ಇದೇ ಕಾರಣಕ್ಕೆ ಮಹಿಳೆಯರಿಗೆ ಸೆಕ್ಸ್‌ನಲ್ಲಿ ಆಸಕ್ತಿ ಕಡಿಮೆ ಆಗುವುದಂತೆ!

1. ಕೆಟ್ಟ ಸಂಬಂಧ

ಸಂಗಾತಿ ಜತೆಗೆ ನೀವು ಪದೇ ಪದೇ ಜಗಳವಾಡುತ್ತಲಿದ್ದರೆ ಆಗ ನಿಮ್ಮ ಲೈಂಗಿಕಾಸಕ್ತಿಯು ಕುಂದುವುದು. ನಿಮಗೆ ಕೋಪ ಅಥವಾ ನೋವಾಗಿದ್ದರೆ ಆಗ ಸೆಕ್ಸ್ ಎನ್ನುವುದು ನಿಮ್ಮ ತಲೆಯಲ್ಲಿ ಸುಳಿದಾಡದು. ನಿಮ್ಮ ಸಂಬಂಧವನ್ನು ಸುಧಾರಿಸಿಕೊಳ್ಳಿ. ಸಲಹೆಗಾರರ ಬಳಿಗೆ ಹೋಗಿ ಇದನ್ನು ಸರಿ ಮಾಡಬಹುದು.

2. ಒತ್ತಡ

ಒತ್ತಡವು ಎಲ್ಲಿಂದ ಬರುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಆದರೆ ಇದರಿಂದ ಕಾಮಾಸಕ್ತಿಯು ಕುಂದುವುರು ಖಚಿತ. ಆರ್ಥಿಕ ಸಮಸ್ಯೆ, ಗರ್ಭಧರಿಸದೆ ಇರುವುದು ಅಥವಾ ಉದ್ಯೋಗದ ಬಗ್ಗೆ ಯೋಚನೆ ಮಾಡುವುದು ಕೂಡ ನಿಮ್ಮ ಲೈಂಗಿಕಾಸಕ್ತಿ ಮೇಲೆ ಪರಿಣಾಮ ಬೀರುವುದು. ಒತ್ತಡದಿಂದಾಗಿ ನಿಶ್ಯಕ್ತಿಯು ಕಾಡಬಹುದು ಮತ್ತು ಇದು ಸಮಸ್ಯೆಯನ್ನು ಮತ್ತಷ್ಟು ಕೆಡಿಸುವುದು. ನಿಮಗೆ ಗರ್ಭಧರಿಸಬೇಕೆಂದಿದ್ದರೆ ಆಗ ಒತ್ತಡವು ಪರಿಣಾಮ ಬೀರುವುದು. ಇದರಿಂದ ನೀವು ಶಾಂತವಾಗಿರಿ ಮತ್ತು ದಿನಾಲೂ ಧಾನ್ಯ ಮಾಡುವುದರಿಂದ ಒತ್ತಡ ನಿವಾರಣೆಯಾಗುವುದು.

3. ಮದ್ಯಪಾನ ಮತ್ತು ಧೂಮಪಾನ

ಇವೆರಡು ಕೂಡ ನಿಮ್ಮಲ್ಲಿ ಲೈಂಗಿಕಾಸಕ್ತಿ ಮತ್ತು ತೃಪ್ತಿಯನ್ನು ಕಡಿಮೆ ಮಾಡುವುದು.ಮಿತವಾಗಿ ಮದ್ಯಪಾನ ಮಾಡಿದರೆ ಚಿಂತಿಲ್ಲ. ಆದರೆ ಅತಿಯಾದರೆ ಅದರಿಂದ ಲೈಂಗಿಕಾಸಕ್ತಿಯು ಕುಂದುವುದು ಖಚಿತ. ಯಾವುದೇ ರೀತಿಯ ಧೂಮಪಾನವು ಹಾನಿಕಾರಕ. ಇದರಿಂದ ಇದನ್ನು ಬಿಟ್ಟುಬಿಡಿ. ಆದರೆ ಧೂಮಪಾನ ತ್ಯಜಿಸುವುದು ಅಷ್ಟು ಸುಲಭವಲ್ಲ. ನೀವು ಬೋರ್ ಆಗುವ ಕಾರಣದಿಂದ ಧೂಮಪಾನ ಮಾಡುತ್ತಲಿದ್ದರೆ ಆಗ ನೀವು ಸಮಯ ಕಳೆಯಲು ಜಿಮ್ ಗೆ ಹೋಗಬಹುದು.

