ನಂಬಿಕೆ ದ್ರೋಹ, ಹುಡುಗಿಯರಿಗೆ ಇಷ್ಟ, ಹುಡುಗರಿಗೆ ಕಷ್ಟ!

ತಮ್ಮ ಸಂಗಾತಿಯ ಬಗ್ಗೆ ಬೇಸರದ ಭಾವ ಬೆಳೆಸಿಕೊಂಡಿರುತ್ತಾರೆ

ಖಾಲಿ ಮನಸ್ಸು ಸೈತಾನನ ಕಾರ್ಯಾಗಾರ ಎಂಬ ಸುಭಾಷಿತವೊಂದಿದೆ. ಸಾಮಾನ್ಯವಾಗಿ ವಿವಾಹದ ಮೊದಮೊದಲು ಚೆನ್ನಾಗಿಯೇ ಇದ್ದ ಮಹಿಳೆಯರು ದಿನಗಳೆದಂತೆ ತಮ್ಮ ಪತಿಯ ಅದೇ ರಾಗ ಅದೇ ಹಾಡು ಕೇಳುತ್ತಾ ಬೋರುಹೊಡೆಯತೊಡಗುತ್ತಾರೆ. ಕಡೆಕಡೆಗೆ ಅವರ ಮನಸ್ಸು ಬೇರೆ ಸಂಭಾವ್ಯ ಸುಖ ಸಂಪತ್ತು ಮತ್ತು ಬಯಕೆಗಳನ್ನು ಪೂರೈಸಿಕೊಳ್ಳಲು ಬೇರೆ ಮಾರ್ಗದ ಕಡೆ ಯೋಚಿಸತೊಡಗುತ್ತದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಸಂಗಾತಿಯ ಬಗ್ಗೆ ಬೇಸರದ ಭಾವ ಬೆಳೆಸಿಕೊಂಡಿರುತ್ತಾರೆ

ಈ ಯೋಚನೆಯಲ್ಲಿ ಅನಿವಾರ್ಯವಾಗಿ ಪತಿದೇವನನ್ನು ನಿರ್ಲಕ್ಷಿಸಲೇಬೇಕಾಗುತ್ತದೆ. ಕಡೆಗೊಂದು ದಿನ ನಿಧಾನವಾಗಿ ಮೋಸದ ಒಂದು ಕುಡಿ ಮೊಳಕೆಯೊಡೆಯುತ್ತದೆ. ನಂತರ ಗಿಡವಾಗಿ ಹೆಮ್ಮರವಾಗಿ ಹಬ್ಬುತ್ತದೆ. ಪತಿದೇವರಿಗೆ ಈ ಸತ್ಯ ಕಂಡುಬಂದಾಗ ತಡವಾಗಿರುತ್ತದೆ. ಆದ್ದರಿಂದ ಇದರಿಂದ ಮುಕ್ತಿ ಪಡೆಯಲು ಪರಸ್ಪರರು ಮನಸ್ಸನ್ನು ತೆರೆದು ಸಮಾಲೋಚಿಸಿ ಜೀವನ ನಡೆಸುವುದೊಂದೇ ಪರಿಹಾರವಾಗಿದೆ.

ಜೀವನದಲ್ಲಿ ಸಂಭ್ರಮವನ್ನೇ ಅಪೇಕ್ಷಿಸುತ್ತಿರುತ್ತಾರೆ

ಪ್ರತಿ ಮಹಿಳೆಯೂ ತನ್ನ ಪತಿಯಲ್ಲಿ ವಿಶೇಷ ಗುಣಗಳನ್ನು ಅಪೇಕ್ಷಿಸುತ್ತಾಳೆ. ಈ ಗುಣಗಳಲ್ಲಿ ಮಾನವೀಯ ಮೌಲ್ಯವಿದ್ದಷ್ಟೂ ಪತಿಯ ಬಗ್ಗೆ ಅಭಿಮಾನ ಹೆಚ್ಚುತ್ತಾ ಹೋಗುತ್ತದೆ. ಆದರೆ ಕೆಲವು ಮಹಿಳೆಯರು ಈ ಗುಣಗಳು ಧನ, ಕನಕ, ಐಶ್ವರ್ಯ, ಪ್ರಸಿದ್ಧಿ ಮೊದಲಾದವುಗಳ ರೂಪದಲ್ಲಿರಬೇಕೆಂದೇ ಅಪೇಕ್ಷಿಸುತ್ತಾರೆ. ಇವುಗಳನ್ನು ಹೊಂದುವುದೇ ಜೀವನದ ಸಂಭ್ರಮ ಎಂದು ಭಾವಿಸುತ್ತಾರೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಜೀವನದಲ್ಲಿ ಸಂಭ್ರಮವನ್ನೇ ಅಪೇಕ್ಷಿಸುತ್ತಿರುತ್ತಾರೆ

