ಪ್ರಥಮ ಚುಂಬನ ಯಶಸ್ವಿಯಾಗಲು ಕೆಲವು ಸಲಹೆಗಳು!

Published: Thursday, March 13, 2014, 11:49 [IST]

ಹೌದು ಸಂಬಂಧ ಪ್ರಾರಂಭದಲ್ಲಿ ಇದೊಂದು ಅತ್ಯಂತ ಕಷ್ಟಕರವಾದ ಕ್ಷಣವಾಗಿದೆ. ನೀವು ಈ ಹಂತವನ್ನು ಸುಲಭದಲ್ಲಿ ಮುಗಿಸಿದ್ದರೆ, ನಿಮ್ಮನ್ನು ಭೂಮಿಯ ಅತ್ಯಂತ ಅದೃಷ್ಟ ವ್ಯಕ್ತಿ ಎಂದು ಪರಿಗಣಿಸಲಾಗುತ್ತದೆ. ಮೊದಲ ಚುಂಬನ ಎಂದಿಗೂ ಕಷ್ಟಕರವಾಗಿರುತ್ತದೆ, ನಿಮ್ಮ ಸಂಗಾತಿಯು ಈ ಕ್ಷಣಕ್ಕಾಗಿ ಸಿದ್ಧಗೊಳ್ಳುವುದು ಅತೀ ಅಗತ್ಯ.

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ಬಾಯಿ ದುರ್ಗಂಧವನ್ನು ನಿವಾರಿಸಿ ನಂತರ ಹೆಣ್ಣಿಗೆ ಚುಂಬಿಸಿ!

ನಿಮ್ಮ ಸುಂದರ ಬಾಂಧವ್ಯದಲ್ಲಿ, ಮೊದಲ ಚುಂಬನದ ಅನುಭವವನ್ನು ನೀವು ಹೊಂದಿದಾಗ, ಸುತ್ತಲೆಲ್ಲಾ ಸುಂದರ ಚಿಟ್ಟೆಗಳು ಹಾರಿದ ಅನುಭವ ನಿಮಗುಂಟಾಗುತ್ತದೆ. ಏನೋ ಒಂದು ರೋಮಾಂಚನ ಮೈ ಮನಸ್ಸನ್ನು ತುಂಬುತ್ತದೆ. ಈ ಕ್ಷಣ ಹೀಗೆಯೇ ಇರಲಿ ಎಂದು ಮನ ಅರೆಕ್ಷಣ ಆಲೋಚಿಸುತ್ತದೆ. ತುಟಿಗೆ ತುಟಿ ಬೆರೆತಾಗ ನೀವು ಈ ಲೋಕದಲ್ಲೇ ಇಲ್ಲದವರಂತಹ ಅನುಭವವನ್ನು ಹೊಂದುತ್ತೀರಿ.

ಮೊದಲ ಚುಂಬನದೆಡೆಗೆ ಸಾಗಲು ಪ್ರತಿಯೊಬ್ಬರೂ ನಾಚಿಕೆ ಪಟ್ಟುಕೊಳ್ಳುತ್ತಾರೆ. ನಿಮ್ಮ ಸಂಗಾತಿಯ ಮನಸ್ಸರಿತು ಸೂಕ್ತ ನಿರ್ಧಾರವನ್ನು ಒಮ್ಮೊಮ್ಮೆ ತೆಗೆದುಕೊಳ್ಳಬೇಕಾಗುತ್ತದೆ. ನಿಮ್ಮ ಮೊದಲ ಚುಂಬನ ಯಶಸ್ವಿಯಾಗಲು ಕೆಲವೊಂದು ಸುಲಭ ವಿಧಾನಗಳನ್ನು ನಾವಿಲ್ಲಿ ನೀಡುತ್ತಿದ್ದೇವೆ. ಇದರಿಂದ ಸಂಗಾತಿಗೆ ಯಾವುದೇ ಮುಜುಗರ ಅಂಜಿಕೆ ಉಂಟಾಗುವುದಿಲ್ಲ. ನಾಚಿಕೆ ಪಟ್ಟುಕೊಳ್ಳದಿರಿ, ಈ ಸುಂದರ ಕ್ಷಣವನ್ನು ನಿಮ್ಮದಾಗಿಸಿಕೊಳ್ಳಿ ಮತ್ತು ಮೊದಲ ಚುಂಬನದ ಸಿಹಿ ನಿಮ್ಮ ಮನದಲ್ಲಿ ಶಾಶ್ವತವಾಗಿ ನೆಲೆಸಲಿ.

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ಚುಂಬನದ ಬಗ್ಗೆ ಕೆಲ ಇಂಟರೆಸ್ಟಿಂಗ್ ಅಂಶಗಳು

ನಿಮ್ಮ ದೇಹ ಭಾಷೆಯನ್ನು ಅರಿತುಕೊಳ್ಳಿ:

ನಿಮ್ಮಿಬ್ಬರ ದೇಹ ಭಾಷೆ ಹೇಗಿದೆ ಎಂಬುದನ್ನು ಕುರಿತು ನೀವು ಅರಿತುಕೊಂಡಿರಬೇಕು. ನಿಮ್ಮ ಸಂಗಾತಿಯ ಸುರಕ್ಷಿತ ವಲಯವನ್ನು ನೀವು ಪಡೆಯುತ್ತಿದ್ದಂತೆ, ನಿಮಗೆ ಮುಂದುವರಿಯಲು ಅನುಮತಿ ಸಿಕ್ಕಂತೆ.

