ಫ್ಲರ್ಟಿಂಗ್ ವಿಷಯದಲ್ಲಿ ಹುಡುಗರು ಸಿಕ್ಕಾಪಟ್ಟೆ ಜಾಣರು!

ಕೆಲವೊಂದು ಮಹಿಳೆಯರಿಗೆ ಪುರುಷರೊಂದಿಗೆ ಫ್ಲರ್ಟಿಂಗ್ ಮಾಡುವುದೆಂದರೆ ತುಂಬಾನೇ ಖುಷಿ. ಇನ್ನು ಕೆಲವರು ಇದರಿಂದ ದೂರವಿರುತ್ತಾರೆ. ಯಾಕೆಂದರೆ ಮುಂದೆ ಇದರಿಂದ ಏನಾದರೂ ಅನಾಹುತವಾಗಬಹುದು ಎಂದು ಅವರಿಗೆ ತಿಳಿದಿರುತ್ತದೆ. ಮಹಿಳೆಯರಿಗೆ ಪುರುಷರು ಫ್ಲರ್ಟಿಂಗ್ ಮಾಡುತ್ತಿದ್ದಾರೆ ಎಂದು ತಿಳಿದಿದ್ದರೂ ಅವರು ಸುಮ್ಮನೆ ಇರುತ್ತಾರೆ. ಇನ್ನು ಕೆಲವರು ಇದನ್ನು ವಿರೋಧಿಸುತ್ತಾರೆ.

ಆದರೆ ನೀವು ಬಯಸುತ್ತಿರುವ ಪುರುಷ ನಿಮ್ಮೊಂದಿಗೆ ಫ್ಲರ್ಟಿಂಗ್ ಮಾಡಬೇಕೆಂದು ನೀವು ಬಯಸುತ್ತಿದ್ದರೆ ಆತ ಆಗಲೇ ನಿಮ್ಮೊಂದಿಗೆ ಫ್ಲರ್ಟಿಂಗ್ ಮಾಡುತ್ತಿರಬಹುದು. ಇದರ ಬಗ್ಗೆ ನಿಮಗೆ ಮಾತ್ರ ತಿಳಿದಿರುವುದಿಲ್ಲ. ಇಂತಹ ಕೆಲವೊಂದು ಉದಾಹರಣೆಗಳನ್ನು ನಿಮ್ಮ ಮುಂದಿಡಲಿದ್ದೇವೆ. ಇದನ್ನು ತಿಳಿದುಕೊಂಡು ಫ್ಲರ್ಟಿಂಗ್ ಮಾಡುತ್ತಿರುವ ಪುರುಷ ನಿಮಗೆ ಇಷ್ಟವಾದರೆ ಆತನೊಂದಿಗೆ ಮುಂದುವರಿಯಿರಿ. ಪ್ರೀತಿ ಕುರುಡು ನಿಜ, ಆದರೆ ಫ್ಲರ್ಟಿಂಗ್ ಕುರುಡಲ್ಲ!

ನಿನಗೆ ಈ ಡ್ರೆಸ್ ಸಕತ್ ಆಗಿ ಮ್ಯಾಚ್ ಆಗುತ್ತೆ!
ನಿಮ್ಮ ಹೊಸ ಡ್ರೆಸ್‌ಗೆ ಒಬ್ಬ ಹುಡುಗ ಪ್ರಶಂಸೆ ಮಾಡುತ್ತಿದ್ದಾನೆ ಎಂದರೆ ಅದು ಫ್ಲರ್ಟಿಂಗ್ ಎಂದರರ್ಥವಲ್ಲ, ಆದರೆ ಆತ ನಿಮ್ಮ ದೇಹದ ಏರಿಳಿತವನ್ನು ನೋಡಿ ಪ್ರಶಂಸೆ ಮಾಡಿದರೆ ಆತ ಫ್ಲರ್ಟಿಂಗ್ ಮಾಡುತ್ತಿದ್ದಾನೆ ಎಂದರ್ಥ. ನೀವು ಉಡುಗೆಯಲ್ಲಿ ಈ ರೀತಿ ಕಾಣಿಸಿಕೊಳ್ಳಲು ಯಾವ ರೀತಿಯ ಒಳಉಡುಪನ್ನು ಧರಿಸಿರಬಹುದು ಎನ್ನುವ ಬಗ್ಗೆ ಹುಡುಗರು ಕಲ್ಪನೆ ಮಾಡಿಕೊಳ್ಳುತ್ತಾರೆ. ಭಿನ್ನ ಉಡುಗೆಯಲ್ಲಿ ನಿಮ್ಮ ಉಬ್ಬುತಗ್ಗುಗಳು ವಿಭಿನ್ನವಾಗಿ ಕಾಣಿಸುವ ಕಾರಣದಿಂದಾಗಿ ಅವರು ಈ ಕಲ್ಪನೆ ಮಾಡಿಕೊಳ್ಳುತ್ತಾರೆ.

