ಹುಡುಗರೇ ಹೀಗೆ, ಕೊಂಚ ಡಿಫರೆಂಟಾಗಿಯೇ ಆಲೋಚಿಸುತ್ತಾರೆ!

ಮುಗ್ಧತೆ

ಮುಗ್ಧ ಬಾಲಕಿಯರು ಅತಿ ಆಕರ್ಷಕರಾಗಿದ್ದು ಎಲ್ಲರ ಗಮನ ಸೆಳೆಯುತ್ತಿರುತ್ತಾರೆ. ಚಿಕ್ಕ ಹುಡುಗಿಯರು ಅತ್ತಿತ್ತ ಓಡಾಡುತ್ತಿದ್ದರೆ ಅವರಿಂದ ಗಮನ ಬೇರೆಡೆ ಹರಿಯುವುದು ಕಷ್ಟ.

ನಾಚಿಕೆ ಸ್ವಭಾವ

ನಾಚಿಕೆ ಹೆಣ್ಣಿನ ಸಹಜ ಒಡವೆ ಎಂದು ಭಾವಿಸಲಾಗುತ್ತದೆ. ನಾಚಿಕೊಳ್ಳುವ ಹೆಣ್ಣುಮಕ್ಕಳನ್ನು ಪುರುಷರು ಹೆಚ್ಚು ಇಷ್ಟಪಡುತ್ತಾರೆ. ಯಾವುದಾದರೂ ಒಪ್ಪಿಗೆ ಸೂಚಿಸುವಾಗ ಮೌನವಾಗಿದ್ದು ನಾಚಿಕೊಂಡಿದ್ದನ್ನು ಇಂದಿಗೂ ಹೌದು ಎಂಬುದಾಗಿಯೇ ಪರಿಗಣಿಸಲಾಗುತ್ತದೆ.

ಹೆಣ್ಣು ದನಿ

ಸಾಮಾನ್ಯವಾಗಿ ಹೆಂಗಸರ ದನಿ ಕೀರಲಾಗಿರುತ್ತದೆ. ಕೀರಲು ದನಿಯನ್ನು ಪುರುಷರು ಹೆಚ್ಚು ಇಷ್ಟಪಡುತ್ತಾರೆ. ಇದೇ ಕಾರಣಕ್ಕೆ ಹೆಚ್ಚಿನ ಸಂಸ್ಥೆಗಳ ಗ್ರಾಹಕ ವಿಭಾಗದ ಉದ್ಯೋಗಿಗಳಾಗಿ ಮಹಿಳೆಯರನ್ನೇ ನಿಯೋಜಿಸಲಾಗುತ್ತದೆ. ಎಷ್ಟೋ ಸಲ ಈ ದನಿಗೇ ಮರುಳಾಗಿ ವ್ಯಾಪಾರ ಕುದುರಿಸಿರುವುದೂ ಇದೆ. ಅಂತೆಯೇ ಟೆಲಿಫೋನ್ ಮೂಲಕ ವ್ಯಾಪಾರ ಮಾಡುವವರ ದನಿ ಇಂಪಾಗಿರಬೇಕು ಎಂದೇ ಮೊದಲು ಶರತ್ತು ಒಡ್ಡಲಾಗುತ್ತದೆ.

ಪೆದ್ದುತನ

ಎಷ್ಟೋ ಸಲ ಮಹಿಳೆಯರು ಪೆದ್ದುಪೆದ್ದಾಗಿ ವರ್ತಿಸುತ್ತಾರೆ. ಅಂದರೆ ಇದು ಅರ್ಥವಾಗಲಿಲ್ಲ, ಇದನ್ನು ಹೇಗೆ ಉಪಯೋಗಿಸುವುದು ಎಂಬ ಪ್ರಶ್ನೆಗಳನ್ನು ಕೇಳಿ ತಿಳಿದುಕೊಳ್ಳಲು ಯತ್ನಿಸುವ ಪರಿ ಪುರುಷರಿಗೆ ಇಷ್ಟ. ಇದು ಏಕಾಗಿ ಹೀಗೆ ಎಂದು ಮನಃಶಾಸ್ತ್ರಜ್ಞರು ತಿಳಿದುಕೊಳ್ಳಲು ಪ್ರಯತ್ನಿಸುತ್ತಲೇ ಇದ್ದಾರೆ.

