ಪರ ಪರಿಸ್ಥಿತಿಯನ್ನು ನಿಭಾಯಿಸಿದ ರೀತಿ ಮತ್ತು 2019ರಲ್ಲಿ ಸಂಬಂಧವನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯಲು ಪ್ರಯತ್ನಿಸಿ. ಹೊಸ ವರ್ಷದಲ್ಲಿ ಕೆಲವು ನಿರ್ಣಯಗಳನ್ನು ನೀವು ತೆಗೆದುಕೊಂಡರೆ ಅದರಿಂದ ನಿಮ್ಮ ಪ್ರೀತಿಯ ಜೀವನವು ಉತ್ತಮವಾಗುವುದು.

ವಾರಕ್ಕೊಮ್ಮೆ ಡೇಟ್ ನೈಟ್

ಪ್ರತಿಯೊಂದು ಸಂಬಂಧವು ಆರಂಭದಲ್ಲಿ ಹನಿಮೂನ್ ಸಮಯವನ್ನು ಹೊಂದಿರುವುದು ಮತ್ತು ಆದರೆ ಇದರ ಬಳಿಕ ಅದು ತನ್ನ ಆಕರ್ಷಣೆ ಕಳೆದುಕೊಳ್ಳುವುದು ಸಹಜ. ಆಕರ್ಷಣೆಯು ಕಳೆದುಕೊಳ್ಳದಂತೆ ನೋಡಿಕೊಳ್ಳುವುದು ತುಂಬಾ ಸವಾಲಿನ ಕೆಲಸ. ವಾರದಲ್ಲಿ ಒಂದು ದಿನವಾದರೂ ನಿಮ್ಮ ಸಂಗಾತಿ ಜತೆಗೆ ಡೇಟ್ ನೈಟ್ ಮಾಡಿ. ಆ ದಿನ ನೀವು ಸಂಗಾತಿಯೊಂದಿಗೆ ಮಕ್ಕಳು, ಬಿಲ್, ವೃತ್ತಿ, ಕುಟುಂಬ ಸಮಸ್ಯೆ ಅಥವಾ ವೃತ್ತಿಯ ಬಗ್ಗೆ ಮಾತನಾಡಬೇಡಿ.

ಫೋನ್ ಇಲ್ಲದೆ ಒಂದು ಗಂಟೆ

ನಿಮ್ಮ ಸಂಗಾತಿ ಜತೆಗೆ ಮಾತನಾಡಿ ಮತ್ತು ದಿನದಲ್ಲಿ ಒಂದು ಗಂಟೆ ಫೋನ್ ಇಲ್ಲದೆ ಜತೆಯಾಗಿ ಇರಬೇಕು ಎಂದು ಅವರಿಗೆ ಮನವರಿಕೆ ಮಾಡಿಕೊಡಿ. ಇಂದಿನ ದಿನಗಳಲ್ಲಿ ಫೋನ್ ಎನ್ನುವುದು ಅವಿಭಾಜ್ಯ ಅಂಗವಾಗಿರುವ ಕಾರಣದಿಂದಾಗಿ ಇದು ನಿಮಗೆ ದೊಡ್ಡ ಸವಾಲಿನ ಕೆಲಸವಾಗಬಹುದು. ಆದರೆ ಫೋನ್ ಇಲ್ಲದೆ ನೀವಿಬ್ಬರು ಜತೆಯಾಗಿ ಕಳೆದರೆ ಆ ಸಮಯವನ್ನು ಖಂಡಿತವಾಗಿಯೂ ಮರೆಯಲು ಸಾಧ್ಯವಿಲ್ಲ.

