ಪ್ರೀತಿ ವಿಶ್ವಾಸವೇ, ಸುಖಿ ಸಂಸಾರದ ರಹದಾರಿ

ಸಂಜ್ಜೆ #1

ನಿಮ್ಮ ಜೀವನಸಂಗಾತಿಗೆ ಯಾವುದೇ ನೆರವು ಬೇಕಿದ್ದರೆ ನೀವು ಅದನ್ನು ನೀಡಲು ಎಂದಿಗೂ ಹಿಂದೆ ಮುಂದೆ ನೋಡುವುದಿಲ್ಲ. ಅಲ್ಲದೇ ನನ್ನದೆಲ್ಲಾ 'ನಮ್ಮದು' ಎಂಬ ಭಾವ ಈಗಾಗಲೇ ಬಂದುಬಿಟ್ಟಿರುವುದರಿಂದ ಸುತಾರಾಂ ಎರಡನೇ ಯೋಚನೆಗೆ ಸರ್ವಥಾ ಅವಕಾಶ ನೀಡದೇ ಮುಂದುವರೆಯುವ ಪರಿ ಕಂಡುಬಂದರೆ ಇದು ನಿಜವಾಗಿ ಸಾರ್ಥಕ ಬಾಳು ನಡೆಸುವ ಜೋಡಿಯಾಗಿದೆ ಎಂದು ಅರ್ಥೈಸಿಕೊಳ್ಳಬಹುದು.

ಸಂಜ್ಜೆ #2

ಯಾವುದೇ ಜೋಡಿಯಲ್ಲಿ ಪರಸ್ಪರ ವಿಶ್ವಾಸ ಅತಿ ಮುಖ್ಯ. ವಿಶ್ವಾಸಘಾತುಕತನ ಯಾವುದೇ ಜೋಡಿಯನ್ನು ಕಡ್ಡಿಯಂತೆ ಮುರಿಯಬಹುದು. ಒಂದು ವೇಳೆ ನಿಮ್ಮ ಸಂಗಾತಿಯನ್ನು ಯಾವುದೇ ಅನುಮಾನಕ್ಕೆ ಎಡೆ ನೀಡದಂತೆ ನೀವು ನಂಬುವುದಾದರೆ ಇದು ಜನುಮದ ಜೋಡಿ ಎಂದು ತೀರ್‍ಮಾನಿಸಿ ಬಿಡಬಹುದು.

ಸಂಜ್ಜೆ #3

ಯಾವುದೇ ವ್ಯಕ್ತಿಯ ಬಗ್ಗೆ ಕೆಲವು ಬಾಹ್ಯ ಸೂಚನೆಗಳ ಮೂಲಕ ನಾವು ಒಂದು ತೀರ್ಮಾನಕ್ಕೆ ಬಂದುಬಿಡುತ್ತೇವೆ. ಉದಾಹರಣೆಗೆ ಬಟ್ಟೆ ಕೊಳಕಾಗಿ ಬಂದಿದ್ದ ವ್ಯಕ್ತಿಯನ್ನು ಪ್ರಥಮ ಬಾರಿ ಕಂಡಾಗ ಕೊಳಕ ಎಂದುಬಿಡಬಹುದು. ಆದರೆ ವಾಸ್ತವವಾಗಿ ಆತ ಈಗ ತಾನೇ ಕೆರೆಯಲ್ಲಿ ಬಿದ್ದಿದ್ದ ಮಗುವನ್ನು ರಕ್ಷಿಸಿ ಬಂದಿದ್ದ, ಆದ್ದರಿಂದ ಆತನ ಬಟ್ಟೆ ಕೊಳೆಯಾಗಿದೆ ಎಂದರೆ? ಆತನ ಬಗ್ಗೆ ಮೂಡಿದ್ದ 'ಕೊಳಕ' ನ ರೂಪ ತಳೆದು ದೇವದೂತನ ರೂಪ ಮೂಡುತ್ತದೆ, ಅಲ್ಲವೇ? ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಸಂಜ್ಜೆ #3

