ಹುಡುಗಿಯರ ವಿಷಯದಲ್ಲಿ, ಸಮೀಕ್ಷೆ ಏನು ಹೇಳುತ್ತದೆ ನೋಡಿ...

ಬುದ್ಧಿವಂತನಾಗಿರುವ ಲಕ್ಷಣ

ಹೆಚ್ಚಿನ ಮಹಿಳೆಯರು ಒಪ್ಪಿಕೊಂಡಂತೆ ಸಾಮಾನ್ಯವಾಗಿ ಬುದ್ಧಿವಂತರಂತೆ ತೋರುವ ಪುರುಷರು ಮೊದಲ ನೋಟಕ್ಕೆ ಆಕರ್ಷಕರಾಗಿ ಕಾಣುತ್ತಾರೆ. ಇವರು ಕೊಂಚ ತೆಳ್ಳಗಿನ ಮೈಕಟ್ಟು ಹೊಂದಿದ್ದು ಕನ್ನಡಕ ಧರಿಸಿ ಕೊಂಚ ಬಕ್ಕತಲೆಯವರೂ ಆಗಿರುತ್ತಾರೆ. ಒಟ್ಟಾರೆ ಬುದ್ಧಿವಂತರಂತೆ ಗೋಚರಿಸುವ ನೋಟ ಪ್ರಥಮ ಆಕರ್ಷಣೆ ಪಡೆಯುತ್ತದೆ.

ಹಣ

ಕೆಲವು ಮಹಿಳೆಯರು ನೇರವಾದ ಮತ್ತು ದಿಟ್ಟ ಉತ್ತರ ನೀಡುವವರಾಗಿದ್ದು ತಮಗೆ ಹಣವಂತರೇ ಇಷ್ಟ ಎಂದು ಒಪ್ಪಿಕೊಂಡಿದ್ದಾರೆ. ಸ್ವಾರಸ್ಯವೆಂದರೆ ಹೆಚ್ಚಿನ ಮಹಿಳೆಯರ ಅಭಿಪ್ರಾಯದಲ್ಲಿ ವ್ಯಕ್ತಿಯಲ್ಲಿ ಹಣವಿದ್ದರೆ ಉಳಿದ ಗುಣಗಳು ಕೊಂಚ ಗೌಣವಾಗುತ್ತವೆ. ಅದಕ್ಕೇ ಅಲ್ಲವೇ ಗಾಲಿಬ್ ಹೇಳಿದ್ದು, ರಯೀಸೋಂ ಕೀ ಶಾನ್ ಮೇ ಖಾಮೀ ಭೀ ಖೂಬೀ ಬನ್ ಜಾತೀ ಹೈ (ಹಣದ ಪ್ರಖರತೆಯ ಕೆಳಗೆ ಕುಂದುಗಳೂ ಒಳ್ಳೆಯ ಗುಣಗಳಂತೆಯೇ ತೋರುತ್ತವೆ)

ಉತ್ತಮ ಮೈಕಟ್ಟು

ಅಚ್ಚರಿ ಪಡುವ ವಿಷಯವೆಂದರೆ ಕೆಲವು ಮಹಿಳೆಯರು ಬೆವರು ಸುರಿಸುತ್ತಿರುವ ಪುರುಷರು ತಮ್ಮ ಗಮನಕ್ಕೆ ಥಟ್ಟನೇ ಬರುತ್ತಾರೆ ಎಂದಿದ್ದಾರೆ. ಹೆಚ್ಚಿನ ಮಹಿಳೆಯರು ಕಟ್ಟುಮಸ್ತಾದ ಶರೀರ ಹೊಂದಿರುವ, ಅದರಲ್ಲೂ ಚಿಕ್ಕ ತೋಳಿನ ಕೈಗಳಿಂದ ಹೊರಗಿಣಿಕುತ್ತಿರುವ ಮೇಲ್ತೋಳಿನ ಸ್ನಾಯು ಹೆಚ್ಚಿನ ಆಕರ್ಷಣೆ ಹೊಂದಿದೆ ಎನ್ನುತ್ತಾರೆ. ಜಿಮ್ ನಲ್ಲಿ ಡಂಬೆಲ್ಸ್ ಗೇ ಏಕೆ ಹೆಚ್ಚು ಬೇಡಿಕೆ ಎಂದು ಈಗ ತಿಳಿಯಿತೇ?

ಅಗಲವಾದ ಭುಜ

ಮಹಿಳೆಯರಿಗೆ ಸಿಂಹಕಟಿ ಮತ್ತು ಅಗಲವಾದ ಭುಜಗಳುಳ್ಳ ಪುರುಷರು ಹೆಚ್ಚು ಆಕರ್ಷಕರಾಗಿರುತ್ತಾರೆ. ಸಾಮಾನ್ಯವಾಗಿ ಈ ಮೈಕಟ್ಟು ಹೊಂದಿದವರು ಸಮರ್ಥ ಪುರುಷರು ಎಂಬ ನಂಬಿಕೆಗೆ ಈ ಬಲ ಬಂದಿರಬಹುದು.

ಎದೆಯ ಕೂದಲು

ಈ ಸಮೀಕ್ಷೆಯಲ್ಲಿ ಉತ್ತರಿಸಿದ ಭಾರತೀಯ ಮಹಿಳೆಯರು ಮಾತ್ರ ಎದೆಯ ಮೇಲಿನ ಕೂದಲು ಪ್ರಥಮ ಆಕರ್ಷಣೆ ಪಡೆಯುತ್ತದೆ ಎಂದಿದ್ದಾರೆ. ಇದೇ ಕಾರಣಕ್ಕೆ ಕೆಲವು ಭಾರತೀಯ ಪುರುಷರು ತಮ್ಮ ಶರ್ಟ್ ನ ಮೊದಲ ಗುಂಡಿಯನ್ನು ಹಾಕುವುದೇ ಇಲ್ಲ. ಅದೇ ಪಾಶ್ಚಾತ್ಯ ಮಹಿಳೆಯರಿಗೆ ಪುರುಷರ ಎದೆಯ ಕೂದಲು ಇಷ್ಟವಿಲ್ಲ. ಇದನ್ನು ಶೇವ್ ಮಾಡಿಕೊಳ್ಳುವಂತೆ ಅವರು ಬಯಸುತ್ತಾರೆ.

ಕ್ರೀಡಾಪುರುಷರು

ಯಾವುದಾದರೊಂದು ಕ್ರೀಡೆಯಲ್ಲಿ ತಮ್ಮನ್ನು ತೊಡಗಿಸಿಕೊಂಡಿರುವ ಪುರುಷರು ಮಹಿಳೆಯರ ಗಮನವನ್ನು ಥಟ್ಟನೇ ಸೆಳೆಯುತ್ತಾರೆ. ಮಹಿಳೆಯರ ಗಮನ ಸೆಳೆಯಲೆಂದೇ ಕೆಲವರು ತಮ್ಮ ಮೈಕಟ್ಟು ಹೇಗೇ ಇರಲಿ, ಒಟ್ಟಾರೆ ತಾವೊಂದು ಕ್ರೀಡೆಯಲ್ಲಿ ತೊಡಗಿಸಿಕೊಂಡಿದ್ದೇವೆ ಎಂದು ಆ ಕ್ರೀಡೆಯ ಉಡುಪು ತೊಟ್ಟು ವಿಜೃಂಭಿಸುವ ಕಾರಣವೇ ಇದು.