ಮೊದಲ ಡೇಟಿಂಗ್, ಎಂದಿಗೂ ಸವಿ ನೆನಪಿನ ಬುತ್ತಿ ಆಗಿರಲಿ...

ಚಿಂತೆ ಬಿಡಿ-ಕೂಲ್ ಆಗಿರಿ!

ನಿಮ್ಮನ್ನು ಈಗಲೇ ಸ್ವೀಕರಿಸಲಾಗಿರುತ್ತದೆ. ಇದರಿಂದ ನೀವು ಹೆಚ್ಚು ಶ್ರಮವಹಿಸದೆ ಎಲ್ಲವನ್ನು ನಿಭಾಯಿಸಬಹುದಾಗಿದೆ. ಇದರಿಂದ ಡೇಟಿಂಗ್‌ಗೆ ಮೊದಲು ಆರಾಮವಾಗಿರಿ.

ಸಂಗಾತಿಯ ಮುಂದೆ ನಟಿಸುವ ಅಗತ್ಯವಿಲ್ಲ

ಈಗಾಗಲೇ ನಿಮ್ಮನ್ನು ಸ್ವೀಕರಿಸುವ ವ್ಯಕ್ತಿಯನ್ನು ಸೆಳೆಯುವ ಪ್ರಯತ್ನ ಮಾಡುವುದಾದರೂ ಯಾಕೆ? ಸಂಗಾತಿಯ ಮುಂದೆ ನಟಿಸುವ ಅಗತ್ಯವಿಲ್ಲ. ನಿಮ್ಮತನ ತೋರಿಸಿಕೊಳ್ಳಿ.

ಸೌಂದರ್ಯಕ್ಕೆ ಇತಿಮಿತಿ ಇರಲಿ

ಅತಿಯಾಗಿ ಸೌಂದರ್ಯ ಪ್ರದರ್ಶಿಸಬೇಕೆಂದಿಲ್ಲ. ಯಾಕೆಂದರೆ ಪ್ರತೀ ಕ್ಷಣವು ನಾವು ಸುಂದರವಾಗಿ ಕಾಣಲು ಸಾಧ್ಯವಿಲ್ಲ. ಕೆಲವೊಂದು ಸಲ ನೀವು ಸುಂದರವಾಗಿ ಕಾಣಬಹುದು ಮತ್ತು ಕೆಲವೊಮ್ಮೆ ನಿಮ್ಮ ಚರ್ಮವು ನಿದ್ರೆಯ ಕೊರತೆಯಿಂದಾಗಿ ಜೋತು ಬಿದ್ದಿರುವಂತೆ ಕಾಣಬಹುದು. ಇದರಿಂದ ಅತಿಯಾಗಿ ಮೇಕಪ್ ಮಾಡಿಕೊಂಡು ಸೌಂದರ್ಯ ಪ್ರದರ್ಶಿಸಬೇಕೆಂದಿಲ್ಲ. ಸ್ವಾಭಾವಿಕ ಸೌಂದರ್ಯ ತೋರಿಸಿದರೆ ತುಂಬಾ ಒಳ್ಳೆಯದು.

ಅಂತರಾಳದ ಪ್ರೀತಿಯೇ ಸಾಕು..

ಆತ ಅಥವಾ ಆಕೆ ನಿಮ್ಮ ಒಳಮನಸ್ಸನ್ನು ಅರ್ಥ ಮಾಡಿಕೊಂಡಿರುತ್ತಾನೆ/ಳೆ. ಇದು ನಿಮ್ಮ ವ್ಯಕ್ತಿತ್ವದ ಸತ್ಯ ಮತ್ತು ಮೂಲತತ್ವ. ಇದು ತಿಳಿದಿರುವ ಕಾರಣದಿಂದಾಗಿ ನಿಮ್ಮ ಬಾಹ್ಯ ತೋರಿಕೆಯು ಸಂಬಂಧವನ್ನು ಮುರಿಯಲು ಅಥವಾ ಬೇರ್ಪಡಿಸಲು ಸಾಧ್ಯವಿಲ್ಲ.

ಇಲ್ಲಿ ಅಹಂಗೆ ಆಸ್ಪದ ಬೇಡ...

ಪರಸ್ಪರರ ಸಂಗದಲ್ಲಿ ಉತ್ತಮ ಭಾವನೆಯಲ್ಲಿರುವುದು ಡೇಟಿಂಗ್‌ನ ಮೊದಲ ಉದ್ದೇಶ. ನಿಮ್ಮ ಅಹಂ ಮತ್ತು ಪರಸ್ಪರರ ಅಹಂನ್ನು ತೃಪ್ತಿಪಡಿಸುವ ಭೇಟಿ ಇದಲ್ಲ.

ಸ್ವೀಕಾರ-ಲೆಕ್ಕಾಚಾರ!

ಸ್ವೀಕಾರವು ಹೃದಯದಿಂದ ಮತ್ತು ಲೆಕ್ಕಾಚಾರವು ತಲೆಯಿಂದ ಬರುತ್ತದೆ. ಆತ ತುಂಬಾ ಲೆಕ್ಕಾಚಾರದ ಅಥವಾ ಆಕೆ ತುಂಬಾ ಲೆಕ್ಕಾಚಾರ ಮಾಡುತ್ತಲಿದ್ದರೆ ಸ್ವೀಕಾರ ಸಾಧ್ಯವಿಲ್ಲ. ನಿಮ್ಮನ್ನು ಆತ/ಆಕೆ ಸಂಪೂರ್ಣವಾಗಿ ಸ್ವೀಕರಿಸಿದ್ದರೆ ಲೆಕ್ಕಾಚಾರಗಳೆಲ್ಲವನ್ನು ಬದಿಗಿಡಿ.