ಸಂಗಾತಿ ರೋಮ್ಯಾಂಟಿಕ್ ಅಲ್ಲದಿದ್ದರೆ ಏನು ಮಾಡುವುದು?

ನಿಮಗೇನು ಬೇಕು ಎಂದು ಹೇಳಿ

ಆತ ರೋಮ್ಯಾಂಟಿಕ್ ಆಗಿಲ್ಲವೆಂದು ಆತನಿಗೆ ಇದುವರೆಗೂ ಮನವರಿಕೆಯಾಗಿಲ್ಲ. ಇದರಿಂದ ನೀವು ಈ ಸಮಸ್ಯೆಯ ಬಗ್ಗೆ ಆತನಿಗೆ ತಿಳಿಹೇಳಿ, ಅದನ್ನು ಬಗೆಹರಿಸಿಕೊಳ್ಳಿ. ರೋಮ್ಯಾನ್ಸ್ ನಿಮಗೆ ಎಷ್ಟು ಅಗತ್ಯವೆಂದು ಆತನಿಗೆ ತಿಳಿದರೆ ಆಗ ಇದನ್ನು ಆತ ಮನವರಿಕೆ ಮಾಡಿಕೊಂಡು ಸರಿಪಡಿಸಲು ಬಯಸುತ್ತಾನೆ. ಇದು ನಿಮ್ಮ ಸಂಬಂಧ ಉಳಿಸುವುದು ಮತ್ತು ನಿಮಗೇನು ಬೇಕೋ ಅದನ್ನು ನೀಡುವುದು. ಇದರ ಬಗ್ಗೆ ಮಾತನಾಡಲು ನೀವು ಹೆದರಬೇಡಿ.

ಒಳ್ಳೆಯ ಬಟ್ಟೆಗಳನ್ನು ಧರಿಸಿ

ನಿಮ್ಮ ಸಂಗಾತಿಯು ರೋಮ್ಯಾಂಟಿಕ್ ಅಲ್ಲದೆ ಇರುವುದಕ್ಕೆ ಕಾರಣವೆಂದರೆ ನೀವು ಈಗ ಆಕರ್ಷಣೀಯವಾಗಿ ಕಾಣಿಸುತ್ತಿಲ್ಲದೇ ಇರಬಹುದು. ಇದರಿಂದಾಗಿ ನೀವು ವೈಯಕ್ತಿಕ ಸ್ವಚ್ಛತೆ ಮತ್ತು ದೇಹವನ್ನು ಫಿಟ್ ಆಗಿಟ್ಟುಕೊಳ್ಳಿ. ಇದರಿಂದ ನಿಮ್ಮ ಕಡೆ ಆತ ಹೆಚ್ಚು ಆಕರ್ಷಿತನಾಗುತ್ತಾನೆ ಎನ್ನುವುದರಲ್ಲಿ ಯಾವುದೇ ಸಂಶಯವಿಲ್ಲ.

ಆತನನ್ನು ಪೀಡಿಸಬೇಡಿ

ನಿಮ್ಮ ಸಂಗಾತಿ ರೋಮ್ಯಾಂಟಿಕ್ ಆಗದೆ ಇರುವುದಕ್ಕೆ ಹಲವಾರು ಕಾರಣಗಳು ಇರಬಹುದು. ಹಿಂದಿನ ಕೆಲವು ಸಂಬಂಧ ಅಥವಾ ಬೇರೆ ಕಾರಣಗಳು ಕೂಡ ಇರಬಹುದು. ಇದರಿಂದ ಆತ ರೋಮ್ಯಾನ್ಸ್ ನಿಂದ ದೂರ ಉಳಿದಿರಬಹುದು. ನೀವು ಪದೇ ಪದೇ ಆತನನ್ನು ಪೀಡಿಸುತ್ತಾ ಇದ್ದರೆ ಆತ ನಿಮ್ಮನ್ನು ದ್ವೇಷಿಸಲು ಆರಂಭಿಸಬಹುದು.

ಇತರ ರೋಮ್ಯಾಂಟಿಕ್ ಪುರುಷರ ಜತೆ ಹೋಲಿಸಬೇಡಿ

ಪುರುಷರ ಅಹಂ ಎನ್ನುವುದು ತುಂಬಾ ಸೂಕ್ಷ್ಮ ವಿಚಾರವಾಗಿರುವುದು. ಮಹಿಳೆಯರು ಇದಕ್ಕೆ ಧಕ್ಕೆಯಾಗದಂತೆ ನೋಡಿಕೊಳ್ಳಬೇಕು. ನೀವು ಬೇರೆ ರೋಮ್ಯಾಂಟಿಕ್ ಪುರುಷರಿಗೆ ಆತನನ್ನು ಹೋಲಿಕೆ ಮಾಡಿದರೆ ಆಗ ಆತನ ಅಹಂಗೆ ಧಕ್ಕೆಯಾಗುವುದು. ಇದರಿಂದ ಆತ ರೋಮ್ಯಾಂಟಿಕ್ ಆಗುವುದಿಲ್ಲ. ನಿಮ್ಮ ಕಂಪೆನಿಯ ಬಾಸ್ ಜತೆಗೆ ಸಂಗಾತಿಯ ಹೋಲಿಕೆ ಮಾಡುವುದು ತುಂಬಾ ಕೆಟ್ಟ ವಿಚಾರ. ಹೀಗೆ ಯಾವತ್ತೂ ಮಾಡದಿರಿ.