ಅಂತೆಯೇ ನಿಮ್ಮ ಜೀವನಸಂಗಾತಿಯಾಗುವವರು ನಿಮ್ಮ ಬಾಹ್ಯ ಲಕ್ಷಣಗಳನ್ನು ಕಂಡು ನಿಮ್ಮ ಬಗ್ಗೆ ಥಟ್ಟನೇ ಒಂದು ಅಭಿಪ್ರಾಯ ಮೂಡಿಸದೇ ನಿಮ್ಮ ಅಂತರಾಳದ ವ್ಯಕ್ತಿಯನ್ನು ಅರಿತಿದ್ದರೆ, ಅಲ್ಲದೇ ಇಬ್ಬರಿಂದಲೂ ಈ ಬಗೆ ಕಂಡುಬಂದರೆ ಇದು ನಿಜವಾಗಿ ಸಾವಿನವರೆಗಿನ ಜೋಡಿ ಎಂದು ತೀರ್ಮಾನಿಸಬಹುದು.

ಸಂಜ್ಜೆ #4

ನಿಮ್ಮ ಜೀವನಸಂಗಾತಿಯೊಂದಿಗೆ ಮಾತನಾಡುವಾಗ ಅತ್ಯಂತ ನಯ, ವಿನಯ ಮತ್ತು ಸ್ಪಷ್ಟ ಮಾತುಗಳಲ್ಲಿ, ಮನಸ್ಸಿಗೆ ಹಿತಕರವಾಗುವಂತೆ ಮಾತನಾಡಿದರೆ ಮತ್ತು ಅಪ್ಪಿ ತಪ್ಪಿಯೂ ಅವರಿಗೆ ನೋವುಂಟಾಗುವ ಮಾತನ್ನಾಡದೇ ಸಂವಹಿಸಿದರೆ ಇದು ಅತ್ಯಂತ ಯಶಸ್ವಿ ಜೋಡಿ ಎಂದು ಅರಿತುಕೊಳ್ಳಬಹುದು. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಸಂಜ್ಜೆ #4

ಇಬ್ಬರೂ ಮಾತನಾಡುವಾಗ ಒಬ್ಬರಿಗೊಬ್ಬರು ಸಮಯ ನೀಡಿ ಮಾತುಕತೆಯ ಮೂಲಕವೇ ಇಬ್ಬರಿಗೂ ಸಮರ್ಪಕವಾದ ತೀರ್ಮಾನಕ್ಕೆ ಬರುವುದನ್ನು ಕಂಡುಕೊಳ್ಳಬಹುದು.

ಸಂಜ್ಜೆ #5

ಒಂದು ವೇಳೆ ಇಬ್ಬರ ಜೀವನದ ಗುರಿ ಒಂದೇ ಆಗಿದ್ದರೆ ಪರಸ್ಪರ ಪೂರಕವಾಗಿರುತ್ತದೆ. ಆದರೆ ಜೀವನಸಂಗಾತಿಯ ವೃತ್ತಿ ಪ್ರವೃತ್ತಿಗಳು ಯಾವುದೇ ಇರಲಿ ಆ ವೃತ್ತಿಗೆ ಪೂರ್ಣವಾದ ಗೌರವ ನೀಡುವ ಮೂಲಕ ಹಾಗೂ ಜೀವನಸಂಗಾತಿಯನ್ನು ಓರ್ವ ವ್ಯಕ್ತಿಯಾಗಿ ಗೌರವಾದರ ಅಭಿಮಾನಗಳಿಂದ ನೋಡುವ ಮೂಲಕ ಯಾವುದೇ ಜೋಡಿ ಅತ್ಯಂತ ಯಶಸ್ವಿಯಾಗಬಲ್ಲದು. ಒಂದು ವೇಳೆ ಪರಸ್ಪರ ನಿಮ್ಮ ಜೀವನಸಂಗಾತಿಯಿಂದ ಈ ಪರಿ ಕಂಡುಬಂದರೆ ನಿಮ್ಮ ಜೋಡಿ ನಿಜವಾಗಿ ಸ್ವರ್ಗದಲ್ಲಿಯೇ ನಿಶ್ಚಯಿಸಲ್ಪಟ್ಟಿದೆ ಎಂದು ತೀರ್ಮಾನಿಸಬಹುದು.