ಒಂದು ವೇಳೆ ಪತಿಯಿಂದ ಇವು ದೊರಕದೇ ಇದ್ದರೆ ಇವುಗಳನ್ನೇ ಉದಾಹರಿಸಿ ಮೂದಲಿಕೆ ಪ್ರಾರಂಭವಾಗುತ್ತದೆ. ದಿನಗಳೆದಂತೆ ಧನದ ಹಪಾಹಪಿ ಹೆಚ್ಚಾಗುತ್ತಾ ಮೋಸದ ಕಡೆ ಮನ ಸೆಳೆಯುತ್ತದೆ. ಒಂದು ವೇಳೆ ಮೂದಲಿಕೆ ಅವ್ಯಾಹತವಾಗಿದ್ದರೆ ಈ ಬಗ್ಗೆ ಗಮನ ಹರಿಸುವುದು ಅಗತ್ಯ.

ಹಣದ ಬಯಕೆ ಮೋಸಕ್ಕೆ ಕಾರಣ

ಹಣವು ಸಭ್ಯ ಸೋಗು ಹಾಕಿದ ಸೈತಾನನ ರೂಪ ಎಂದು ಇನ್ನೊಂದು ಸುಭಾಷಿತ ತಿಳಿಸುತ್ತದೆ. ಸಾಮಾನ್ಯವಾಗಿ ತನಗೇನು ಬೇಕೆಂದು ಮಹಿಳೆಯರು ಸ್ಪಷ್ಟವಾಗಿ ಹೇಳಿದರೂ ಪತಿಯ ಆದಾಯ ಇದಕ್ಕೆ ಪೂರಕವಾಗಿದ್ದರೆ ಮೋಸಕ್ಕೆ ಅವಕಾಶವಿರುವುದಿಲ್ಲ. ಆದರೆ ಪತ್ನಿಯ ಬೇಡಿಕೆ, ಅದರಲ್ಲೂ ಹಣದ ಬೇಡಿಕೆ ಪತಿಯ ಗಳಿಕೆಯ ಸಾಮರ್ಥ್ಯಕ್ಕೆ ಮೀರಿದ್ದರೆ ಪತ್ನಿಯ ಮನಸ್ಸು ಮೋಸ ಮಾಡುವತ್ತ ಪ್ರೇರಣೆ ಪಡೆಯುತ್ತದೆ. ಪತಿಗಿಂತಲೂ ಹೆಚ್ಚು ಸಂಪಾದಿಸುವ ಪುರುಷರನ್ನು ಗಾಳಕ್ಕೆ ಕೆಡವುವ, ತನ್ಮೂಲಕ ಪತಿಗೆ ಮೋಸ ಮಾಡುವ ಹುನ್ನಾರ ಪ್ರಾರಂಭವಾಗುತ್ತದೆ.

ಯಶಸ್ಸಿಗೆ ಮೆಟ್ಟಿಲಾಗಿ ಪಡೆಯಲು

ಜೀವನದಲ್ಲಿ ಏನಾದರೊಂದನ್ನು ಸಾಧಿಸಬೇಕೆಂದಿರುವ ಮಹಿಳೆಯರು ಇದಕ್ಕಾಗಿ ಏನನ್ನೂ ಮಾಡಲು ತಯಾರಿರುತ್ತಾರೆ. ಇದರಲ್ಲಿ ಪತಿಗೆ ಮೋಸ ಮಾಡುವುದೂ ಒಂದು. ಸಾಮಾನ್ಯವಾಗಿ ಚಿತ್ರರಂಗ ಮೊದಲಾದ ಅತಿ ಹೆಚ್ಚಿನ ಆದಾಯದ ವೃತ್ತಿಗಳಲ್ಲಿ ಖ್ಯಾತಿ ಪಡೆಯಲು ತಮ್ಮ ಪತಿಯರಿಗೆ ಮೋಸ ಮಾಡುವುದು ಆಯಾ ರಂಗದ ಹಿರಿಯರೇ ಒಪ್ಪಿಕೊಂಡ ಸತ್ಯವಾಗಿದೆ. casting couch ಎಂಬ ಪದ ಬಂದಿದ್ದೇ ಹೀಗೆ.

