ಮೊದಲ ನೋಟದಲ್ಲೇ ಹೆಣ್ಣಿನ ಚಂಚಲ ಮನಸ್ಸನ್ನು ಗೆಲ್ಲಬಹುದೇ?

ಮುಗುಳ್ನಗೆಯೊಂದಿಗೆ ಆರಂಭಿಸಿ

ಸಿಕ್ಕಾಪಟ್ಟೆ, ಹೃದಯಾಂತರಾಳದಿಂದ ನಕ್ಕು ಬಿಡಿ ಎಂದು ನಾವು ಹೇಳುವುದಿಲ್ಲ. ಹುಡುಗಿಯರನ್ನು ಆಕರ್ಷಿಸಲು ಒಂದು ಸಣ್ಣ ಮುಗುಳ್ನಗೆ ಸಾಕು. ನಿಮ್ಮ ಹೃದಯದಿಂದ ಉಕ್ಕಿ ಬರುವ ಎಲ್ಲಾ ಭಾವನೆಗಳನ್ನು ಮುಖದಲ್ಲಿ ತಡೆ ಹಿಡಿದು, ಕುಡಿ ನೋಟ ಬೀರುತ್ತ, ಒಂದು ಸಣ್ಣ ಕಿರು ನಗೆಯೊಂದಿಗೆ ಆಕೆಯನ್ನು ನೋಡಿ. ಇದು ಆರಂಭ ಮಾತ್ರ!

ನೀವು ನೀವಾಗಿರಿ

ನಮ್ಮನ್ನು ನಾವು ಹೀರೋ ಆಗಿ ತೋರಿಸಿಕೊಳ್ಳುವುದು ನಮ್ಮ ಮುಖ್ಯ ಉದ್ದೇಶವಾಗಿರುತ್ತದೆ. ಆದರೂ ಸರಿ ಹುಡುಗಿಯರು ದಡ್ಡರಲ್ಲ ಬಾಸ್, ನೀವು ನೀವಾಗಿರಿ. ನೀವು ಮತ್ತೊಬ್ಬರಂತೆ ವೇಷ ಹಾಕಿದರೆ ಅವರು ನಿಮ್ಮತ್ತ ನಾಳೆಯಿಂದ ತಿರುಗಿ ನೋಡದೆ ಹೋಗಬಹುದು. ನಿಮ್ಮತನ ಏನು ಎಂದು ಮಾತ್ರ ತೋರಿಸಿ. ಒಂದು ವೇಳೆ ಅವರು ನಿಮ್ಮ ನಾಟಕವನ್ನು ಒಪ್ಪಿಕೊಂಡರು, ನೀವು ನಾಳೆ ಜೀವನ ಪೂರ್ತಿ ನಾಟಕ ಮಾಡಲಿಕ್ಕಾಗುವುದಿಲ್ಲ ಎಂಬುದನ್ನು ಮರೆಯಬೇಡಿ.

ಆಕೆಯನ್ನು ನಕ್ಕು ನಗಿಸಿ

ನಿಮ್ಮ ಹಾಸ್ಯ ಪ್ರಜ್ಞೆಯನ್ನು ಮತ್ತಷ್ಟು ಹರಿತಗೊಳಿಸಿಕೊಳ್ಳಿ, ಹುಡುಗಿಯರಿಗೆ ತಮ್ಮ ಹಾಸ್ಯ ಪ್ರಙ್ಞೆಯಿಂದ ಇತರರನ್ನು,ಅದರಲ್ಲೂ ತನ್ನನ್ನು ನಗಿಸುವ ಹುಡುಗ ಭಾರೀ ಇಷ್ಟವಾಗುತ್ತಾನೆ. ನಿಮ್ಮ ಜೋಕ್‌ಗಳಿಗೆ ಆಕೆ ನಗಲಿ,ಆಕೆಯ ಜೋಕ್‌ಗೆ ನೀವು ಸಹ ನಕ್ಕುಬಿಡಿ. ಈ ನಗೆಯು ನಿಮ್ಮಿಬ್ಬರ ಪ್ರೇಮ ಸೇತುವೆಯಾಗಿ ಬಿಡುತ್ತದೆ. ಆದ್ದರಿಂದ ಆದಷ್ಟು ಸಮಯಕ್ಕೆ ಸರಿಯಾಗಿ ಹಾಸ್ಯವನ್ನು ಉಕ್ಕಿಸುವ ಹಾಸ್ಯ ಪ್ರಙ್ಞೆ ನಿಮ್ಮದಾಗಲಿ. ಇದರಿಂದ ಸುಲಭವಾಗಿ ನಿಮ್ಮ ಪ್ರೀತಿಯನ್ನು ನೀವು ಪಡೆಯಬಹುದು.