ಪ್ರತಿಕ್ರಿಯಿಸುವ ಮೊದಲು ಆಲೋಚಿಸಿ

ಜಗಳಗಳು ಆಗುವಂತಹ ಸಮಯದಲ್ಲಿ ನಾವು ತುಂಬಾ ಆಲೋಚನೆ ಮಾಡಿಕೊಂಡು ಮಾತನಾಡಬೇಕು. ಆದರೆ ನಾವು ಇದನ್ನು ಯಾವತ್ತೂ ಪಾಲಿಸಿಕೊಂಡು ಹೋಗುವುದಿಲ್ಲ. ಇದಕ್ಕೆ ಒಂದು ಸರಳವಾಗಿರುವ ಪರಿಹಾರವಿದೆ. ಮುಂದಿನ ಸಲ ನೀವು ಸಂಗಾತಿಯೊಂದಿಗೆ ಜಗಳ ಮಾಡಲು ತಯಾರಾದಾಗ ಅಥವಾ ಅವರಿಗೆ ಬೈಯಬೇಕೆಂದು ಅನಿಸಿದಾಗ ದೀರ್ಘವಾಗಿ ಉಸಿರಾಡಿಕೊಂಡು ನಿಮ್ಮ ಭಾವನೆಗಳು(ಅದು ಕೋಪ, ಕಿರಿಕಿರಿ ಅಥವಾ ಏನೇ ಆಗಿದ್ದರೂ) ಅದನ್ನು ಗುರುತಿಸಿಕೊಳ್ಳಿ. ಐದು ವರ್ಷದ ಬಳಿಕ ಈ ವಿಚಾರವು ಯಾವುದೇ ಮಹತ್ವ ಹೊಂದಿದೆಯಾ ಅಥವಾ ಇಲ್ಲವಾ ಎಂದು ನಿಮಗೆ ನೀವೇ ಪ್ರಶ್ನಿಸಿಕೊಳ್ಳಿ. ಈ ರೀತಿಯಾಗಿ ನೀವು ಪರಿಸ್ಥಿತಿಯನ್ನು ನಿಮ್ಮ ಕೈಮೀರಿ ಹೋಗುವುದನ್ನು ತಪ್ಪಿಸಬಹುದು.

ಹೊಸ ಗುರಿ ಹಾಕಿಕೊಳ್ಳಿ

ನೀವಿಬ್ಬರು ಜತೆಯಾಗಿ ಸಾಧಿಸಬಹುದಾದ ಹೊಸ ಗುರಿಯನ್ನು ಹಾಕಿಕೊಳ್ಳಿ. ಇದು ಕೈದೋಟವಾಗಿರಬಹದುಉ, ಹೊಸ ಜಾಗಗಳಿಗೆ ತಿಂಗಳಿಗೊಮ್ಮೆ ಪ್ರವಾಸ ಅಥವಾ ಹೊಸ ಕೌಶಲ್ಯ ವೃದ್ಧಿ ಮಾಡುವುದು. ನಿಮಗಿಬ್ಬರಿಗೂ ಆಸಕ್ತಿ ಇರುವಂತಹ ವಿಚಾರಗಳ ಬಗ್ಗೆ ಯೋಚಿಸಿ ಮತ್ತು 2019ನ್ನು ತುಂಬಾ ವಿಶೇಷವಾಗಿಸಿಕೊಳ್ಳಿ.

ನಿಮಗೋಸ್ಕರ ಸಮಯ ಮೀಸಲಿಡಿ

ಪ್ರತಿಯೊಬ್ಬರಿಗೂ ತಮ್ಮದೇ ಆಗಿರುವಂತಹ ಸಮಯವು ಬೇಕಾಗಿರುವುದು. ನಿಮಗೆ ಹಾಗೂ ನಿಮ್ಮ ಸಂಗಾತಿಗೆ ಕೂಡ ವೈಯಕ್ತಿಕ ಸಮಯ ಬೇಕಾಗಿರುತ್ತದೆ. ಇದರಿಂದಾಗಿ ನಿಮಗೋಸ್ಕರವಾಗಿ ಸ್ವಲ್ಪ ಸಮಯವನ್ನು ಮೀಸಲಿಡುವುದು ತುಂಬಾ ಅಗತ್ಯ. ಈ ವೇಳೆ ನೀವು ಪತ್ರಿಕೆ ಓದಬಹುದು, ಧಾನ್ಯ ಮಾಡಬಹುದು ಅಥವಾ ಹಾಗೆ ಕುಳಿತುಕೊಳ್ಳಬಹುದು. ಹೀಗೆ ನಿಮಗೋಸ್ಕರ ಸಮಯ ಮೀಸಲಿರಿಸಿದರೆ ಆಗ ನಿಮ್ಮ ದೇಹವು ಮತ್ತೆ ಉತ್ಸಾಹ ಪಡೆಯುವುದು.