ದೇಹದ ಓರೆಕೋರೆಗಳು

ಸೊಂಟ ತೆಳುವಾಗಿದ್ದು ನಡು ಅಗಲವಾಗಿರುವ ಮಹಿಳೆಯರ ದೇಹಸೌಷ್ಟವ ಪುರುಷರಿಗೆ ಇಷ್ಟ. ಈ ಸೌಷ್ಟವದ ಮಹಿಳೆ ಅತಿ ಹೆಚ್ಚಿನ ಪುರುಷರ ಗಮನ ಸೆಳೆಯುತ್ತಾಳೆ. ಹೀಗಾಗಬೇಕು ಎಂದೇ ಹಿಂದೆ ಇಂಗ್ಲೆಂಡ್ ಮತ್ತು ಇತರ ಯೂರೋಪಿಯನ್ ರಾಷ್ಟ್ರಗಳಲ್ಲಿ ನಡುವಿಗೆ ಬಿಗಿಯಾಗಿ ಇರುವಂತಹ ಮತ್ತು ಸೊಂಟದಿಂದ ಕೆಳಗೆ ವಿಶಾಲವಾಗಿರುವ ಉಡುಪುಗಳನ್ನೇ ತೊಡಲಾಗುತ್ತಿತ್ತು.

ಆತ್ಮವಿಶ್ವಾಸ

ನಾಲ್ಕು ಜನರ ಎದುರು ಆತ್ಮವಿಶ್ವಾಸದಿಂದ ಮಾತನಾಡುವ ಮಹಿಳೆಯರು ಹೆಚ್ಚಿನ ಪುರುಷರ ಗಮನ ಸೆಳೆಯುತ್ತಾರೆ.

ಸ್ವತಂತ್ರತೆ

ಯಾವುದೇ ಹಂಗಿಲ್ಲದೇ, ಯಾರದೇ ಲಗಾಮಿಗೆ ಒಳಗಾಗದೇ ತನ್ನ ಜೀವನವನ್ನು ಸ್ವತಃ ನಿಭಾಯಿಸುವ ಅಥವಾ ತನ್ನ ನಿತ್ಯದ ಕೆಲಸಗಳಿಗೆ ಇನ್ನೊಬ್ಬರಿಗೆ ಹೊರೆಯಾಗಿರದ ಮಹಿಳೆಯರನ್ನು ಪುರುಷರು ಹೆಚ್ಚು ಇಷ್ಟಪಡುತ್ತಾರೆ.

ಬುದ್ಧಿವಂತಿಕೆ

ಎಷ್ಟೋ ಮಹಿಳೆಯರಿಗೆ ತಮ್ಮ ಬುದ್ಧಿವಂತಿಕೆಯೇ ಕೆಲವು ಪುರುಷರ ಆಕರ್ಷಣೆಯ ಕಾರಣ ಎಂದು ಗೊತ್ತಿರುವುದಿಲ್ಲ. ಸಾಮಾನ್ಯವಾಗಿ ಬುದ್ದಿವಂತ ಮಹಿಳೆಯರು ತಮಗಿಂತಲೂ ಬುದ್ದಿವಂತರಾದ ಪುರುಷರನ್ನೇ ಹೆಚ್ಚು ಇಷ್ಟ ಪಡುವ ಕಾರಣ ಎಲ್ಲರ ಗಮನ ಸೆಳೆಯುವತ್ತ ತಮ್ಮ ನಿರ್ಲಕ್ಷ್ಯವನ್ನು ತೋರುವುದನ್ನೇ ಪರಿಗಣಿಸಿ ಉಳಿದವರು ದೂರವೇ ಉಳಿಯುತ್ತಾರೆ.