ಹಣ vs ಪ್ರೀತಿ- ಒಂದೇ ನಾಣ್ಯದ ಎರಡು ಮುಖವಿದ್ದಂತೆ....

ವಾಸ್ತವಾಂಶ #1

ಜೀವನದಲ್ಲಿ ಎಲ್ಲಾ ಐಷಾರಾಮವನ್ನು ಪಡೆದುಕೊಂಡು ಬಳಿಕ ವ್ಯಕ್ತಿಯೊಬ್ಬ ಏನನ್ನು ಯೋಚಿಸಲು ಸಾಧ್ಯ? ತನ್ನ ಭಾವನೆಗಳನ್ನು ಅರ್ಥ ಮಾಡಿಕೊಂಡು ಜೀವನದಲ್ಲಿ ಮುಂದುವರಿಯುವ ಜೀವವೊಂದು ಬೇಕಿತ್ತು ಎಂದಲ್ಲವೇ?

ವಾಸ್ತವಾಂಶ #2

ನಿಮ್ಮನ್ನು ಅತಿಯಾಗಿ ಪ್ರೀತಿಸುವ ಸಂಗಾತಿಯಿದ್ದರೂ ಐಷಾರಾಮಿ ಜೀವನ ಮಾಡಲು ಕೈಯಲ್ಲಿ ಹಣವಿಲ್ಲದಿದ್ದರೆ ನಿಮ್ಮ ಭಾವನೆ ಹೇಗಿರುತ್ತದೆ? ನಿಮ್ಮ ಆಸೆಗಳನ್ನು ಈಡೇರಿಸುವಂತಹ ಮಾರ್ಗಗಳು ಇಲ್ಲವಲ್ಲಾ ಎನ್ನುವ ಬೇಸರ ನಿಮ್ಮಲ್ಲಿ ಮೂಡುತ್ತದೆ.

ವಾಸ್ತವಾಂಶ #3

ಕೈತುಂಬಾ ಸಂಬಳ ಕೊಡುವಂತಹ ಕೆಲಸವಿದ್ದರೂ ಪ್ರೀತಿಸುವ ಜೀವಗಳೊಂದಿಗೆ ಇರಲು ನಿಮ್ಮಲ್ಲಿ ಸಮಯವಿಲ್ಲದಿದ್ದರೆ ಆಗ ನೀವು ಏನು ಕಳೆದುಕೊಳ್ಳುತ್ತೀರಿ? ಜೀವನದ ಸಂತೋಷ ಅಲ್ಲವೇ? ನೋಟುಗಳಿಂದ ಯಾವಾಗಲೂ ಪ್ರೀತಿ ಕೊಂಡುಕೊಳ್ಳಲು ಆಗಲ್ಲ.

ವಾಸ್ತವಾಂಶ #4

ನಿಮ್ಮ ತೋಳಿನಲ್ಲಿ ಪ್ರೀತಿಸುವವರು ಮಲಗಿರುವಾಗ ಹೊಟ್ಟೆ ಚುರುಚುರು ಎನ್ನುತ್ತಿದ್ದರೆ ಆಗ ನಿಮಗೆ ಹಣದ ಮಹತ್ವ ಅರ್ಥವಾಗುತ್ತದೆ ಅಲ್ಲವೇ?

ವಾಸ್ತವಾಂಶ #5

ನಿಮ್ಮ ಬಾಲ್ಯದ ಗೆಳೆಯರೆಲ್ಲರೂ ಕೋಟ್ಯಾಧಿಪತಿಗಳಾಗಿದ್ದಾರೆ. ಆದರೆ ಪ್ರೀತಿಯ ಕೊರತೆಯಿಂದ ಖಿನ್ನತೆಯಿಂದ ಬಳಲುತ್ತಿದ್ದಾರೆ. ಆದರೆ ನಿಮಗೆ ಪ್ರೀತಿಸುವ ಜೀವಗಳು ಸಿಕ್ಕಿದೆ ಎಂದಾಗ ನೀವು ತುಂಬಾ ಅದೃಷ್ಟವಂತರೆಂದು ಅನಿಸುವುದಿಲ್ಲವೇ?

ವಾಸ್ತವಾಂಶ #6

ನಿಮ್ಮಲ್ಲಿ ಪ್ರೀತಿಸುವ ಕುಟುಂಬವಿದೆ. ಆದರೆ ಮಾಡಲು ಕೆಲಸವಿಲ್ಲ ಮತ್ತು ಕುಟುಂಬದವರು ಪ್ರತಿಯೊಂದಕ್ಕೂ ಕಷ್ಟಪಡುತ್ತಿದ್ದಾರೆ. ಈ ವೇಳೆ ಬಾಲ್ಯದ ಗೆಳೆಯನೊಬ್ಬ ದುಬಾರಿ ಕಾರಿನಲ್ಲಿ ಪ್ರಯಾಣಿಸುವಾಗ ನಿಮಗೆ ಹೇಗನಿಸಬಹುದು? ಇನ್ನಷ್ಟು ಹಣ ಜೀವನ ಸುಧಾರಿಸಬಹುದು ಎಂದನಿಸುತ್ತದೆ ಅಲ್ಲವೇ?