4. ಮಾನಸಿಕ ಕಾಯಿಲೆ

ಖಿನ್ನತೆ ಮತ್ತು ಆತಂಕದಂತಹ ಮಾನಸಿಕ ಕಾಯಿಲೆಗಳು ಕೂಡ ಲೈಂಗಿಕಾಸಕ್ತಿ ಮೇಲೆ ಪರಿಣಾಮ ಬೀರುವುದು. ಇದರ ಬಗ್ಗೆ ವೈದ್ಯರೊಂದಿಗೆ ಮಾತನಾಡಿ ಚಿಕಿತ್ಸೆ ಪಡೆಯಿರಿ. ಇದನ್ನು ನಿವಾರಿಸಲು ಮಾಡುವಂತಹ ಕೆಲವೊಂದು ಧಾನ್ಯಗಳು ಕೂಡ ಕಾಮಾಸಕ್ತಿ ಮೇಲೆ ಪರಿಣಾಮ ಬೀರಬಹುದು. ಆದರೆ ಪ್ರತಿಯೊಂದು ಧಾನ್ಯವೂ ಅಲ್ಲ, ಇದರ ಬಗ್ಗೆ ವೈದ್ಯರೊಂದಿಗೆ ಮಾತನಾಡಿ.

5. ಗರ್ಭ ನಿರೋಧಕ

ದೇಹದಲ್ಲಿ ಟೆಸ್ಟೋಸ್ಟೆರಾನ್ ಕಡಿಮೆ ಮಾಡುವಂತಹ ಹಾರ್ಮೋನುಗಳ ಜನ್ಮದಿಂದಾಗಿ ನಿಮ್ಮ ಲೈಂಗಿಕಾಸಕ್ತಿಯು ಕುಗ್ಗಬಹುದು. ಯಾಕೆಂದರೆ ಟೆಸ್ಟೊಸ್ಟೆರಾನ್ ನಿಂದಾಗಿಯೇ ನಿಮ್ಮಲ್ಲಿ ಕಾಮನೆಗಳು ಹೆಚ್ಚುವುದು. ಖಿನ್ನತೆಗೆ ತೆಗೆದುಕೊಳ್ಳುವ ಮಾತ್ರೆಗಳು, ಆಂಟಿಸ್ಟಾಮೈನ್ ಗಳು. ವೈದ್ಯಕೀಯ ಗಾಂಜಾ, ಒಪಿಯಾಡ್ಸ್, ಅಧಿಕರಕ್ತದೊತ್ತಡ ಇತ್ಯಾದಿಗಳಿಗೆ ತೆಗೆದುಕೊಳ್ಳುವಂತಹ ಔಷಧಿಗಳು ಲೈಂಗಿಕಾಸಕ್ತಿ ಕುಂದಿಸುವುದು. ನಿಮಗೆ ಸಮಸ್ಯೆ ನೀಡುತ್ತಲಿದ್ದರೆ ಆಗ ನೀವು ವೈದ್ಯರ ಜತೆಗೆ ಮಾತನಾಡಿ ಔಷಧಿ ಬದಲಾಯಿಸಿಕೊಳ್ಳಬಹುದು. ಹಾರ್ಮೋನು ರಹಿತ ಗರ್ಭನಿರೋಧಕವಾಗಿರುವಂತಹ ಔಷಧಿಯನ್ನು ತೆಗೆದುಕೊಳ್ಳಬಹುದು.

6. ಹಿಂದೆ ಆಗಿರುವ ಆಘಾತ

ಹಿಂದೆ ಯಾವುದೇ ರೀತಿಯ ಲೈಂಗಿಕ ಆಘಾತಗಳು ಆಗಿದ್ದರೆ ಆಗ ನಿಮಗೆ ಲೈಂಗಿಕಾಸಕ್ತಿಯು ಕಡಿಮೆಯಾಗಬಹುದು. ಅತ್ಯಾಚಾರಕ್ಕೆ ಒಳಗಾಗಿರುವ ಅಥವಾ ಮನೆಯಲ್ಲಿ ಲೈಂಗಿಕ ಕಿರುಕುಳಕ್ಕೆ ಒಳಗಾಗಿರುವಂತಹ ಮಹಿಳೆಯರಲ್ಲಿ ಇದು ಸಾಮಾನ್ಯ. ಇದಕ್ಕೆ ಥೆರಪಿ ಮಾಡಿಕೊಂಡರೆ ಸರಿಹೋಗುವುದು.

