ಮದುವೆ ವಿಷಯದಲ್ಲಿ ಮಹಿಳೆಯರ ಡಿಮ್ಯಾಂಡ್ ಸಿಕ್ಕಾ ಪಟ್ಟೆ ಇರುತ್ತೆ!

ಸೂಕ್ಷ್ಮತೆ

ಕೆಲವು ಪುರುಷರು ತುಂಬಾ ಅಸೂಕ್ಷ್ಮತೆಯನ್ನು ಹೊಂದಿರುತ್ತಾರೆ. ಇಂತಹ ಸ್ವಭಾವದವರು ಇತರರ ಭಾವನೆಗಳನ್ನು ಅರ್ಥ ಮಾಡಿಕೊಳ್ಳುವುದಿಲ್ಲ. ಸೂಕ್ಷ್ಮತೆ ಇರುವ ವ್ಯಕ್ತಿ ಮಾತ್ರ ನಿಮ್ಮ ಭಾವನೆಗಳನ್ನು ಅರ್ಥ ಮಾಡಿಕೊಳ್ಳಬಲ್ಲ. ಭಾವನೆಗಳನ್ನು ವ್ಯಕ್ತಪಡಿಸುವಾತ ಮತ್ತು ಅರ್ಥ ಮಾಡಿಕೊಳ್ಳುವವ ಮಹಿಳೆಯರಿಗೆ ಒಳ್ಳೆಯ ಸಂಗಾತಿಯಾಗಬಲ್ಲ.

ಆತ ಆಸಕ್ತಿದಾಯಕ ಪ್ರಶ್ನೆ ಕೇಳುತ್ತಿದ್ದಾನೆಯಾ?

ನಿಮ್ಮ ಬಗ್ಗೆ ಯಾವುದೇ ಹುಡುಗ ಆಸಕ್ತಿ ತೋರಿಸುತ್ತಿದ್ದಾನೆ ಮತ್ತು ಇತರರು ಕೇಳಲು ಹಿಂಜರಿಯುವಂತಹ ಪ್ರಶ್ನೆಗಳನ್ನು ಕೇಳುತ್ತಿದ್ದಾನೆ ಎಂದಾದರೆ ಆತ ನಿಮ್ಮ ಮನಸ್ಸನ್ನು ಅರಿತು ಭಾವನೆಗಳನ್ನು ತಿಳಿದುಕೊಳ್ಳಬಲ್ಲ. ನಿಮ್ಮ ಜೀವನದ ಭಾಗವಾಗಲು ಆತ ಇಂತಹ ಪ್ರಶ್ನೆ ಕೇಳುತ್ತಾನೆ.

ನಾಚುವಂತೆ ಮಾಡಿದ್ದಾನೆಯಾ?

ಮಹಿಳೆಯನ್ನು ನಾಚುವಂತೆ ಮಾಡುವ ಪುರುಷರು ದೀರ್ಘ ಕಾಲದವರೆಗೆ ತಮ್ಮ ಆಕರ್ಷಣೆಯನ್ನು ಹೊಂದಿರುತ್ತಾರೆ. ನಿಮ್ಮ ಮುಖ ಕೆಂಪಗೆ ಆಗುವಂತಹ ಪ್ರಶಂಸೆಯನ್ನು ಯಾವತ್ತಾದರೂ ಮಾಡಿದ್ದಾನೆಯಾ?

ತುಂಟ

ಪುರುಷರು ಸಂಪೂರ್ಣವಾಗಬೇಕಾದರೆ ಆತನಲ್ಲಿ ತುಂಟತನವೆನ್ನುವುದು ಇರಲೇಬೇಕು. ಮನಸ್ಸಿನಲ್ಲಿರುವ ಮಕ್ಕಳ ಸ್ವಭಾವವು ಹೊರಗೆ ಬಂದಾಗ ಮಾತ್ರ ಜೀವನದ ಕೆಲವೊಂದು ಸುಂದರ ಕ್ಷಣಗಳು ಮೂಡಿ ಬರುವುದು.

ಆಲಿಸುತ್ತಾನೆಯಾ?

ಹೆಚ್ಚಿನ ಪುರುಷರು ತಾವು ಮಾತನಾಡುವ ಕಡೆ ಗಮನಹರಿಸುತ್ತಾರೆ. ಆದರೆ ಆಲಿಸುವುದು ಕೂಡ ಆತನಿಗೆ ತಿಳಿದಿರಬೇಕು. ಯಾಕೆಂದರೆ ಮಹಿಳೆಯರು ಹೆಚ್ಚು ಆಲಿಸುವ ಪುರುಷರನ್ನು ಬಯಸುತ್ತಾರೆ.

ಆತ ನಗುತ್ತಾನೆಯಾ?

ನಗುವಿರುವ ಮುಖವು ಶಾಂತಿ ಮತ್ತು ಸಂತೋಷದಿಂದ ಇದೆಯೆಂದರ್ಥ. ಯಾವಾಗಲೂ ನಗುತ್ತಿರುವ ಪುರುಷ ಮಹಿಳೆಯರ ಶಾಂತಿಗೆ ಭಂಗ ಉಂಟು ಮಾಡಬಹುದು.