ಆಕೆಯನ್ನು ಹೊಗಳಿ

ಹುಡುಗಿಯರ ಜೊತೆ ಫ್ಲರ್ಟ್ ಮಾಡಲು ಇರುವ ಅತ್ಯುತ್ತಮ ಮಾರ್ಗಗಳಲ್ಲಿ ಇದು ಸಹ ಒಂದು. ಆಕೆಯ ಕೆಲಸ ಕಾರ್ಯಗಳನ್ನು, ಉಡುಗೆ-ತೊಡುಗೆಯನ್ನು ಸ್ವಲ್ಪ ಹೊಗಳಿ. ಈ ಹೊಗಳಿಕೆಗಳು ಆಕೆಯನ್ನು ಕರಗಿಸಿ ಬಿಡುತ್ತವೆ. "ವಾವ್, ಸ್ವಲ್ಪ ಹಾಗೆ ಇಲ್ಲಿಯೇ ಓಡಾಡುತ್ತ ಇರಿ, ಈ ಏರಿಯಾದಲ್ಲಿ ಕಾಮನಬಿಲ್ಲು ಕಾಣಿಸಿಕೊಂಡು ತುಂಬಾ ದಿನ ಆಯ್ತು" ಎನ್ನುವಂತಹ ಹಾಸ್ಯ ಮಿಶ್ರಿತ ಹೊಗಳಿಕೆಗಳಿಗೆ ಆಕೆಯು ಸಹ ಹುಸಿ ಮುನಿಸಿನಿಂದ ನಗುತ್ತಾಳೆ. ಇಲ್ಲಿ ಸ್ವಲ್ಪ ಪ್ರಾಮಾಣಿಕತೆಯನ್ನು ಉಳಿಸಿಕೊಂಡರೆ ಆಕೆಯು ನಿಮ್ಮ ಹೊಗಳಿಕೆಗಳು ಪೂರ್ಣ ಅಂಕ ನೀಡುತ್ತಾಳೆ.

ಆಕೆಯನ್ನು ಚುಡಾಯಿಸಿ

ನಿಮಗೆ ಗೊತ್ತೆ, ಹುಡುಗಿಯರನ್ನು ಅಣಕಿಸುವ ಮತ್ತು ಚುಡಾಯಿಸುವ ಮೂಲಕವು ಸಹ ಅವರನ್ನು ನಿಮ್ಮ ಪ್ರೀತಿಯ ಬಲೆಯಲ್ಲಿ ಬೀಳಿಸಬಹುದು. ಆದರೆ ಇದು ತುಂಟತನದ ಪರಿಮಿತಿಯಲ್ಲಿರಬೇಕು. ಫ್ಲರ್ಟ್ ಮಾಡುವಾಗ ಪರಸ್ಪರ ಕಾಲೆಳೆಯುವುದು ತೀರಾ ಸಾಮಾನ್ಯ. ನಿಮ್ಮ ಅಣಕಕ್ಕೆ ಆಕೆಯು ನಗುವಂತಿರಬೇಕು ಅಂತಹ ವಿಷಯಗಳನ್ನು ಮಾತ್ರ ಅಣಕಿಸಿ. ಆಗಾಗ ಚುಡಾಯಿಸುತ್ತಾ ಇರಿ.