ತಮಗಾದ ಮೋಸಕ್ಕೆ ಪ್ರತಿಮೋಸದ ಮೂಲಕ ಪ್ರತೀಕಾರ

ಕೆಲವು ಕುಟುಂಬಗಳಲ್ಲಿ ಮನೆಯ ಹಿರಿಯರೇ ಮೋಸ ಮಾಡುವ ಪ್ರವೃತ್ತಿಯವರಾಗಿದ್ದು ಮಕ್ಕಳಿಗೇ ಒಂದು ರೀತಿಯಲ್ಲಿ ಮೋಸ ಮಾಡುತ್ತಿರುತ್ತಾರೆ. ಉದಾಹರಣೆಗೆ ಸಂಬಳ ತಂದು ಮನೆಗೆ ಕೊಡುವ ಯುವತಿಯನ್ನು ಮೂವತ್ತಾದರೂ ಮದುವೆ ಮಾಡಲು ಗಂಡು ನೋಡದೇ ಸತಾಯಿಸುತ್ತಾ ಆಕೆಯ ಆದಾಯದಿಂದ ಸುಖಕರ ಜೀವನವನ್ನು ನಡೆಸುತ್ತಿರುತ್ತಾರೆ. ಈ ಮೋಸಕ್ಕೆ ಪ್ರತಿಯಾಗಿ ಆ ಯುವತಿ ತಾನು ಮೆಚ್ಚಿದ ಯುವಕನನ್ನು ಗುಟ್ಟಾಗಿ ಮದುವೆಯಾಗಿ ಸೇಡು ತೀರಿಸಿಕೊಳ್ಳುತ್ತಾಳೆ. ಇದೊಂದು ನ್ಯಾಯಕ್ಕೆ ನ್ಯಾಯ, ಮೋಸಕ್ಕೆ ಮೋಸ ಎಂಬ ರೀತಿಯಲ್ಲಿ ಸಮಾಜ ಒಪ್ಪಿಕೊಳ್ಳುವ ಬಗೆಯಾಗಿದೆ. ನಿಮಗೇನನಿಸಿತು?

ಸೇಡಿನ ಮನೋಭಾವ

ಸಾಮಾನ್ಯವಾಗಿ ತಮ್ಮನ್ನು ಮೋಸ ಮಾಡಿದ ಪುರುಷನ ಮೇಲೆ ಸೇಡು ತೀರಿಸಿಕೊಳ್ಳಲು ಮೋಸದ ದಾರಿಯನ್ನು ಹಿಡಿದ ಮಹಿಳೆಯರು ಈ ಮೋಸದಾಟದಲ್ಲಿ ಹೊಸತನ ಮತ್ತು ಹೊಸ ಸಂಭ್ರಮವನ್ನು ಕಂಡುಕೊಳ್ಳುತ್ತಾರೆ. ಕುಟಿಲ ಬುದ್ಧಿ ಇನ್ನಷ್ಟು ಚುರುಕಾಗುತ್ತಾ ಮೋಸದಾಟ ಎಷ್ಟು ಹೆಚ್ಚಾಗುತ್ತದೆ ಎಂದರೆ ಎಷ್ಟೋ ಪ್ರಕರಣಗಳಲ್ಲಿ ಕೊಲೆಗಳೂ ನಡೆದಿವೆ. ವ್ಯಂಗ್ಯವೆಂದರೆ ತಮ್ಮ ಮೋಸದ ಬುದ್ಧಿಗೆ ಯಾವುದೇ ವಿಷಾದ ತೋರದ ಇವರಿಗೆ ಈ ಬಗ್ಗೆ ಹೆಮ್ಮೆಯೇ ಇರುತ್ತದೆ. ಸಾಯುವವರೆಗೂ ಇವರ ಮೋಸ ನಡೆಯುತ್ತಲೇ ಇರುತ್ತದೆ.