ಪರಸ್ಪರ ಕಾರ್ಯಕ್ರಮಗಳಿಗೆ ಹೊಂದಾಣಿಕೆ ಮಾಡಿಕೊಳ್ಳಿ

ನಿಮಗೆ ಇಷ್ಟವಿಲ್ಲದೆ ಇರುವ ಕೆಲವು ವಿಷಯಗಳಲ್ಲಿ ಭಾಗಿಯಾಗಬೇಕೆಂದು ಸಂಗಾತಿಯು ಬಯಸಬಹುದು. ಕ್ರೀಡಾ ಕಾರ್ಯಕ್ರಮದಿಂದ ಹಿಡಿದು ಆತ ವಿಡಿಯೋ ಗೇಮ್ ಆಡುವಾಗ ಜತೆಗೆ ಕುಳಿತುಕೊಳ್ಳುವ ವಿಷಯವಿರಬಹುದು. ಇದನ್ನು ನೀವು ಖಂಡಿತವಾಗಿಯೂ ಕಡೆಗಣಿಸಬಾರದು. ಇದನ್ನು ಆತ ನೀವು ಮಾಡುವಂತಹ ದೊಡ್ಡ ಉಪಕಾರವೆಂದು ಭಾವಿಸುತ್ತಾನೆ ಮತ್ತು ಮುಂದಿನ ಸಲ ನೀವು ರೋಮ್ಯಾಂಟಿಕ್ ಡೇಟ್ ಗೆ ಕರೆದಾಗ ಆತ ಖಂಡಿತವಾಗಿಯೂ ಇಲ್ಲವೆನ್ನಲ್ಲ.

ಆತನ್ನು ಪ್ರಶಂಸೆ ಮಾಡಿ

ಆತ ತುಂಬಾ ರೋಮ್ಯಾಂಟಿಕ್ ಆಗಿರಬೇಕೆಂದು ನೀವು ಬಯಸುತ್ತಾ ಇರುವಂತೆ ಆತ ಕೂಡ ಇದೇ ನಿರೀಕ್ಷೆಯಲ್ಲಿರಬಹುದು. ಆತನನ್ನು ನೀವು ಇದಕ್ಕಾಗಿ ಶ್ಲಾಘಿಸಿ. ಒಂದು ರಾತ್ರಿಯೊಳಗೆ ಆತ ಬದಲಾಗುವುದಿಲ್ಲ. ನೀವು ತುಂಬಾ ತಾಳ್ಮೆಯಿಂದ ಕಾಯಬೇಕು ಮತ್ತು ಬಲವಾದ ಸಂಬಂಧ ಬೆಳೆಯುವಂತೆ ನೋಡಿಕೊಳ್ಳಬೇಕು ಮತ್ತು ನಿಮಗೆ ಬೇಕಿರುವಂತಹದ್ದು ಖಂಡಿತವಾಗಿಯೂ ಸಿಗುವುದು.

ಸಾಂಪ್ರದಾಯಿಕ ರೋಮ್ಯಾನ್ಸ್ ನಿಂದ ಹೊರಬನ್ನಿ

ಕೆಲವು ಅನಿರೀಕ್ಷಿತ ಸ್ಥಳಗಳಲ್ಲಿಯೂ ರೋಮ್ಯಾನ್ಸ್ ಸಿಗುವುದು ಎಂದು ನೀವು ಮನವರಿಕೆ ಮಾಡಿಕೊಳ್ಳಬೇಕು. ಇದರಿಂದ ಕೇವಲ ಕ್ಯಾಂಡರ್ ಲೈಟ್ ಡಿನ್ನರ್ ನಲ್ಲಿ ಮಾತ್ರ ರೋಮ್ಯಾನ್ಸ್ ಮೂಡಿಬರುವುದು ಎನ್ನುವ ಕಲ್ಪನೆ ಬಿಟ್ಟುಬಿಡಿ. ಇದರಿಂದ ನೀವಿಬ್ಬರು ತುಂಬಾ ಕ್ರಿಯಾತ್ಮಕವಾಗಿರುವಂತಹ ಸ್ಥಳ ಹುಡುಕಿ. ನಿಮ್ಮ ಚಟುವಟಿಕೆ ತುಂಬಾ ಆನಂದಿಸುವಂತಿದ್ದರೆ ಆಗ ರೋಮ್ಯಾನ್ಸ್ ಬಂದೇ ಬರುವುದು.

