ಮದುವೆಗೂ ಮುನ್ನ ಪುರುಷರು ಮಾಡಬೇಕಾದ 8 ಸಂಗತಿಗಳು

ನಿಮ್ಮ ಸ್ನೇಹಿತರ ಜೊತೆಗೆ ಕಾಲ ಕಳೆಯಿರಿ

ಗಂಡಸರು ಮದುವೆಗೆ ಮುನ್ನ ಮಾಡಬೇಕಾದ ಮೊದಲ ಕಾರ್ಯ, ಸ್ನೇಹಿತರ ಜೊತೆ ಕಾಲ ಕಳೆಯುವುದು. ನಿಮ್ಮ ಶಾಲಾ-ಕಾಲೇಜಿನ ಸ್ನೇಹಿತರ ಜೊತೆ ಸಾಧ್ಯವಾದ ಮಟ್ಟಿಗೆ ಕಾಲ ಕಳೆಯಿರಿ. ನಿಮಗೆ ಈ ವಿಚಾರ ಅರ್ಥವಾಗಲಿಲ್ಲವೆಂದಾದಲ್ಲಿ ಮುಂದೆ ನೀವು ನಿಮ್ಮ ಸ್ನೇಹಿತರ ಜೊತೆ ಕಾಲ ಕಳೆಯಲು ಸಾಧ್ಯವಿಲ್ಲದೆ, ಪರಿತಪಿಸುತ್ತೀರಿ. ಮದುವೆಗೆ ಮುನ್ನ ಆದಷ್ಟು ಕಾಲ ಕಳೆದು ಬಿಡಿ.

ದೇವ್ರಾಣೆಗೂ ಹೆಚ್ಚು ಆಣೆ-ಪ್ರಮಾಣ ಮಾಡಬೇಡಿ!

ಮದುವೆಯಾಗದ ಗಂಡಸು ಆಣೆ-ಪ್ರಮಾಣ ಮಾಡುವುದರಲ್ಲಿ ಎತ್ತಿದ ಕೈ. ಪ್ರತಿಯೊಂದು ಸಣ್ಣ ಸಂಗತಿಗು ಆಣೆ ಮಾಡಿ, ಅದನ್ನು ನಡೆಸಿಕೊಡಲು ಹೊರಡುತ್ತಾನೆ. ಆದರೆ ಮದುವೆಯಾದ ನಂತರ ವಸ್ತು ಸ್ಥಿತಿ ತೀವ್ರವಾಗಿ ಬದಲಾಗುತ್ತದೆ. ಮದುವೆಗೆ ಮುನ್ನವೇ ಈ ಆಣೆ-ಪ್ರಮಾಣಗಳನ್ನು ಮಾಡುವುದನ್ನು ಬಿಟ್ಟು ಬಿಡಿ. ಆಗಲಿಲ್ಲವೆಂದಾದಲ್ಲಿ, ಕಡಿಮೆಯಾದರು ಮಾಡಿ.

ನಿಮ್ಮಿಂದ ಎಷ್ಟು ಸಾಧ್ಯವೋ ಅಷ್ಟು ಗ್ಯಾಡ್ಜೆಟ್‍ಗಳನ್ನು ಖರೀದಿಸಿ

ಮದುವೆಯಾದ ನಂತರ ನೀವು ಮಾಡುವ ಖರ್ಚಿನ ಬಗೆಗೆ ನಿರ್ಬಂಧಗಳು ಇರುತ್ತವೆ. ಆದ್ದರಿಂದಲೇ ಮದುವೆಗೆ ಮೊದಲೇ, ನಿಮ್ಮ ನೆಚ್ಚಿನ ಗ್ಯಾಡ್ಜೆಟ್‍ಗಳನ್ನು ಖರೀದಿಸಿ. ಬಿಟ್ಟರೆ ತಡವಾಗಿ ಬಿಡುತ್ತದೆ.

ಸ್ವಲ್ಪ ಮುನ್ನುಗ್ಗಿ

ನೀವು ಮದುವೆಗೆ ಮುನ್ನ ಯಾವುದಾದರು ಹುಡುಗಿಯೊಂದಿಗೆ ಓಡಾಡಿಲ್ಲವೆಂದಾದಲ್ಲಿ, ಮದುವೆಯಾದ ನಂತರ ಸ್ವಲ್ಪ ಕಷ್ಟವಾಗುತ್ತದೆ. ಕಾರಣವಿಷ್ಟೇ ನಿಮಗೆ ಹುಡುಗಿಯರ ಮನಃಸ್ಥಿತಿ ಅರ್ಥವಾಗಿರುವುದಿಲ್ಲ. ಹಾಗಾಗಿ ಮದುವೆಗೆ ಮುನ್ನ ಯಾವುದಾರು ಒಂದು ಹುಡುಗಿಯ ಜೊತೆಗಾದರು ಸ್ವಲ್ಪ ಸ್ನೇಹದ ಸಂಬಂಧವನ್ನು ಇಟ್ಟುಕೊಂಡು ಅವರೊಂದಿಗೆ ಬೆರೆಯಿರಿ. ಇದು ವಿಚಿತ್ರವೆಂದೆನಿಸಬಹುದಾದರು, ಮುಂದೆ ಇದರಿಂದ ಅನೇಕ ಪ್ರಯೋಜನಗಳು ನಿಮಗೆ ದೊರೆಯುತ್ತವೆ.

