ಪ್ರೀತಿ ವಿಷಯದಲ್ಲಿ ಗೆಳೆಯನ್ನು ಪರೀಕ್ಷಿಸುವುದು ಹೇಗೆ?

ನಿಮ್ಮನ್ನು ಚೆನ್ನಾಗಿ ನೋಡಿಕೊಳ್ಳುತ್ತಾನೆ:

ನಿಮ್ಮನ್ನು ಪ್ರೀತಿಸುತ್ತಿರುವ ವ್ಯಕ್ತಿ ನಿಮ್ಮ ಭಾವನೆಗಳನ್ನು,ಬಯಕೆ, ಆಸೆಗಳನ್ನು ಚೆನ್ನಾಗಿ ನೋಡಿಕೊಳ್ಳುತ್ತಾನೆ.ನಿಮ್ಮ ಬಯಕೆಗಳನ್ನು ಅವನದೇ ಬಯಕೆ ಎಂಬಷ್ಟು ಮಹತ್ವ ನೀಡುತ್ತಾನೆ.ನಿಮ್ಮ ಜೀವನ ಸುಂದರವಾಗಿ ನಡೆಯಲು ಆತ ಸಂಪೂರ್ಣವಾಗಿ ಸಹಕರಿಸುತ್ತಾನೆ. ಅವನು ನಿಮ್ಮನ್ನು ಚೆನ್ನಾಗಿ ನೋಡಿಕೊಳ್ಳುವುದು ಮಾತ್ರವಲ್ಲ ನಿಮ್ಮ ಕುಟುಂಬ ಮತ್ತು ಸ್ನೇಹಿತರಿಗೂ ಕೂಡ ಅಷ್ಟೇ ಮಹತ್ವ ನೀಡುತ್ತಾನೆ.

ನಿಮಗೋಸ್ಕರ ಹೆಚ್ಚು ಸಮಯ ಮೀಸಲಿಡುತ್ತಾನೆ:

ನಿಮ್ಮನ್ನು ಹೆಚ್ಚು ಕಾಲ ಭೇಟಿ ಮಾಡದೇ ಇರಲು ಆತನಿಂದ ಆಗುವುದಿಲ್ಲ.ಆತನಿಗೆ ಸಮಯ ಸಿಕ್ಕಾಗಲೆಲ್ಲ ಆತ ನಿಮ್ಮೊಂದಿಗೆ ಸಮಯ ಕಳೆಯಲು ಇಚ್ಚಿಸುತ್ತಾನೆ ಮತ್ತು ಆತನ ಸಮಯಕ್ಕೆ ನಿಮ್ಮನ್ನೇ ಆರಿಸಿಕೊಳ್ಳುತ್ತಾನೆ.ನೀವಿಬ್ಬರೂ ತುಂಬಾ ದೂರದಲ್ಲಿದ್ದರೆ ನಿಮಗೆ ಸರಿಯಾದ ಸಮಯ ಯಾವುದು ಎಂಬುದನ್ನು ನೋಡಿಕೊಂಡು ಆ ಸಮಯದಲ್ಲಿ ಆತ ನಿಮ್ಮೊಂದಿಗೆ ಕಳೆಯಲು ಯೋಜಿಸುತ್ತಾನೆ. ಅದರಲ್ಲೂ ಕೆಲವೊಂದು ಮುಖ್ಯ ರಜಾ ದಿನಗಳಾದ ಪ್ರೇಮಿಗಳ ದಿನ, ಕ್ರಿಸ್ಮಸ್, ನ್ಯೂ ಇಯರ್ ಇಂತಹ ಸಮಯದಲ್ಲಿ ನಿಮ್ಮೊಂದಿಗೆ ಕಳೆಯುತ್ತಾನೆ.

ಮೊದಲ ಪ್ರಾಶಸ್ತ್ಯ ನಿಮಗೆ :

ಅವನ ಯೋಚನೆಯಲ್ಲಿ ನೀವು ಸದಾ ಇರುತ್ತೀರ ಮತ್ತು ಅವಕಾಶ ಸಿಕ್ಕಾಗಲೆಲ್ಲ ಆತ ನಿಮ್ಮನ್ನೇ ಭೇಟಿ ಮಾಡಬಯಸುತ್ತಾನೆ. ಏನಾದರೊಂದು ನಿರ್ಧಾರವನ್ನು ತೆಗೆದುಕೊಳ್ಳುವಾಗ ಆತ ನಿಮ್ಮನ್ನೇ ಮೊದಲು ಕೇಳುತ್ತಾನೆ.'ನಾನು' ಎನ್ನುವ ಬದಲು 'ನಾವು' ಎಂಬುದು ಅವನ ಪ್ರತಿಯೊಂದು ಯೋಜನೆಯಲ್ಲೂ ಕಾಣಬಹುದು.

