ಹುಡುಗಿಯರೇ ಡೇಟಿಂಗ್ ಮಾಡಿ, ಮೋಸ ಹೋಗಬೇಡಿ!

ನಿಮ್ಮ ಜತೆಗಾರನನ್ನು ತಿಳಿದುಕೊಳ್ಳಿ

ನೀವು ಡೇಟಿಂಗ್‌ಗೆ ಹೋಗುವ ವ್ವಕ್ತಿಯು ವಯಸ್ಸಿನಲ್ಲಿ ನಿಮಗಿಂತ ತುಂಬಾ ದೊಡ್ಡವನಾಗಿದ್ದರೆ ಆಗ ಆತನ ಹಿನ್ನೆಲೆ ಬಗ್ಗೆ ಚೆನ್ನಾಗಿ ತಿಳಿದುಕೊಳ್ಳುವುದು ಉತ್ತಮ. ನೀವು ಸ್ವಲ್ಪ ಪ್ರಯತ್ನಿಸಿದರೆ ಕೆಲವೊಂದು ಸಾಮಾಜಿಕ ಜಾಲತಾಣಗಳಲ್ಲೂ ಆತನ ಬಗ್ಗೆ ಮಾಹಿತಿ ಸಂಗ್ರಹಿಸಬಹುದು.

ನಿಮ್ಮ ಜತೆಗಾರನನ್ನು ತಿಳಿದುಕೊಳ್ಳಿ

ಸಾಮಾಜಿಕ ಜಾಲತಾಣಗಳಲ್ಲಿ ಹುಡುಕಾಡಿದರೆ ಆಗ ನಿಮಗೆ ಡೇಟಿಂಗ್ ನಡೆಸುತ್ತಿರುವ ವ್ಯಕ್ತಿಯ ಬಗ್ಗೆ ಸ್ವಲ್ಪವಾದರೂ ಮಾಹಿತಿ ಲಭ್ಯವಾಗಬಹುದು. ವಿಕೃತ ಮನಸ್ಸಿನ ವ್ಯಕ್ತಿಯೊಂದಿಗೆ ಡೇಟಿಂಗ್ ನಡೆಸುವ ಮೊದಲು ಈ ವಿಷಯವನ್ನು ಗಮನದಲ್ಲಿಟ್ಟುಕೊಳ್ಳಬೇಕು.

ನಿಮಗೆ ಪರಿಚಯವಿಲ್ಲದ ಸ್ಥಳಕ್ಕೆ ಭೇಟಿ ನೀಡಬೇಡಿ

ಹುಡುಗಿಯರಿಗೆ ಪರಿಚಯವಿಲ್ಲದ ಸ್ಥಳಗಳಿಗೆ ಅವರನ್ನು ಕರೆದುಕೊಂಡು ಹೋಗುವಂತಹ ಅಭ್ಯಾಸ ವಿಕೃತ ಮನಸ್ಸಿನ ವ್ಯಕ್ತಿಗಳದ್ದಾಗಿರುತ್ತದೆ. ಇಂತಹ ವಿಷಯಗಳ ಬಗ್ಗೆ ಎಚ್ಚರಿಕೆಯಿಂದ ಇರಬೇಕು ಮತ್ತು ಆದಷ್ಟು ಇದನ್ನು ತಪ್ಪಿಸಲು ಪ್ರಯತ್ನಿಸಬೇಕು.

ಡೇಟಿಂಗ್‌ಗೆ ಹೋಗುವ ಮೊದಲು ನಿಮ್ಮ ಆಪ್ತರೊಬ್ಬರಿಗೆ ಮಾಹಿತಿ ನೀಡಿ

ಡೇಟಿಂಗ್ ಅನ್ನುವುದು ತೀರ ವೈಯಕ್ತಿಕ ಹಾಗೂ ಅದನ್ನು ಗೌಪ್ಯವಾಗಿಟ್ಟುಕೊಳ್ಳುವುದು ನಿಮ್ಮ ಇಚ್ಛೆಯಾಗಿರಬಹುದು. ಆದರೆ ವಿಕೃತ ಮನಸ್ಸಿನ ವ್ಯಕ್ತಿಯೊಂದಿಗೆ ನೀವು ಡೇಟಿಂಗ್ ಗೆ ಹೋಗುತ್ತಿದ್ದೀರಿ ಎಂದಾದರೆ ಆಗ ನಿಮ್ಮ ಆಪ್ತರೊಬ್ಬರಿಗೆ ಮಾಹಿತಿ ನೀಡಬೇಕಾಗಿರುವುದು ತುಂಬಾ ಮುಖ್ಯ. ನಿಮ್ಮ ಆಪ್ತ ಗೆಳತಿಗೆ ನೀವು ಹೋಗುತ್ತಿರುವ ಸ್ಥಳ ಮತ್ತು ವ್ಯಕ್ತಿಯ ಬಗ್ಗೆ ಮಾಹಿತಿ ನೀಡಿದರೆ ಮುಂದೆ ಆಗುವಂತಹ ಅನಾಹುತ ತಪ್ಪಬಹುದು. ಇದು ನಿಮ್ಮ ಸುರಕ್ಷತೆಗಾಗಿ ಮಾತ್ರ. ಯಾಕೆಂದರೆ ಕೆಲವೊಂದು ಅಜ್ಞಾತ ವ್ಯಕ್ತಿಯೊಂದಿಗೆ ಡೇಟಿಂಗ್‌ಗೆ ಹೋಗುವಾಗ ಏನಾದರೂ ಸಂಭವಿಸಿದರೆ ಆಗ ಅದನ್ನು ತಪ್ಪಿಸಬಹುದಾಗಿದೆ.

ಸುಲಭವಾಗಿ ಬಿಟ್ಟುಕೊಡಬೇಡಿ

ಅಜ್ಞಾತ ವ್ಯಕ್ತಿಯೊಂದಿಗೆ ನೀವು ಡೇಟಿಂಗ್ ಮಾಡುವಾಗ ಗಮನದಲ್ಲಿಟ್ಟುಕೊಳ್ಳಬೇಕಾಗದ ಅತ್ಯಂತ ಮುಖ್ಯ ವಿಷಯವಿದು. ನಿಮಗೆ ನಿಮ್ಮದೇ ಆದ ವ್ಯಕ್ತಿತ್ವ ಮತ್ತು ಭಾವನೆಗಳಿವೆ ಎನ್ನುವುದನ್ನು ಮರೆಯಬೇಡಿ. ನಿಮ್ಮ ಜತೆಗಾರನ ಆಸೆಗಳಿಗೆ ಅಷ್ಟು ಸುಲಭವಾಗಿ ತಲೆಬಾಗುವುದು ಬೇಡ. ಆತನೊಂದಿಗೆ ನೀವು ಲೈಂಗಿಕ ಸಂಬಂಧಕ್ಕೆ ಮುಂದಾಗುವ ಮೊದಲು ಇದನ್ನು ವಿರೋಧಿಸಲು ಪ್ರಯತ್ನಿಸಿ. ಇಲ್ಲಿ ನೀವು ಯಶಸ್ವಿಯಾದರೆ ಅದರ ಪ್ರತಿಫಲ ದೊಡ್ಡ ಮಟ್ಟದ್ದಾಗಿರುತ್ತದೆ.