ಆಕೆ ನಗೆ ಬೀರಿದರೆ, ಅದನ್ನೇ ಪ್ರೀತಿ ಅಂದುಕೊಳ್ಳುವುದೇ?

ಪ್ರೀತಿಯೇ ಹಾಗೆ ಎಂತವರನ್ನು ಏನೇನೋ ಮಾಡಿ ಬಿಡುತ್ತದೆ. ಅದರಲ್ಲೂ ಆಕರ್ಷಣೆ ಎನ್ನುವುದು ಇದೆಯೆಲ್ಲಾ ಅದು ಹಲವಾರು ಹುಚ್ಚಾಟಗಳನ್ನು ಆಡಿಸುತ್ತದೆ. ನಾವು ಯಾರದೋ ಕಣ್ಣಿನಲ್ಲಿ ಆಕರ್ಷಣೆ ಕಂಡಿರುತ್ತೇವೆ. ಅದನ್ನೇ ಪ್ರೀತಿಯೆಂದು ತಿಳಿದುಕೊಂಡು ಅದರ ಹಿಂದೆಯೇ ತಿರುಗುತ್ತಾ ಇರುತ್ತೇವೆ. ಪ್ರೀತಿಯಲ್ಲಿ ಇರೋ ಸುಖ ಗೊತ್ತೇ ಇರಲಿಲ್ಲ..!

ಆದರೆ ಅಂತಿಮವಾಗಿ ಒಂದು ದಿನ ಅದು ಪ್ರೀತಿಯಲ್ಲ, ಸಮಯ ವ್ಯರ್ಥ ಮಾಡಿಕೊಂಡೆ ಎಂದು ತಿಳಿಯುತ್ತದೆ. ಆಕರ್ಷಣೆಯೇ ಹಾಗೆ. ಅದು ಯಾರಲ್ಲೂ ಉಂಟಾಗಬಹುದು. ಹುಡುಗಿಯನ್ನು ನೋಡಿದ ತಕ್ಷಣ ಆಕೆಯನ್ನೇ ಪ್ರೀತಿಸಬೇಕು ಎಂದೆನಿಸಬಹುದು.

ಕೆಲವು ದಿನ ಆಕೆಯ ಹಿಂದೆ ಓಡಾಡಬಹುದು. ಆದರೆ ಅದು ಕೇವಲ ಆಕರ್ಷಣೆ ಎಂದು ತಿಳಿದಾಗ ಸುಮ್ಮನಾಗಬೇಕಾಗುತ್ತದೆ. ಕೆಲವೊಂದು ಸಂಬಂಧಗಳು ಮುಂದೆ ಸಾಗುವುದೇ ಇಲ್ಲ. ಅದು ನಿಂತಲ್ಲೇ ನಿಂತಿರುತ್ತದೆ. ನಿಮಗೂ ಅದರಿಂದ ನೋವಾಗಬಹುದು,ಆದರೆ ಯಾವುದು ಆಕರ್ಷಣೆ ಮತ್ತು ಯಾವುದು ನಿಜವಾದ ಪ್ರೀತಿ ಎಂದು ತಿಳಿದುಕೊಂಡರೆ ಮುಂದೆ ನಿಮ್ಮ ಸಮಯ ವ್ಯರ್ಥವಾಗುವುದು ತಪ್ಪುತ್ತದೆ.

