ಚಳ್ಳೇ ಹಣ್ಣು ತಿನಿಸುವುದರಲ್ಲಿ, ಹುಡುಗಿಯರೇ ನಂ 1...!

ಸಂಜ್ಞೆ #1

ಆಕೆ ನಿಮ್ಮನ್ನು ಕಂಡಾಗ ನಕ್ಕು ಲೋಕಾಭಿರಾಮವಾಗಿ ಮಾತನಾಡಿದರೂ ತನ್ನ ಬಗ್ಗೆ ಏನನ್ನೂ ಹೇಳಿಕೊಳ್ಳುವುದಿಲ್ಲ. ತನ್ನ ಸುಖದ ಅಥವಾ ದುಃಖದ ಯಾವುದೇ ಮಾಹಿತಿಗಳನ್ನು ನೀಡುವುದಿಲ್ಲ. ನಿಮ್ಮ ಯಾವುದೇ ಮಾತುಗಳಿಗೆ ಶುಷ್ಕವಾಗಿ ಪ್ರತಿಕ್ರಿಯೆ ನೀಡುತ್ತಾಳೆ ಹಾಗೂ ಯಾವುದೇ ಭಾವನೆ ಆವರಿಸದಂತೆ ತಡೆಯುತ್ತಾಳೆ

ಸಂಜ್ಞೆ #2

ಆಕೆ ಸದಾ ತನ್ನದೇ ಲೋಕದಲ್ಲಿರುತ್ತಾಳೆ. ಒಂದು ವೇಳೆ ಬೇರಾವುದೋ ಕಾರಣದಿಂದ ಸಾಂತ್ವಾನ ಬೇಕಿದ್ದರೆ ಮಾತ್ರ ನಿಮ್ಮ ಸಹಾಯಕ್ಕಾಗಿ ಹತ್ತಿರ ಬಂದಿರುತ್ತಾಳೆ.

ಸಂಜ್ಞೆ #3

ನೀವು ಆಕೆಯೊಂದಿಗೆ ಮಾತನಾಡುತ್ತಿರುವಾಗ ಆಕೆ ಇನ್ನಾರ ಜೊತೆಗೆ ಮೆಸೇಜ್ ಅಥವಾ ಕರೆಯಲ್ಲಿ ಮಗ್ನಳಾಗಿರುತ್ತಾಳೆ ಮತ್ತು ತಾನು ಯಾರೊಂದಿಗೆ ಸಂವಹಿಸುತ್ತಿದ್ದೆ ಎಂಬುದನ್ನು ಸರ್ವಥಾ ಹೇಳುವುದಿಲ್ಲ. ನೀವು ಕೇಳಿದರೂ ತನ್ನ ಸ್ನೇಹಿತೆಯೋ, ನಿಮಗೆ ಸಂಬಂಧಿಸಿದ್ದಲ್ಲ ಎಂದೋ ಹೇಳಿ ಮೂರನೆಯ ವ್ಯಕ್ತಿಯ ಬಗ್ಗೆ ನಿಮಗಿದ್ದ ಕುತೂಹಲಕ್ಕೆ ಪರದೆ ಎಳೆಯುವಂತೆ ವರ್ತಿಸುತ್ತಾಳೆ.

ಸಂಜ್ಞೆ #4

ಒಂದು ವೇಳೆ ಆಕೆ ಯಾವುದೋ ದುಃಖದಲ್ಲಿದ್ದಂತೆ ಕಂಡುಬಂದು ನೀವು ಈ ದುಃಖಕ್ಕೆ ಕಾರಣವೇನೆಂದು ಕೇಳಿದರೆ ಕೇವಲ ಕಣ್ಣೀರು ಹಾಕುತ್ತಾಳಷ್ಟೇ ಹೊರತು ಇದಕ್ಕೆ ಕಾರಣವನ್ನು ಹೇಳುವುದಿಲ್ಲ. ಎಚ್ಚರ! ಈ ಕಣ್ಣೀರು ನಿಮ್ಮನ್ನು ಹೆದರಿಸಲು ಉದುರಿಸಿರುವ ಟೈಂ ಬಾಂಬುಗಳು.