ಆಲಿಸಿರಿ

ನಿಮ್ಮ ಸಂಗಾತಿಯು ಮಾತನಾಡುತ್ತಾ ಇರುವಾಗ ನೀವು ಮೊಬೈಲ್ ನಲ್ಲಿ ಮುಳುಗಿಹೋಗಬೇಡಿ. ಆಕೆ ಅಥವಾ ಆತ ಏನು ಹೇಳುತ್ತಿದ್ದಾನೆ ಎಂದು ಕೇಳಿಸಿಕೊಳ್ಳಿ. ಇದಕ್ಕೆ ನೀವು ಸರಿಯಾದ ಪ್ರತಿಕ್ರಿಯೆ ನೀಡಿ ಮತ್ತು ಪ್ರಶ್ನೆಗಳನ್ನು ಕೇಳಿ. ನೀವು ತುಂಬಾ ಒಳ್ಳೆಯ ಆಲಿಸುವವರಾಗಿ ಮತ್ತು ಈ ಸಣ್ಣ ಹೆಜ್ಜೆಗಳು ನಿಮ್ಮ ಸಂಬಂಧದಲ್ಲಿ ಯಾವ ರೀತಿಯ ಬದಲಾವಣೆಗಳನ್ನು ಉಂಟು ಮಾಡುತ್ತದೆ ಎಂದು ನಿಮಗೆ ಊಹಿಸಲು ಸಾಧ್ಯವಾಗದು. ಇದು ಎಲ್ಲವೂ ಸರಿಯಾದ ಕಾರಣಕ್ಕೆ ಆಗುವುದು.

ಭಾವನಾತ್ಮಕವಾಗಿ ಪ್ರಾಮಾಣಿಕವಾಗಿರಿ

ನೀವು ತುಂಬಾ ಅಂತರ್ಮುಖಿ ಅಥವಾ ಹೆಚ್ಚು ಬೆರೆಯದ ವ್ಯಕ್ತಿಯಾಗಿದ್ದರೆ ಆಗ ಭಾವನೆಗಳನ್ನು ಸಂಗಾತಿಯ ಜತೆಗೆ ಹೇಳಿಕೊಳ್ಳುವುದು ತುಂಬಾ ಸವಾಲಿನ ಕೆಲಸವಾಗಬಹುದು. ನಿಮಗೆ ತುಂಬಾ ಅಸೂಯೆ, ಅಸುರಕ್ಷತೆ, ಕಿರಿಕಿರಿ, ಕೋಪ ಅಥವಾ ಯಾವುದೇ ರೀತಿಯ ನಕಾರಾತ್ಮಕ ಭಾವನೆಗಳು ಇದ್ದರೂ ಅದನ್ನು ಹೇಳಿಕೊಳ್ಳಿ. ಸಂಗಾತಿಯು ಇದನ್ನು ತಿಳಿದುಕೊಳ್ಳುವುದು ತುಂಬಾ ಮುಖ್ಯ. ಇದರಿಂದ ಸಮಸ್ಯೆಗಳನ್ನು ಬಗೆಹರಿಸಲು ಸಾಧ್ಯವಾಗುವುದು ಮತ್ತು ಅಪಾರ್ಥ ಮಾಡಿಕೊಳ್ಳುವುದು ತಪ್ಪುವುದು.

ಹಂಚಿಕೊಳ್ಳುವುದು ಅತೀ ಮುಖ್ಯವಾಗಿರುವಂತಹ ಸಂಬಂಧ

ಸಂಗಾತಿ ಜತೆಗೆ ನೀವು ಎಷ್ಟೇ ಪ್ರೀತಿಯಲ್ಲಿ ಮುಳುಗಿದ್ದರೂ, ನಿಮ್ಮೊಳಗೆ ಹಂಚಿಕೊಳ್ಳುವುದು ಸಂಬಂಧದಲ್ಲಿ ಅತಿ ಮುಖ್ಯವಾಗಿರುವುದು. ನೀವು ಸಂತೋಷವಾಗಿ ಇರದೇ ಇದ್ದರೆ ಆಗ ನೀವು ಖಂಡಿತವಾಗಿಯೂ ಸಂಬಂಧದಲ್ಲಿ ಶೇ. 100ರಷ್ಟು ಭಾಗಿಯಾಗಲು ಸಾಧ್ಯವಾಗುವುದಿಲ್ಲ. ಸಂತೋಷವನ್ನು ನಿಮ್ಮ ಕೈಯಲ್ಲಿ ಇಟ್ಟುಕೊಳ್ಳಿ ಮತ್ತು ಸಂಬಂಧವು ಯಾವುದೇ ಮಹತ್ವವನ್ನು ಹೊಂದಿಲ್ಲವೆಂದು ನಿಮಗೆ ಅನಿಸಿದರೆ ಆಗ ನೀವು ಅದರಿಂದ ಹಿಂದಕ್ಕೆ ಸರಿಯುವುದರಿಂದ ಹಿಂಜರಿಯಬೇಡಿ.