ಪ್ರಥಮ ಭೇಟಿಯಲ್ಲಿ, ಆತನ ಆಲೋಚನೆ ಬೇರೆಯೇ ಇರುತ್ತದೆ!

ನಗು

ಅಳುವ ಗಂಡಸನ್ನು, ನಗುವ ಹೆಂಗಸನ್ನು ನಂಬಬಾರದಂತೆ. ಆದರೆ ಹೆಣ್ಣನ್ನು ನೋಡಲು ಬರುವ ಗಂಡನ್ನು ಮೊತ್ತ ಮೊದಲಾಗಿ ಆಕರ್ಷಿಸುವುದು ಆಕೆಯ ನಗು. ಅಲ್ಲದೇ ನಕ್ಕಾಗ ಕೆನ್ನೆಯಲ್ಲಿ ಚಿಕ್ಕ ಗುಳಿ ಬಿದ್ದರೆ ಗಂಡು ಆ ಗುಳಿಯಲ್ಲಿ ಬಿದ್ದ ಎಂದೇ ಲೆಕ್ಕ.

ಕಣ್ಣುಗಳು

ಗಂಡಿನ ಕಣ್ಣಲ್ಲಿ ಕಣ್ಣಿಟ್ಟು ನೋಡುವ ಹೆಣ್ಣನ್ನು ಹೆಚ್ಚಿನವರು ಪ್ರಥಮ ನೋಟದಲ್ಲಿಯೇ ಮೆಚ್ಚಿಕೊಳ್ಳುತ್ತಾರೆ. ಆದ್ದರಿಂದ ಒಂದು ವೇಳೆ ನೀವು ಕನ್ನಡಕ ಧರಿಸುವವರಾಗಿದ್ದರೆ ಇದರ ಬದಲಿಗೆ ಕಾಂಟಾಕ್ಟ್ ಲೆನ್ಸ್ ಗಳನ್ನು ಮರೆಯದೇ ಧರಿಸಿ. ಸನ್ ಗ್ಲಾಸ್ ಸರ್ವಥಾ ಧರಿಸಬೇಡಿ. ನಿಮ್ಮ ಕಣ್ಣುಗಳಿಗೆ ಪೂರಕವಾದ ಕೊಂಚವೇ ಮೇಕಪ್ ಸಾಕು. ಢಾಳಾದ ಮೇಕಪ್ ಗಂಡಿನ ಗಮನ ಸೆಳೆಯಲು ಸಮರ್ಥವಾದರೂ ಆಕರ್ಷಣೆ ಪಡೆಯಲು ವಿಫಲವಾಗುತ್ತದೆ. ಅಂದರೆ ವಿರುದ್ದವಾಗಿಯೂ ಕೆಲಸ ಮಾಡಬಹುದು. ಆದ್ದರಿಂದ ಅಗತ್ಯಕ್ಕೆ ತಕ್ಕಷ್ಟು ಮಾತ್ರ, ಸೂಕ್ತವಾದ ಕಣ್ಣಿನ ಮೇಕಪ್ ಸಾಕು.

ಸುವಾಸನೆ

ಮಹಿಳೆಯರು ಅತಿ ಗಾಢ ಸುವಾಸನೆ ಬೀರುತ್ತಾ ಬಂದರೆ ಇದನ್ನು ಹೆಚ್ಚಿನ ಪುರುಷರು ಮೆಚ್ಚುವುದಿಲ್ಲ. ಆದರೆ ಬೆವರಿನ ದುರ್ಗಂಧ ಬಾರದಂತೆ ಅತಿ ಎಚ್ಚರಿಕೆ ವಹಿಸಬೇಕು. ಬೆವರಿನ ದುರ್ಗಂಧವನ್ನು ಯಾವ ಪುರುಷನೂ ಸಹಿಸುವುದಿಲ್ಲ. ಆದರೆ ಸ್ವಚ್ಛವಾದ ಶರೀರದಿಂದ ಹೊಮ್ಮುವ ನಸು ಸುಗಂಧವನ್ನು ಖಂಡಿತಾ ಮೆಚ್ಚುತ್ತಾರೆ.

ಹಲ್ಲುಗಳು

ಒಂದು ವೇಳೆ ನಿಮ್ಮ ಮೈಮಾಟ ಚೆನ್ನಾಗಿದ್ದು ಹಲ್ಲುಗಳು ಸ್ವಚ್ಛವಾಗಿಲ್ಲದಿದ್ದರೆ ನಿಮ್ಮ ಅಷ್ಟೂ ಶ್ರಮ ವ್ಯರ್ಥವಾದಂತೆ. ಏಕೆಂದರೆ ಸ್ವಚ್ಛವಾದ ಹಲ್ಲುಗಳಿಲ್ಲದ ಅಥವಾ ಬಾಯಿಯ ದುರ್ಗಂಧ ಹೊಮ್ಮುತ್ತಿರುವ ಯುವತಿಯನ್ನು ಯಾವುದೇ ಪುರುಷ ಒಪ್ಪಲಾರ. ಅಷ್ಟೇ ಏಕೆ ನಿಮ್ಮನ್ನು ಕನಸಿನಲ್ಲಿಯೂ ಚುಂಬಿಸಲು ಅತ ಬಯಸುವುದಿಲ್ಲ.

ಕೂದಲು

ಮಹಿಳೆಯರ ನೀಳವಾದ ಮತ್ತು ಕಾಂತಿಯುಕ್ತ ಕೂದಲು ಪುರುಷರಿಗೆ ಬಹಳ ಇಷ್ಟ. ಆದ್ದರಿಂದ ನಿಮ್ಮ ಕೂದಲನ್ನು ಸಾಧ್ಯವಾದಷ್ಟು ಸ್ವಚ್ಛವಾಗಿ ಕಂಡೀಶನರ್ ಬಳಸಿ ಸೌಮ್ಯಗೊಳಿಸಿ ಕಾಂತಿಯುಕ್ತವಾಗಿಸಿ. ಅದರಲ್ಲೂ ಉದ್ದ ಕೂದಲಿದ್ದರೆ ಜಡೆಕಟ್ಟದೇ ಸಡಿಲವಾಗಿ ಬಿಡಿ. ಮುಂಗುರುಳು ಮುಖದ ಮೇಲೆ ನಸುವಾಗಿ ಬೀಳುತ್ತಿದ್ದು ಮಂದವಾಗಿ ಬೀಸುವ ಗಾಳಿಗೂ ಓಲಾಡುವಂತಿರಬೇಕು. ಈ ಪರಿಗೆ ಮರುಳಾಗದ ಪುರುಷನೇ ಇಲ್ಲ.