ಮದುವೆ ಮುಂಚೆ ವಧುವಿಗೆ ಕಾಡುವ ಸಂದೇಹ ಅಷ್ಟಿಷ್ಟಲ್ಲ!

ಮದುವೆಯಾಗಲು ನಾನಿನ್ನೂ ಚಿಕ್ಕವಳಾ?

ಇದು ಪ್ರತಿಯೊಬ್ಬ ವಧುವು ಕೇಳಿಕೊಳ್ಳುವ ಸಾಮಾನ್ಯ ಪ್ರಶ್ನೆಯಾಗಿರುತ್ತದೆ. ಮದುವೆಯಾಗಲು ನಾನಿನ್ನೂ ಚಿಕ್ಕವಳಾ? ಎಂಬ ಪ್ರಶ್ನೆ ಆಕೆ ಮೊದಲು ಕೇಳಿಕೊಳ್ಳುತ್ತಿರುತ್ತಾಳೆ. ಹೌದು ನಿಮಗೆ ಮದುವೆಯಾಗಲು ಅಗತ್ಯವಾದ ವಯಸ್ಸಾಗಿದೆ. ಒಂದು ಜವಾಬ್ದಾರಿಯನ್ನು ಹೊರುವಷ್ಟು ವಯಸ್ಸು ನಿಮ್ಮದಾಗಿದೆ. ಅದಕ್ಕೆ ನಿಮಗೆ ಮದುವೆ ಮಾಡಲು ಸಿದ್ಧಗೊಂಡಿದ್ದಾರೆ ಇದಕ್ಕಾಗಿ ಸಂಶಯ ಬೇಡ.

ನಾನು ಅವರ ಮನೆಯಲ್ಲಿ ಹೊಂದಿಕೊಳ್ಳುವೆನಾ?

ಹೌದು, ಆತನ ಮನೆಯಲ್ಲಿ ನೀವು ಖಂಡಿತ ಹೊಂದಿಕೊಳ್ಳುತ್ತಿರಿ. ಅದಕ್ಕಾಗಿ ನೀವು ಸ್ವಲ್ಪ ಮಾನಸಿಕವಾಗಿ ಸಿದ್ಧಗೊಳ್ಳಬೇಕು. ಅಲ್ಲಿ ನಿಮಗಾಗಿ ಕೆಲವೊಂದು ಸವಾಲುಗಳು ಇರುವುದು ನಿಜ ಮತ್ತು ಕೆಲವೊಂದು ಬದಲಾವಣೆಗಳು ಸಹ ಇರುವುದು ಅಷ್ಟೇ ಸತ್ಯ. ಆದರೆ ಮಾನವನು ಮೂಲತಃ ಬದಲಾವಣೆಗಳಿಗೆ ಹೊಂದಿಕೊಳ್ಳುವ ಗುಣವನ್ನು ಜನ್ಮಜಾತವಾಗಿ ಪಡೆದಿರುತ್ತಾನೆ. ಹೊಂದಿಕೊಳ್ಳುವುದು ಅಷ್ಟೇನು ಕಷ್ಟವಾಗುವುದಿಲ್ಲ.

ನಮ್ಮ ಅತ್ತೆ ನನ್ನನ್ನು ಒಪ್ಪಿಕೊಳ್ಳುವರಾ?

ನಿಮ್ಮ ಅತ್ತೆ ನಿಮ್ಮ ತಾಯಿಯ ಸ್ಥಾನವನ್ನು ಯಾವುದೇ ಕಾರಣಕ್ಕು ತುಂಬುವುದಿಲ್ಲ! ಹೌದು, ವ್ಯತ್ಯಾಸಗಳು ಇದ್ದೇ ಇರುತ್ತವೆ, ಆದರೆ ಇದು ನೀವು ನಡೆದುಕೊಳ್ಳುವ ರೀತಿಯ ಮೇಲೆ ಇದು ಅವಲಂಬಿಸಿರುತ್ತದೆ.

ನಾನು ತುಂಬಾ ಖರ್ಚು ಮಾಡಬೇಕಾಗುತ್ತದೆಯೇ?

ಇದು ಸಹ ವಧುಗಳಿಗೆ ಕಾಡುವ ಒಂದು ಸಮಸ್ಯೆಯಾಗಿರುತ್ತದೆ. ಒಂದು ನೆನಪಿಡಿ, ಮದುವೆ ಜೀವನದಲ್ಲಿ ಒಂದು ಬಾರಿ ಮಾತ್ರ ಆಗುವ ಸಮಾರಂಭ. ಅದಕ್ಕಾಗಿ ನಿಮ್ಮ ಹುಟ್ಟು ಹಬ್ಬಕ್ಕೆ ಖರ್ಚು ಮಾಡಬೇಕಾದ ಹಣಕ್ಕಿಂತ ಸ್ವಲ್ಪ ಹೆಚ್ಚು ಹಣವನ್ನು ಖರ್ಚು ಮಾಡಬೇಕಾಗುತ್ತದೆ. ಖರ್ಚಿನ ಬಗ್ಗೆ ಆಲೋಚಿಸಬೇಡಿ, ಎಷ್ಟಾದರು ಇದು ನಿಮ್ಮ ಮದುವೆ.

ನಮ್ಮ ಪ್ರೀತಿ ಶಾಶ್ವತವಾಗಿ ಇರುತ್ತದೆಯೇ?

ನಿಮ್ಮ ಪ್ರೀತಿ ಶಾಶ್ವತವಾಗಿ ಇರಬೇಕು ಎಂದು ನೀವು ಬಯಸುತ್ತಿದ್ದೀರಾ, ಇದು ಸಾಧ್ಯ. ನಿಮ್ಮ ಮತ್ತು ನಿಮ್ಮ ಸಂಗಾತಿಯ ನಡುವೆ ಮತ್ತೊಬ್ಬ ವ್ಯಕ್ತಿ ಬರಲು ಅವಕಾಶ ಮಾಡಿಕೊಟ್ಟರೆ ಖಂಡಿತ ನಿಮ್ಮ ಪ್ರೀತಿಯ ಜೀವನ ಹಾಳಾಗುತ್ತದೆ. ಹಾಗಾಗಿ ನೀವು ನೀವಾಗಿರಿ, ನಿಮ್ಮ ಸಂಗಾತಿಯ ಜೊತೆಗೆ ಸಂಬಂಧವನ್ನು ಕಾಪಾಡಿಕೊಳ್ಳಿ.