ನಿಮ್ಮ ಬಗ್ಗೆ ಕಾಳಜಿವಹಿಸುತ್ತಾನೆ:

ನಿಮ್ಮನ್ನು ನಿಜವಾಗಿಯೂ ಪ್ರೀತಿಸುವ ಗೆಳೆಯ ನಿಮಗೆ ಒಳ್ಳೆಯದಾದಾಗ ಸಂತೋಷಪಡುತ್ತಾನೆ. ನಿಮ್ಮ ಕಷ್ಟದಲ್ಲಿ ಭಾಗಿಯಾಗುತ್ತಾನೆ,ಸಹಾನುಭೂತಿ ತೋರಿಸುತ್ತಾನೆ. ಆತ ನಿಮ್ಮ ಸುಖ ಕಷ್ಟ ಎರಡರಲ್ಲೂ ಸಹಬಾಗಿಯಾಗುತ್ತಾನೆ. ಆತ ನಿಮ್ಮ ಬಗ್ಗೆ ಯೋಚಿಸುತ್ತಾನೆ ಮತ್ತು ನಿಮ್ಮ ಹುಟ್ಟಿದ ದಿನ, ಕ್ರಿಸ್ಮಸ್, ಹೊಸವರ್ಷಗಳಿಗೆ ನಿಮಗೊಂದು ಅನಿರೀಕ್ಷಿತ ಉಡುಗೊರೆ ನೀಡಿ ನಿಮ್ಮನ್ನು ಕುಶಿಪಡಿಸುತ್ತಾನೆ.

ಜನರಿಗೆ ನಿನ್ನ ಬಗ್ಗೆ ತಿಳಿಯಲಿ ಎಂದು ಆಶಿಸುತ್ತಾನೆ:

ಸಾರ್ವಜನಿಕರ ನಡುವೆಯೂ ಆತ ನಿಮ್ಮ ಕೈ ಹಿಡಿದು ನಡೆಯಲು ಇಚ್ಚಿಸುತ್ತಾನೆ,ಅಥವಾ ನಿಮ್ಮ ಭುಜವನ್ನು ಬಳಸಿ ಹಿಡಿಯುತ್ತಾನೆ. ನಿಮ್ಮ ಬಗ್ಗೆ ಆತನಿಗೆ ಗೌರವವಿರುತ್ತದೆ ಮತ್ತು ಹೆಮ್ಮೆಯಿಂದ ಕುಟುಂಬ ಮತ್ತು ಸ್ನೇಹಿತರಿಗೆ ಪರಿಚಯಿಸಲು ಇಚ್ಚಿಸುತ್ತಾನೆ.ಕಂಪನಿ ಕಾರ್ಯಕ್ರಮ ಅಥವಾ ಸ್ನೇಹಿತರ ಭೇಟಿ ಅಥವಾ ಕುಟುಂಬದ ಸಮಾರಂಭಗಳಿಗೆ ನಿಮ್ಮನ್ನು ಜೊತೆಯಲ್ಲಿ ಕರೆದೊಯ್ಯುತ್ತಾನೆ.

ನಿಮ್ಮಲ್ಲಿ ಆತ ತನ್ನ ಪೂರ್ಣತೆಯನ್ನು ಕಂಡುಕೊಳ್ಳುತ್ತಾನೆ:

ನೀವು ಆತನನ್ನು ಸಂಪೂರ್ಣವಾಗಿ ನಂಬಬಹುದು ಎಂಬ ಅರಿವು ನಿಮಗಾಗುವಂತೆ ಆತ ನಡೆದುಕೊಳ್ಳುತ್ತಾನೆ.ಆತ ನಿಮಗೆ ತನ್ನ ಹಳೆಯ ಗೆಳತಿಯ ಬಗ್ಗೆ ಅಥವಾ ಅವನ ಯಾವುದೇ ವಿಷಯವನ್ನು ಮುಚ್ಚುಮರೆಯಿಲ್ಲದೆ ಹಂಚಿಕೊಳ್ಳುತ್ತಾನೆ.ಅವನು ಏನನ್ನು ಹೇಳುತ್ತಾನೋ ಅಥವಾ ಒಪ್ಪಿಕೊಳ್ಳುತ್ತಾನೋ ಅದನ್ನು ಖಂಡಿತವಾಗಿ ಪೂರೈಸುತ್ತಾನೆ ಸಾಧ್ಯವಾಗದಿದ್ದಲ್ಲಿ ಮೊದಲೇ ತಿಳಿಸಿಬಿಡುತ್ತಾನೆ. ಆತ ಪರ್ಫೆಕ್ಟ್ ಅಲ್ಲದಿರಬಹುದು ಆದರೆ ಒಳ್ಳೆಯ ವ್ಯಕ್ತಿಯಾಗಲು ಸದಾ ಪ್ರಯತ್ನಿಸುತ್ತಾನೆ.

ಆತ ನಿಮಗೆ ಉತ್ತಮವಾದುದನ್ನು ಬಯಸುತ್ತಾನೆ:

ನಿಮ್ಮನ್ನು ಪ್ರೀತಿಸುವ ಹುಡುಗ ನೀವು ಇಚ್ಚಿಸಿದ್ದನ್ನು ನಿಮಗೆ ಸಿಗಲಿ ಎಂದು ಬಯಸುತ್ತಾನೆ, ಆತ ತನ್ನ ಕುಟುಂಬ ಮತ್ತು ಸ್ನೇಹಿತರೊಡನೆ ಬ್ಯುಸಿ ಆಗಿದ್ದರೂ ಕೂಡ ನೀವು ಸದಾ ಸಂತೋಷವಾಗಿರಲಿ, ಕುಟುಂಬದೊಂದಿಗೆ ಸಂತೋಷದ ಸಮಯ ಕಳೆಯಲಿ ಎಂಬುದನ್ನು ಬಯಸುತ್ತಾನೆ.