ಆಕೆ ನಕ್ಕಾಗ ನಿಮ್ಮಲ್ಲಿ ಆಕರ್ಷಣೆ
ನಿಮ್ಮ ಊರಾಗಿರಬಹುದು ಅಥವಾ ಕೆಲಸ ಮಾಡುವ ಸ್ಥಳವೇ ಆಗಿರಬಹುದು. ಒಬ್ಬಳು ಹುಡುಗಿ ನಗೆ ಬೀರಿದರೆ ಅದು ಕೇವಲ ಸ್ನೇಹ ಅಥವಾ ಪರಿಚಯದ ನಗೆಯಾಗಿರಬಹುದು. ಬೇರೇನೂ ಅಲ್ಲ. ನೀವು ಆ ವ್ಯಕ್ತಿಯ ಕಡೆ ಯಾವುದೇ ಭಾವನೆಗಳನ್ನು ಇಟ್ಟುಕೊಂಡರೆ ಅದು ಸಮಯ ವ್ಯರ್ಥ ಮಾಡಿಕೊಂಡಂತೆ. ಯಾಕೆಂದರೆ ಈ ಕಥೆ ಇಲ್ಲಿಂದ ಮುಂದೆ ಸಾಗುವುದೇ ಇಲ್ಲ. ಮೊದಲ ಪ್ರೀತಿಯ ಸಿಹಿ-ಕಹಿ ನೆನಪು ಎಂದಿಗೂ ಶಾಶ್ವತ!

ಮಾತಿನ ಆಕರ್ಷಣೆ
ಕೆಲವು ವ್ಯಕ್ತಿಗಳು ನಿಮ್ಮೊಂದಿಗೆ ಮಾತನಾಡುತ್ತಿರಬಹುದು. ಅವರು ನಿಮ್ಮೊಂದಿಗೆ ಮಾತನಾಡುವುದನ್ನು ಇಷ್ಟಪಡುತ್ತಿರಬಹುದು. ಇದಕ್ಕಿಂತ ಹೆಚ್ಚೇನೂ ಇಲ್ಲ. ಕಾಫಿ ಕುಡಿಯುತ್ತಾ ನಿಮ್ಮೊಂದಿಗೆ ಮಾತನಾಡುವುದನ್ನು ಇಷ್ಟಪಡಬಹುದೇ ಹೊರತು ನಿಮ್ಮನ್ನು ಪ್ರೀತಿಸುವುದನ್ನು ಯೋಚಿಸುವುದಿಲ್ಲ. ಅಷ್ಟಕ್ಕೂ ಪ್ರೀತಿ ಎಂದರೇನು, ಇದರ ಹಿಂದಿರುವ ರಹಸ್ಯವೇನು?

ನಿಮ್ಮನ್ನು ನೋಡುತ್ತಿರುವುದೇ ಆಕರ್ಷಣೆ
ನೀವು ಅವರ ಮುಂದೆ ಸಾಗುತ್ತಲಿದ್ದರೆ ಆಗ ನಿಮ್ಮನ್ನು ನೋಡುವುದು ಕೆಲವರಿಗೆ ಇಷ್ಟವಾಗಬಹುದು. ಅವರು ಕೇವಲ ನಿಮ್ಮನ್ನು ನೋಡಲು ಮಾತ್ರ ಬಯಸುತ್ತಾರೆ. ನೀವು ಅವರಲ್ಲಿ ಪ್ರೀತಿ ಮೂಡಿದೆ ಎಂದು ಭಾವಿಸಿದರೆ ಖಂಡಿತವಾಗಿಯೂ ಸಮಯ ವ್ಯರ್ಥ ಮಾಡುತ್ತಲಿದ್ದೀರಿ.

ಸ್ನೇಹಿತರೊಂದಿಗೆ ಆಕರ್ಷಣೆ
ಕೆಲವರಿಗೆ ಸ್ನೇಹ ಮಾತ್ರ ಬೇಕಿರುತ್ತದೆ. ಬೇರೇನೂ ಅಲ್ಲ. ಅವರು ಸ್ನೇಹಕ್ಕಿಂತ ಹೆಚ್ಚಾಗಿ ಬೇರೇನನ್ನೂ ನೀಡುವುದು ಇಲ್ಲ. ಇಂತಹವರಲ್ಲಿ ಪ್ರೀತಿಯ ಭಾವನೆ ಬೆಳೆಸುವುದು ಸಮಯ ವ್ಯರ್ಥ ಮಾಡಿಕೊಂಡಂತೆ. ಪ್ರೀತಿ-ಕಾಮ, ಒಂದೇ ನಾಣ್ಯದ ಎರಡು ಮುಖವಿದ್ದಂತೆ...