ಆಕೆಯನ್ನು ಸ್ಪರ್ಶಿಸಲು ನೆಪ ಹುಡುಕಿ

ಛೇ,ಛೇ,ಛೇ! ಈ ರೀತಿ ಮಾಡಬಾರದು ಎಂದು ನೀವು ಭಾವಿಸಿರಬಹುದು. ನಮ್ಮ ಹುಡುಗರು ಪ್ರೀತಿಸುವ ಹುಡುಗಿಯಿಂದ ಮೈಲು ದೂರ ನಿಂತಿರುತ್ತಾರೆ. ಹಾಗೆ ಮಾಡಬೇಡಿ. ಸಭ್ಯತೆಯ ಮಿತಿಯೊಳಗೆ ಪೆನ್ನು ಕೇಳಲು, ಸಹಾಯ ಕೇಳಲು, ಯಾವುದೋ ಕಾರಣಕ್ಕೆ ಸ್ವೀಟ್ ನೀಡಲು, ಅಭಿನಂದಿಸಲು! ಹೀಗೆ ನಾನಾ ನೆಪಗಳ ಮೂಲಕ ಆಕೆಯನ್ನು ಸ್ಪರ್ಶಿಸಿ. ನೆನಪಿಡಿ ನಿಮ್ಮ ಸ್ಪರ್ಶವು ಆಕೆಗೆ ಮುಜುಗರ ತರಬಾರದು. ಆಕೆಗೆ ಇದರಿಂದ ನೋವುಂಟಾಗುವುದಿಲ್ಲ ಎಂದರೆ ಸ್ಪರ್ಶಿಸಿ. ನೆನಪಿಡಿ, ಪ್ರೀತಿ ಮಾಡುವಾಗ ಸಿಗುವ ಸ್ಪರ್ಶದ ರೋಮಾಂಚನ ಮದುವೆಯಾದ ಮೇಲೆ ಸಿಗುವುದಿಲ್ಲ. ಆ ರೋಮಾಂಚನವನ್ನು ನಿಮ್ಮದಾಗಿಸಿಕೊಳ್ಳಲು ಸ್ಪಲ್ಪ ಸಾಹಸ ಮನೋಭಾವ ತೋರಿಸಿ.

ಅವಕಾಶಗಳು ಕೈಜಾರದಂತೆ ನೋಡಿಕೊಳ್ಳಿ

ಕೊನೆಯ ಸಲಹೆ, ಹುಡುಗಿಯೊಂದಿಗೆ ಫ್ಲರ್ಟ್ ಮಾಡುವಾಗ ಸುಮ್ಮನೆ ಕುಳಿತು ಹಗಲುಗನಸು ಕಾಣಬೇಡಿ. ಆಕೆಯನ್ನು ಚುಡಾಯಿಸುವ, ಹೊಗಳುವ, ಸ್ಪರ್ಶಿಸುವ, ನೋಡಿ ಮುಗುಳ್ನಗುವ ಯಾವ ಒಂದು ಅವಕಾಶವನ್ನು ಸಹ ಕೈಜಾರದಂತೆ ನೋಡಿಕೊಳ್ಳಿ. ಆಕೆಗೆ ಏನು ಇಷ್ಟ, ಇಷ್ಟವಿಲ್ಲ ಎಂಬುದನ್ನು ನೋಡಿಕೊಳ್ಳಿ. ನಿಮ್ಮ ಇರುವಿಕೆಯು ಆಕೆಯಲ್ಲಿ ಖುಷಿ ತರಿಸಬೇಕೆ ಹೊರತು ಉಸಿರುಗಟ್ಟಿಸಬಾರದು ಎಂಬುದನ್ನು ನೆನಪಿಡಿ.