ನೀವು ಏದುಸಿರು ಬಿಡುವ ಸಮಯದಲ್ಲಿ....
ನೀವು ಓಡಿಕೊಂಡು ಕಚೇರಿಗೆ ಬಂದಾಗ ಅಥವಾ ಮೆಟ್ಟಿಲುಗಳನ್ನು ಏರಿಕೊಂಡು ಬಂದು ಆಯಾಸವಾದಾಗ ಏದುಸಿರು ಬಿಡುವಾಗ ಕೆಲವು ಪುರುಷರು ಅದನ್ನು ಬೆಡ್ ರೂಮ್‌ನ ಏದುಸಿರಿಗೆ ಹೋಲಿಕೆ ಮಾಡಿಕೊಳ್ಳುತ್ತಾರೆ. ನೀವು ಏದುಸಿರು ಬಿಡುತ್ತಾ ಇದ್ದರೆ ಅದಕ್ಕೆ ಕಾರಣನಾದ ಪುರುಷ ಕ್ಷಮೆ ಕೇಳಿದರೆ ಆತ ನಿಮ್ಮೊಂದಿಗೆ ಫ್ಲರ್ಟಿಂಗ್ ಮಾಡುತ್ತಿದ್ದಾನೆ ಎಂದರ್ಥ. ಚೆಲ್ಲಾಟವಾಡುವ ಹುಡುಗರ ಬುದ್ಧಿ ಹೇಗಿರುತ್ತೇ ನೋಡಿ...

ನಿಮ್ಮ ಕೆಲಸವನ್ನು ಅತಿಯಾಗಿ ಹೊಗಳಿದಾಗ
ನೀವು ಯಾವ ರೀತಿಯ ಕೆಲಸ ಮಾಡಿದ್ದೀರಿ ಎಂದು ಅರ್ಥ ಮಾಡಿಕೊಳ್ಳುವ ಮೊದಲೇ ಆತ ನಿಮ್ಮ ಕೆಲಸವನ್ನು ಹೊಗಳುತ್ತಿದ್ದಾನೆ ಎಂದರೆ ಆತ ನಿಮ್ಮೊಂದಿಗೆ ಫ್ಲರ್ಟಿಂಗ್ ಮಾಡುತ್ತಿದ್ದಾನೆ ಎಂದರ್ಥ. ಆತ ನಿಜವಾಗಿಯೂ ನಿಮ್ಮ ಸೌಂದರ್ಯವನ್ನು ಹೊಗಳುತ್ತಿದ್ದಾನೆ.

ನಿದ್ದೆಗೆಡಿಸಿದ್ದೀರಿ ಎಂದು ಹೇಳುತ್ತಿದ್ದರೆ....
ಆತ ನಿಮ್ಮ ಬಗ್ಗೆ ತುಂಬಾ ಚಿಂತೆ ಮಾಡುತ್ತಿದ್ದಾನೆ ಮತ್ತು ನಿಮ್ಮಿಂದ ನಿದ್ದೆಗೆಟ್ಟಿದ್ದಾನೆ ಎಂದು ಹೇಳುತ್ತಲಿದ್ದರೆ ಆತ ನಿಮ್ಮೊಂದಿಗೆ ಫ್ಲರ್ಟಿಂಗ್ ಮಾಡುತ್ತಿದ್ದಾನೆ ಎಂದು ಹೇಳಬಹುದು. ಮಹಿಳೆಯನ್ನು ತುಂಬಾ ಬಯಸುತ್ತಿದ್ದಾರೆ ಮಾತ್ರ ಒಬ್ಬ ಪುರುಷ ನಿದ್ದೆಗೆಡಲು ಕಾರಣವಾಗುತ್ತದೆ.