ಗಂಡು ಮತ್ತು ಹಣ್ಣಿನ ನಡುವೆ ಈ ಅಪಾರ್ಥಕಲ್ಪನೆ ಏಕೆ?

ಮನಸ್ಸು ಕ್ಷೋಭೆಗೊಂಡಿದ್ದಾಗ

ಈ ಸಮಯದಲ್ಲಿ ಪುರುಷರು ಒಂಟಿತನವನ್ನು ಬಯಸುತ್ತಾರೆ. ಒಂಟಿಯಾಗಿದ್ದು ತನ್ನ ಬಗ್ಗೆ ವಿಮರ್ಶಿಸುವುದು, ಎಲ್ಲಿ ತಪ್ಪಾಗಿದೆ ಎಂದು ಅಂದಾಜಿಸುವುದು ಪುರುಷರ ಚಿಂತನೆಯ ಮುಖ್ಯ ವಿಷಯಗಳಾಗಿರುತ್ತವೆ. ಇದೇ ವೇಳೆ ಮಹಿಳೆಯರು ಮನಸ್ಸು ಕ್ಷೋಭೆಗೊಂಡಿದ್ದ ಸಮಯದಲ್ಲಿ ಇತರರೊಂದಿಗೆ ಸಮಾಲೋಚಿಸಿ ತಮ್ಮ ಮನಸ್ಸನ್ನು ಹಗುರಗೊಳಿಸಲು ಯತ್ನಿಸುತ್ತಾರೆ. ಒಂಟಿತನ ಇವರ ಮನಸ್ಸನ್ನು ಇನ್ನಷ್ಟು ಕ್ಷೋಭೆಗೊಳಿಸುತ್ತದೆ.

ಪುರುಷರು ನೇರವಾಗಿ ಹೇಳಬಲ್ಲವರಾಗಿದ್ದಾರೆ

ಆಗಬಹುದು, ಸರಿ ಎಂಬ ಮಾತು ಪುರುಷರಿಂದ ಬಂದರೆ ಇದು ನಿಜವಾಗಿಯೂ ಆಗತ್ತದೆ ಎಂದೇ ಇದರ ಅರ್ಥವಾಗಿರುತ್ತದೆ. ಆದರೆ ಮಹಿಳೆಯರು ಆಗಬಹುದು ಎಂದು ಹೇಳಿದರೆ ಇದು ಆಗಲೂ ಬಹುದು, ಆಗದಿರಲೂಬಹುದು. ಮಹಿಳೆಯರು ಸದಾ ಪುರುಷರೇ ಯಾವುದಾದರೂ ಸರಿ ಇಲ್ಲದಿದ್ದುದಕ್ಕೆ ಕಾರಣವನ್ನು ಹುಡುಕಬೇಕೆಂದು ಬಯಸುತ್ತಾರೆ. ಇದೇ ವೇಳೆ ಪುರುಷರು ಹೀಗೆ ಮಾಡುವುದಿಲ್ಲ, ಏಕೆಂದರೆ ಇವರು ಮಹಿಳೆಯರು ಕೂಡಾ ತಮ್ಮಂತೆಯೇ ನೇರವಾದ ಉತ್ತರವನ್ನು ನೀಡುತ್ತಾರೆ ಎಂದುಕೊಂಡಿರುತ್ತಾರೆ.

ಪುರುಷರು ಸಾಮಾನ್ಯವಾಗಿ ಪ್ರಶ್ನೆಗಳ ಸರಮಾಲೆ ಸುರಿಸುವುದಿಲ್ಲ

ಯಾವುದಾದರೊಂದು ಗಂಭೀರ ಮತ್ತು ಕ್ಲಿಷ್ಟವಾದ ಸಮಸ್ಯೆಯನ್ನು ಪರಾಮರ್ಶಿಸಿದ ಬಳಿಕ ಈ ವಿಷಯವನ್ನು ಇನ್ನಷ್ಟು ಎಳೆಯಲು ಇಚ್ಛಿಸುವುದಿಲ್ಲ. ಆದರೆ ಮಹಿಳೆಯರು ಇದಕ್ಕೆ ತದ್ವಿರುದ್ಧವಾಗಿ ವಿಷಯದ ಪರಾಮರ್ಶೆ ಮುಗಿದ ಬಳಿಕವೂ ಹಲವು ಅನುಮಾನಗಳನ್ನು ಹೊಂದಿದ್ದು ಇವನ್ನು ಪರಿಹರಿಸಿಕೊಳ್ಳಲು ಕೊನೆಯೇ ಇರದ ಪ್ರಶ್ನೆಗಳನ್ನು ಕೇಳುತ್ತಾ ಹೋಗುತ್ತಾರೆ.