ಕಣ್ಣಿನ ಸಂಪರ್ಕ:

ಕಣ್ಣಿನ ಸಂಪರ್ಕವನ್ನು ನಿರ್ವಹಿಸಿ, ಇದರಿಂದ ನಿಮ್ಮ ಸಂಗಾತಿಗೆ ಆತ/ಆಕೆ ತನ್ನೊಡನಿದ್ದಾನೆ ಎಂಬ ಆತ್ಮೀಯತೆ ಸುರಕ್ಷತೆ ಒಡಮೂಡುತ್ತದೆ. ಕಣ್ಣಿನ ಸಂಪರ್ಕವು ಕ್ಷಣವನ್ನು ಆಳವನ್ನಾಗಿಸಿ ನಿಮ್ಮ ಮೊದಲ ಚುಂಬನಕ್ಕೆ ಯಶಸ್ಸನ್ನು ನೀಡುತ್ತದೆ.

ಆಕೆಯ/ಆತನ ಕೈ ಹಿಡಿದುಕೊಳ್ಳಿ:

ಆತನ/ಆಕೆಯ ಕೈ ನಿಮ್ಮ ಕೈಯಲ್ಲಿರಲಿ. ನಿಮ್ಮ ಕೈಗಳು ಸಂಪರ್ಕಕ್ಕೆ ಬಂದೊಡನೆ ನಿಮ್ಮ ಸಂಗಾತಿಯ ಹೃದಯ ಬಡಿತವನ್ನು ಆಲಿಸಿ. ನಿಮ್ಮ ಮೊದಲ ಚುಂಬನದೆಡೆಗೆ ಸಾಗಲು ಇದೊಂದು ಉತ್ತಮ ಕ್ಷಣವಾಗಿದೆ.

ಹತ್ತಿರಕ್ಕೆ ಬನ್ನಿ:

ನಿಮ್ಮ ಸಂಗಾತಿಯ ಹತ್ತಿರಕ್ಕೆ ಬನ್ನಿ. ಆಕೆಯ/ಆತನ ಧಿರಿಸಿನ ಸುಗಂಧ ದ್ರವ್ಯದ ಪರಿಮಳ ನಿಮಗೆ ತಾಗಲಿ.

ಆತನ/ಆಕೆಯ ತುಟಿಯನ್ನು ನೀಡಿ:

ನಿಮ್ಮ ಮೊದಲ ಚುಂಬನವನ್ನು ರೋಮಾಂಚನಕಾರಿಯಾಗಿಸಲು ನೀವು ಮಾಡಬೇಕಾದದ್ದು ಇಷ್ಟೇ. ಆತನ/ಆಕೆಯ ತುಟಿಯನ್ನು ದಿಟ್ಟಿಸಿ ನೋಡುವುದು. ನಿಮ್ಮ ಕಣ್ಣುಗಳು ಯಾವುದನ್ನು ಆಸ್ವಾದಿಸುತ್ತಿದೆ ಎಂಬುದು ನಿಮ್ಮ ಸಂಗಾತಿಗೆ ತಿಳಿದಿದೆ ಎಂಬುದನ್ನು ಗಮನಿಸಿ.

ದೀರ್ಘ ಉಸಿರನ್ನು ತೆಗೆದುಕೊಳ್ಳಿ:

ದೀರ್ಘ ಶ್ವಾಸವನ್ನು ತೆಗೆದುಕೊಂಡು ಪ್ರಿತಿಯ ಗಾಳಿಯನ್ನು ಒಳಕ್ಕೆ ಎಳೆದುಕೊಳ್ಳಿ. ನಿಮ್ಮ ಮೊದಲ ಚುಂಬನದೆಡೆಗೆ ಸಾಗಲು ಇದೊಂದು ಅಮೂರ್ತ ಕ್ಷಣವಾಗಿದೆ. ಇದು ನಿಮ್ಮ ಸಂಗಾತಿಯ ಹೃದಯದ ಲಯ ತಪ್ಪುವಂತೆ ಮಾಡುತ್ತದೆ.

ಸ್ವಲ್ಪ ಮುಂದಕ್ಕೆ ಸಾಗಿ:

ಈಗ ಸ್ವಲ್ಪ ಮುಂದಕ್ಕೆ ಸಾಗಿ, ಆತನ/ಆಕೆಯ ಸನಿಹಕ್ಕೆ ಬಂದು ನಿಮ್ಮ ಸಂಗಾತಿಯೆಡೆಗೆ ನಿಮ್ಮ ತಲೆ ತಿರುಗಿಸಿ. ಸಂಗಾತಿಯ ಕಣ್ಣುಗಳೊಳಗೆ ಆಳವಾಗಿ ನೋಡುತ್ತಾ, ನಿಮ್ಮ ಪ್ರೇಮಿಯ ಉಸಿರಾಟವನ್ನು ಆಸ್ವಾದಿಸಿ.

ಈಗ ಚುಂಬಿಸಿ:

ನೀವು ಇನ್ನೇತಕ್ಕೆ ಕಾಯುತ್ತಿರುವಿರಿ? ನಿಮ್ಮ ಮೊದಲ ಚುಂಬನದ ಸನಿಹಕ್ಕೆ ನೀವು ತಲುಪಿರುವಿರಿ. ಆಕೆಯನ್ನು ಬಲವಾಗಿ ಹಿಡಿದುಕೊಳ್ಳಿ ಸರಳವಾಗಿ ಉಸಿರಾಡಿ ಮತ್ತು ಚುಂಬಿಸಿ. ಈ ಚಮತ್ಕಾರಿ ಚುಂಬನದ ಪ್ರತಿಯೊಂದು ಕ್ಷಣವನ್ನು ನೀವು ಖಂಡಿತ ಆನಂದಿಸುತ್ತೀರಿ.