ನೀವೇ ಆರಂಭಿಸಿ

ಜೀವನದಲ್ಲಿ ನಿಜವಾಗಿಯೂ ನಿಮಗೆ ರೋಮ್ಯಾನ್ಸ್ ಬೇಕೆಂದಿದ್ದರೆ ಆಗ ನೀವು ಖಂಡಿತವಾಗಿಯೂ ಸಂಗಾತಿಗೋಸ್ಕರ ಕಾಯುವುದಿಲ್ಲ. ನೀವು ರೋಮ್ಯಾನ್ಸ್ ನಲ್ಲಿ ಮೊದಲ ಹೆಜ್ಜೆಯನ್ನಿಡಲು ಹಿಂಜರಿಯಬೇಡಿ. ಪುರುಷರು ಮಾತ್ರ ಮುಂದೆ ಬರುವರು ಎನ್ನುವ ಬಯಕೆ ಬಿಟ್ಟುಬಿಡಿ. ಇಂದಿನ ದಿನಗಳಲ್ಲಿ ಎಲ್ಲವನ್ನು ಸಮಾನವಾಗಿ ಕಾಣಲಾಗುತ್ತದೆ. ಇದರಿಂದ ನೀವೇ ಮುಂದಾಗಿ ರೋಮ್ಯಾನ್ಸ್ ಮಾಡಿದರೆ ಅದರಲ್ಲಿ ತಪ್ಪಿಲ್ಲ.

ನಿಮಗೆ ಆತ ಎಷ್ಟು ಮುಖ್ಯವೆಂದು ತಿಳಿಸಿ

ನೀವು ಆತನಿಗೆ ಎಷ್ಟು ಮುಖ್ಯವೆಂದು ಹೇಳದೆಯೇ ಪ್ರೀತಿಸುತ್ತಿರುತ್ತೇವೆ. ಇದನ್ನು ನಾವು ತುಂಬಾ ಲಘುವಾಗಿ ಪರಿಗಣಿಸಿರುತ್ತೇವೆ. ಆದರೆ ನಿಮ್ಮ ಸಂಗಾತಿಯು ಮನಸ್ಸನ್ನು ಓದಬಲ್ಲವನಾಗಿರುವನು. ಆತ ನಿಮಗೆ ಎಷ್ಟು ಮುಖ್ಯವೆಂದು ನೀವು ಹೇಳಿದರೆ ಆಗ ಇದು ಆತನನ್ನು ಪ್ರೇರೇಪಿಸುತ್ತದೆ ಮತ್ತು ಹೆಚ್ಚು ರೋಮ್ಯಾಂಟಿಕ್ ಆಗಿಸುವುದು. ಆತನಿಗೆ ಉಡುಗೊರೆ ನೀಡುವ ಮೂಲಕ ಆತ ನಿಮಗೆ ಎಷ್ಟು ಮುಖ್ಯವೆನ್ನುವುದನ್ನು ತಿಳಿಸಿಕೊಡಬಹುದು.

ರೋಮ್ಯಾನ್ಸ್ ಗಿಂತಲೂ ಹೊರತಾದ ಜೀವನವಿದೆ

ಇದನ್ನು ನೀವು ತುಂಬಾ ಸ್ಪಷ್ಟವಾಗಿ ಹಾಗೂ ಬಲವಾಗಿ ಅರ್ಥ ಮಾಡಿಕೊಳ್ಳಬೇಕು. ಕೇವಲ ರೋಮ್ಯಾಂಟಿಕ್ ಆಗದೆ ಇಲ್ಲದೆ ಇರುವುದರಿಂದ ಆತ ನಿಮ್ಮನ್ನು ಕಡಿಮೆ ಪ್ರೀತಿಸುತ್ತಾನೆ ಎಂದಲ್ಲ. ಪ್ರೀತಿಯನ್ನು ವ್ಯಕ್ತಪಡಿಸುವಂತಹ ರೀತಿ ಪ್ರತಿಯೊಬ್ಬರಲ್ಲೂ ಒಂದೇ ರೀತಿಯಾಗಿರುವುದಿಲ್ಲ. ಆತ ರೋಮ್ಯಾಂಟಿಕ್ ಇಲ್ಲದೆ ಇದ್ದರೆ ಆತನನ್ನು ಬದಲಾಯಿಸುವ ಬದಲು ನೀವು ಇದ್ದ ಹಾಗೆ ಆತನನ್ನು ಸ್ವೀಕರಿಸಿ. ಇದರಿಂದ ನೀವು ಪ್ರೀತಿಯಲ್ಲಿ ತುಂಬಾ ಸಂತೋಷವಾಗಿರುವಿರಿ.