ಸಂಜ್ಞೆ #5

ಒಂದು ವೇಳೆ ನೀವು ಆಕೆಯನ್ನು ಬಿಟ್ಟು ಬಿಡುವುದಾಗಿ ಹೆದರಿಸಿದರೆ ಆಕೆ ತಕ್ಷಣ ಎಲ್ಲರ ಗಮನ ನಿಮ್ಮೆಡೆಗೆ ಹರಿಯುವಂತೆ ನಾಟಕವಾಡುತ್ತಾಳೆ. ಏಕೆಂದರೆ ಆಕೆಗೆ ನಿಮಗಿಂತಲೂ ಉತ್ತಮ ವ್ಯಕ್ತಿ ದೊರಕುವವರೆಗೂ ನಿಮ್ಮನ್ನು ತನ್ನ ಗಾಳದಿಂದ ಬಿಟ್ಟುಬಿಡಲು ಇಷ್ಟವಿಲ್ಲ.

ಸಂಜ್ಞೆ #6

ಒಂದು ವೇಳೆ ಅಚಾನಕ್ಕಾಗಿ ನೀವು ಸುತ್ತಮುತ್ತಲಿರುವ ಇತರ ಮಹಿಳೆಯರತ್ತ ಗಮನ ಹರಿಸಿದರೆ ಈಕೆ ನಿಮ್ಮನ್ನು ಮಾನಸಿಕವಾಗಿ ಬೆದರಿಸುತ್ತಾಳೆ. ಏಕೆಂದರೆ ತನ್ನ ಇನ್ನೊಬ್ಬ ವ್ಯಕ್ತಿ ತನ್ನವನಾಗುವ ಬಗ್ಗೆ ಖಚಿತಗೊಳ್ಳುವವರೆಗೂ ನೀವು ಆಕೆಯ ತೆಕ್ಕೆಯಲ್ಲಿರುವುದು ಆಕೆಗೆ ಬೇಕಾಗಿದೆ. ಅದು ಬಿಟ್ಟು ನೀವು ಬೇರೆ ಹೆಣ್ಣಿನತ್ತ ನೋಡಿದರೆ ಆಕೆ ಸಹಿಸುವುದಿಲ್ಲ.

ಸಂಜ್ಞೆ #7

ಒಂದು ವೇಳೆ ಆಕೆ ಇನ್ನೊಬ್ಬ ಪುರುಷನೊಂದಿಗೆ ಹೆಚ್ಚಿನ ನಿಕಟತೆ ತೋರಿದರೆ ಮತ್ತು ಇದು ನಿಮ್ಮ ಗಮನಕ್ಕೆ ಬಂದರೆ ಇದನ್ನಾಕೆ ಆತ ತನ್ನ ಉತ್ತಮ ಸ್ನೇಹಿತ ಮಾತ್ರ ಎಂಬ ಮಾತುಗಳ ಮೂಲಕ ನಿಮ್ಮನ್ನು ಸಂತೈಸಲು ಯತ್ನಿಸುತ್ತಾಳೆ. ಏಕೆಂದರೆ ಇದು ಆಕೆ ಇಬ್ಬರಲ್ಲಿ ಉತ್ತಮರು ಯಾರು ಎಂದು ಮಾಡುವ ಆಯ್ಕೆಪ್ರಕ್ರಿಯೆಯ ಒಂದು ಭಾಗವಾಗಿರಬಹುದು.

ಸಂಜ್ಞೆ #8

ಒಂದು ದಿನ, ಸೂಕ್ತ ಸಮಯದಲ್ಲಿ ಆಕೆ ನಿಮಗೆ ಯಾವುದೇ ಭಾವನೆಗಳಿಲ್ಲದೇ ನೇರವಾಗಿ ಗುಡ್ ಬೈ ಹೇಳಿ ಹೊರಡಬಹುದು. ಇನ್ನೂ ಹೆಚ್ಚಿನ ಸಂದರ್ಭಗಳಲ್ಲಿ ತನ್ನ ಮದುವೆಯ ಕರೆಯೋಲೆ ಕೊಟ್ಟು ಮದುವೆಗೆ ಖಂಡಿತಾ ಬನ್ನಿ ಎಂದು ಆಹ್ವಾನಿಸಬಹುದು.