7. ದೇಹರಚನೆ ಕೆಟ್ಟದಾಗಿರುವುದು

ಇಂದಿನ ದಿನಗಳಲ್ಲಿ ದೇಹರಚನೆ ಬಗ್ಗೆ ತುಂಬಾ ಕಲ್ಪನೆಗಳು ಇವೆ. ಇದರಿಂದಾಗಿ ಮಹಿಳೆಯರು ತುಂಬಾ ಸಂಕಷ್ಟ ಪಡುವಂತಾಗಿದೆ. ನೀವು ಹೆಚ್ಚು ಸೆಕ್ಸಿಯಾಗಿಲ್ಲವೆನ್ನುವುದು ಕೂಡ ಲೈಂಗಿಕಾಸಕ್ತಿ ಕುಂದಿಸುವುದು. ನಿಮ್ಮ ದೇಹ ರಚನೆ ಸರಿಯಾಗಿಲ್ಲವೆನ್ನುವ ಕೊರಗು ಇದ್ದರೆ ಆಗ ನೀವು ಇದನ್ನು ಆರೋಗ್ಯಕರ ರೀತಿಯಿಂದ ಬದಲಾಯಿಸಿಕೊಳ್ಳಿ. ಆರೋಗ್ಯಕರವಾಗಿ ತಿನ್ನಿ, ನೀರು ಕುಡಿಯಿರಿ ಮತ್ತು ವ್ಯಾಯಾಮ ಮಾಡಿ. ಥೆರಪಿಯಲ್ಲಿ ನೀವು ಇದನ್ನು ಮಾಡಬಹುದು.

8. ವೈದ್ಯಕೀಯ ಸ್ಥಿತಿ

ಕೆಲವೊಂದು ಕಾಯಿಲೆಗಳಾಗಿರುವಂತಹ ಮಧುಮೇಹ, ಥೈರಾಯ್ಡ್ ರೋಗ, ಹೃದಯಾಘಾತ ಅಥವಾ ಕ್ಯಾನ್ಸರ್ ನಿಂದಲೂ ಲೈಂಗಿಕಾಸಕ್ತಿಯು ಕುಂದಬಹುದು. ಇದು ಹಾರ್ಮೋನುಗಳ ಮೇಲೆ ಪರಿಣಾಮ ಬೀರಿ ಲೈಂಗಿಕಾಸಕ್ತಿ ಮೇಲೆ ಪರಿಣಾಮ ಉಂಟು ಮಾಡಬಹುದು. ಇದಕ್ಕೆ ಸರಿಯಾದ ಚಿಕಿತ್ಸೆ ಪಡೆದುಕೊಂಡರೆ ಅದರಿಂದ ಲೈಂಗಿಕಾಸಕ್ತಿ ಹೆಚ್ಚಾಗುವುದು.

9. ಗರ್ಭಧಾರಣೆ ಮತ್ತು ಸ್ತನ್ಯಪಾನ

ಗರ್ಭಧಾರಣೆ ಮತ್ತು ಸ್ತನ್ಯಪಾನದ ವೇಳೆ ಆಗುವಂತಹ ಹಾರ್ಮೋನು ಬದಲಾವಣೆಗಳಿಂದಾಗಿ ಲೈಂಗಿಕಾಸಕ್ತಿಯು ಕಡಿಮೆಯಾಗಬಹುದು. ಗರ್ಭಿಣಿಯಾಗಿರುವ ಕಾರಣದಿಂದ ತುಂಬಾ ಬಳಲಿದಂತೆ ಆಗಬಹುದು ಮತ್ತು ಲೈಂಗಿಕಾಸಕ್ತಿ ಕಡಿಮೆಯಾಗಬಹುದು.

10. ವಯಸ್ಸು

ಋತುಬಂಧವಾದ ವೇಳೆ ಗರ್ಭಾಶಯವು ಕೆಲಸ ಮಾಡದ ಕಾರಣ ಮಹಿಳೆಯರಲ್ಲಿ ಈಸ್ಟ್ರೋಜನ್ ಮಟ್ಟವು ತುಂಬಾ ಕೆಳಮಟ್ಟಕ್ಕೆ ತಲುಪುವುದು. ಈಸ್ಟ್ರೋಜನ್ ಕಡಿಮೆಯಾಗುವ ಕಾರಣದಿಂದಾಗಿ ಯೋನಿಯು ಒಣಗಬಹುದು, ಇದು ಲೈಂಗಿಕ ಕ್ರಿಯೆ ವೇಳೆ ನೋವುಂಟು ಮಾಡಬಹುದು. ಇದರಿಂದಾಗಿ ಲೈಂಗಿಕಾಸಕ್ತಿ ಕಡಿಮೆಯಾಗುವುದು. ಸಂಧಿವಾತದಿಂದಾಗಿಯೂ ಲೈಂಗಿಕಾಸಕ್ತಿಯು ಕುಂದುವುದು. ಯೋನಿಯು ಒಣಗಿದ್ದರೆ ಆಗ ಲೈಂಗಿಕ ಕ್ರಿಯೆ ವೇಳೆ ನೀವು ಲ್ಯೂಬ್ರಿಕೆಂಟ್ ಬಳಸಿಕೊಳ್ಳಿ.