ಈಗೆಲ್ಲಾ ವರ್ತಿಸಿದರೆ, ಬಾಯ್‌ಫ್ರೆಂಡ್‌ಗೆ ಖಂಡಿತ ಇಷ್ಟವಾಗಲ್ಲ!

ಡೇಟಿಂಗ್ ಮುಂದೂಡಿದಾಗ

ನಿಮ್ಮ ಜೊತೆ ಕಾಲ ಕಳೆಯಲು ಆತ ಡೇಟಿಂಗ್ ಅನ್ನು ಮಾಡಲು ಕರೆದರೆ, ಕ್ಷುಲ್ಲಕ ಕಾರಣಗಳನ್ನು ನೀಡಿ ಮುಂದೂಡಿದಾಗ, ಆತನಿಗೆ ಕಿರಿಕಿರಿಯುಂಟಾಗುವುದಿಲ್ಲವೇನು?

ವಿಪರೀತ ಕಾಳಜಿ

ಕೆಲವೊಂದು ಹುಡುಗಿಯರು ಕುಂತಾಗ ನಿಂತಾಗ ತಮ್ಮ ಹುಡುಗರ ಕುರಿತು ವಿಚಾರಿಸಿಕೊಳ್ಳುತ್ತಾ ಇರುತ್ತಾರೆ. ಇದು ನೋಡಲು ನಾಟಕೀಯವಾಗಿ ಮತ್ತು ಕೃತಕವಾಗಿ ಕಾಣುತ್ತದೆ. ಹುಡುಗರಿಗೆ ತಮ್ಮ ಕುರಿತಾಗಿ ಕಾಳಜಿ ತೋರುವವರು ಎಂದರೆ ಇಷ್ಟ. ಆದರೆ ವಿಪರೀತ ಕಾಳಜಿ ತೋರುವವರು ಅವರಿಗೆ ಬೇಸರ ತರಿಸುತ್ತಾರೆ.

ನಿಮ್ಮ ಅಪ್ಪನ ಮೇಲಿನ ಕಡು ಪ್ರೀತಿ

ಕೆಲವು ಹುಡುಗಿಯರಿಗೆ ಅಪ್ಪ ಎಂದರೆ ಸರ್ವಸ್ವ. ಅವರ ಅಪ್ಪನ ಮುಖಸ್ತುತಿ ಹೇಗೆ ಮಾಡುತ್ತಾರೆ ಎಂದರೆ ಹುಡುಗ ಇರಲಿ, ಅಕ್ಕ ಪಕ್ಕದಲ್ಲಿ ಯಾರೇ ಇದ್ದರು ಕಿರಿಕಿರಿಯಾಗುತ್ತದೆ. ತನ್ನ ಹುಡುಗಿಗೆ ತಾನೇ ಹೀರೋ ಆಗಿರಬೇಕು ಎಂದು ಬಯಸುವವನಿಗೆ ಇದರಿಂದ ಕಿರಿಕಿರಿಯುಂಟಾಗದೆ ಏನಾಗುತ್ತದೆ.

ಮಾತು ಮನೆ ಕೆಡಿಸಿತು

ವಿಪರೀತ ಮಾತನಾಡುವ ಹುಡುಗಿಯರು ಹುಡುಗರಿಗೆ ಇಷ್ಟವಾಗುತ್ತಾರೆ. ಆದರೆ ಆ ವಿಪರೀತ ಎನ್ನುವುದು ಹತೋಟಿಗೆ ಬರಲಿಲ್ಲವಾದರೆ, ಅವರಿಗೆ ಬೇಸರವಾಗುತ್ತದೆ. ಈತ ಯಾವುದೋ ವಿಚಾರವಾಗಿ ನಿಮ್ಮೊಂದಿಗೆ ಮಾತನಾಡಲು ಬಂದಾಗ ಸಹ ನೀವು ವಿಪರೀತ ಮಾತನಾಡುತ್ತಿದ್ದರೆ, ಆಗ ಅವರಿಗೆ ಕಿರಿಕಿರಿಯಾಗುತ್ತದೆ.

ವಾದ ವಾಗ್ವಾದ

ಕೆಲವು ಹುಡುಗಿಯರು ವಾದಗಳನ್ನು ವಿಪರೀತಕ್ಕೆ ತೆಗೆದುಕೊಂಡು ಹೋಗುತ್ತಾರೆ. ಕೆಲವೊಮ್ಮೆ ಹುಡುಗರು ಸಹ ಅದನ್ನೆ ಮಾಡುತ್ತಾರೆ. ಆದರೆ ಕಡೆಗೆ ಏನಾಗುತ್ತದೆ ಎಂದರೆ, ಅಪ್ಸರೆಯಂತಹ ಹುಡುಗಿಯು ಸಹ ವಾದ ಮಾಡುತ್ತಾ, ಹಲ್ಲು ಕಚ್ಚಿಕಂಡು, ಮುಖ ಊದಿಟ್ಟುಕೊಂಡು ಇರುವ ಹುಡುಗಿಯರು ಹುಡುಗರಿಗೆ ಕಿರಿಕಿರಿಯುಂಟು ಮಾಡುತ್ತಾರೆ.

ಯಾವಾಗಲು ಫೋನ್‌,,,,,,

ಕೆಲವು ಹುಡುಗಿಯರು ಯಾವಾಗಲು ಫೋನ್ ಮಾಡುತ್ತಾ ಇರುತ್ತಾರೆ. ತಿಂದಾ? ನಾನು ಇದನ್ನು ತಿಂದೆ!, ಯಾವ ಬಟ್ಟೆ ಹಾಕಿಕೊಳ್ಳಲಿ? ನೀನು? ಇತ್ಯಾದಿ, ಇತ್ಯಾದಿ ಫೋನ್ ಬರುತ್ತಲೇ ಇರುತ್ತದೆ, ಅರೆ ರಿಂಗ್ ಆಯಿತು ನೋಡಿ!. ಇದು ಹುಡುಗರಿಗೆ ಕಿರಿಕಿರಿಯನ್ನುಂಟು ಮಾಡುತ್ತದೆ.

ಮುತ್ತು ಕೊಡಲು ಹಿಂದೇಟು ಹಾಕಿದಾಗ

ಒಂದು ಮುತ್ತಿಗಾಗಿ ಆತ ಎಲ್ಲಿಂದಲೋ, ನಿಮ್ಮನ್ನು ನೋಡಿ, ಒಂದು ಮುತ್ತು ಕೊಡಲು ಬಂದಾಗ ಅದಕ್ಕೆ ನೀವು ನೋ ಎಂದಾಗ! ಆತನಿಗೆ ಕಿರಿಕಿರಿಯುಂಟಾಗುತ್ತದೆ. ಇದೇ ಮೊದಲ ಬಾರಿಗೆ ಮುತ್ತು ಕೊಡಲು ಹಿಂದೇಟು ನೀವು ಹಾಕಿದಾಗ ಆತನಿಗೆ ಬೇಸರವಾಗುವುದಿಲ್ಲ. ಆದರೆ ಹಿಂದೆ ನೀವು ಮುತ್ತು ಕೊಟ್ಟು, ಇತ್ತೀಚೆಗೆ ಕೊಡಲು ಹಿಂದೇಟು ಹಾಕಿದಾಗ ಹುಡುಗರಿಗೆ ಕಿರಿಕಿರಿಯುಂಟು ಮಾಡುತ್ತದೆ.