ನಿಮ್ಮ ಹಣಕಾಸು

ಇದು ತುಂಬಾ ಮುಖ್ಯವಾದ ಅಂಶ. ಮದುವೆಗೆ ಮುನ್ನ ಗಂಡಸರು ಮಾಡಬೇಕಾದ ಕೆಲಸಗಳಲ್ಲಿ ಇದು ಅತ್ಯಂತ ಪ್ರಮುಖವಾದುದು, ನಿಮ್ಮ ಹಣಕಾಸಿನ ಸ್ಥಿತಿಗತಿಗಳನ್ನು ಸರಿಪಡಿಸಿಕೊಳ್ಳಿ. ಒಂದು ವೇಳೆ ನಿಮ್ಮ ಹಣಕಾಸು ಸ್ಥಿತಿಗತಿಗಳು ಸರಿಯಿಲ್ಲದಿದ್ದಲ್ಲಿ, ಮದುವೆ ಮಾಡಿಕೊಳ್ಳುವುದು ಒಳ್ಳೆಯದಲ್ಲ.

ಅಡುಗೆ ಮಾಡುವುದನ್ನು ಕಲಿಯಿರಿ

ಅಡುಗೆ ಮಾಡುವುದನ್ನು ಕಲಿತರೆ ಮದುವೆಯಾದ ನಂತರ ನಿಮ್ಮ ಮಡದಿಗೆ ಒಂದು ಸಣ್ಣ ಸರ್‌ಪ್ರೈಸ್ ಕೊಡಬಹುದು. ಜೊತೆಗೆ ಆಕೆ ಊರಲ್ಲಿ ಇಲ್ಲವೆಂದಾದಲ್ಲಿ ನೀವೇ ಬೇಯಿಸಿಕೊಂಡು ತಿನ್ನಬಹುದು. ಇದು ಗಂಡಸರು ಉಡಾಫೆ ಮಾಡುವ ಅತ್ಯಂತ ಮುಖ್ಯ ವಿಚಾರವಾಗಿದೆ. ಒಂದು ವೇಳೆ ಮದುವೆಗೆ ಮುನ್ನ ಕಲಿಯಲೇ ಬೇಕಾದ ಸಂಗತಿಗಳಿದ್ದಲ್ಲಿ, ಅದರಲ್ಲಿ ಅಡುಗೆ ಮಾಡುವುದನ್ನು ಕಲಿಯುವುದು ಪಟ್ಟಿಯಲ್ಲಿ ಮೊದಲು ಇರುತ್ತದೆ.

ಏಕಾಂಗಿಯಾಗಿ ಪ್ರವಾಸ ಮಾಡಿ

ನಿಜವಾದ ಶಾಂತಿ ಬೇಕಾಗಿದ್ದರೆ, ಏಕಾಂಗಿಯಾಗಿ ಪ್ರವಾಸ ಮಾಡಿ. ಇದರಿಂದ ದೇಶ ಸುತ್ತ ಬಹುದು, ಅದರಿಂದ ಕಲಿಯಲೂ ಬಹುದು. ನಿಮ್ಮ ಜೀವನದಲ್ಲಿ ಮದುವೆಗೆ ಮೊದಲೇ ಸ್ವಲ್ಪ ಸುತ್ತಾಡಿ. ಇದರಿಂದ ನೀವು ಜೀವನವನ್ನು ನೋಡುವ ಶೈಲಿಯೇ ಬದಲಾಗಬಹುದು.

ನೀವು ಏನು ಕಲಿಯಬೇಕೆಂದಿದ್ದೀರೋ, ಅದನ್ನು ಕಲಿಯಿರಿ

ಅದು ಮಾರ್ಷಿಯಲ್ ಆರ್ಟ್ಸ್ ಆಗಿರಬಹುದು, ಗಿಟಾರ್, ಡಾನ್ಸ್ ಯಾವುದಾದರು ಸರಿ, ಮದುವೆಯ ನಂತರ ಕಲಿಯಲು ಸಮಯವಕಾಶ ಸಿಗುವುದಿಲ್ಲ. ನಿಮಗೆ ಆಸಕ್ತಿಯಿರುವ ವಿಷಯಗಳ ಪಟ್ಟಿಯನ್ನು ತಯಾರಿಸಿ, ಅದನ್ನು ಮದುವೆಗೆ ಮೊದಲೇ ಸಾಧಿಸಿ. ಏಕೆಂದರೆ ಮದುವೆಯು ಈ ನಿಟ್ಟಿನಲ್ಲಿ ನಿಮಗೆ ಸಹಾಯ ಮಾಡುವುದಿಲ್ಲ.