ಇನ್ನೊಬ್ಬರ ಮಾತುಗಳನ್ನು ಕೇಳುವುದು

ಸಾಮಾನ್ಯವಾಗಿ ಮಹಿಳೆಯರ ದೂರು ಎಂದರೆ ಅವರು ಮಾತನಾಡುವಾಗ ಪುರುಷರು ಗಮನಕೊಟ್ಟು ಕೇಳುವುದಿಲ್ಲ ಎಂಬುದು. ತಾವು ಮಾತನಾಡುತ್ತಿರುವಾಗ ಸುಮ್ಮನೇ ಕುಳಿತಿದ್ದು ಕೇಳಿದಂತೆ ನಟಿಸುತ್ತಿರುತ್ತಾರೆ ಎಂದೇ ಹೆಚ್ಚಿನ ಮಹಿಳೆಯರು ದೂರುತ್ತಾರೆ. ಒಂದು ವೇಳೆ ನಡು ನಡುವೆ ಪುರುಷರು ಇವರನ್ನು ತಡೆದು ಕೆಲವು ಪ್ರಶ್ನೆಗಳನ್ನು ಕೇಳಿದರೆ ಮಾತ್ರ ತಮ್ಮ ಮಾತುಗಳನ್ನು ಕೇಳುತ್ತಾರೆ ಎಂದು ಹೆಚ್ಚಿನವರು ನಂಬಿದ್ದಾರೆ.

ಪುರುಷರು ಭಾವಿಸುತ್ತಾರೆ, ಮಹಿಳೆಯರು ಖಚಿತಪಡಿಸಿಕೊಳ್ಳುತ್ತಾರೆ

ಹಿಂದೆ ಸಂವಹನ ಕಾಗದಪತ್ರಗಳ ಮುಖಾಂತರ ಇದ್ದಾಗ ಮಕ್ಕಳಿಗೆ ತಂದೆ ಬರೆಯುವ ಪತ್ರದಲ್ಲಿ ಹೀಗಿರುತ್ತಿತ್ತು "ಮಕ್ಕಳೇ, ನೀವು ಅಲ್ಲಿ ಸುಖವಾಗಿದ್ದೇನೆ ಎಂದು ಭಾವಿಸುತ್ತೇನೆ" ಅದೇ ತಾಯಿ ಬರೆಯುವ ಪತ್ರದಲ್ಲಿ ಹೀಗಿರುತ್ತಿತ್ತು. "ಮಕ್ಕಳೇ, ನೀವು ಅಲ್ಲಿ ಸುಖವಾಗಿದ್ದೀರಿ ಎಂದು ಮುಂದಿನ ಪತ್ರದಲ್ಲಿ ಬರೆಯಿರಿ" ಪುರುಷರು ಸಾಮಾನ್ಯವಾಗಿ ಹೆಚ್ಚಿನ ವಿಷಯಗಳನ್ನು ಸರಿ ಎಂದು ಭಾವಿಸಿಕೊಂಡು ಮುಂದುವರೆಯುತ್ತಾರೆ. ಆದರೆ ಮಹಿಳೆಯರು ಯಾವುದೇ ವಿಷಯವನ್ನು ಖಚಿತಪಡಿಸಿಕೊಂಡೇ ಮುಂದುವರೆಯುತ್ತಾರೆ.

ಪುರುಷರು ಚುಟುಕಾದ ಉತ್ತರ ನೀಡುತ್ತಾರೆ

ಒಂದು ವೇಳೆ ಪುರುಷರಿಗೆ "ಇಂದಿನ ದಿನ ಹೇಗಿತ್ತು" ಎಂದು ಪ್ರಶ್ನಿಸಿದರೆ "ಚೆನ್ನಾಗಿತ್ತು" ಎಂಬ ಉತ್ತರ ಸಾಮಾನ್ಯವಾಗಿದೆ. ಆದರೆ ಇದೇ ಪ್ರಶ್ನೆಯನ್ನು ಮಹಿಳೆಯರಿಗೆ ಕೇಳಿದರೆ ಇದು ಪ್ರಶ್ನೆ ಕೇಳಿದವರ ಸ್ನೇಹ ಅಥವಾ ಸಂಬಂಧವನ್ನು ಅನುಸರಿಸಿ ಐದು ನಿಮಿಷದ ಅಥವಾ ಐದು ಘಂಟೆಯ ಉತ್ತರ ಸಿಗುತ್ತದೆ. ಅಪರಿಚಿತರೇನಾದರೂ ಕೇಳಿದರೆ ಇವರು ದುರುಗುಟ್ಟಿ ನೋಡುವ ಪರಿ 'ನಿನಗೇಕೆ ಇದರ ಉಸಾಬರಿ' ಎಂಬ ಅರ್ಥದ ಬಾಣವನ್ನು ಎಸೆಯುತ್ತಾರೆ.