ಅಮ್ಮಾ ಊರು ಏನೇ ಅಂದರೂ ನೀನು ನನ್ನ ದೇವರು...

ಆಕೆಗೆ ರಾತ್ರಿ ಕೆಟ್ಟ ಕನಸುಗಳು ಬಿದ್ದಾಗ...

ಬಾಲ್ಯದಲ್ಲಿ ನೀವು ನೆರೆಯ ಮಕ್ಕಳೊಂದಿಗೆ ಜಗಳವಾಡಿಕೊಂಡು ಬಂದು ತಾಯಿಯಲ್ಲಿ ದೂರು ಸಲ್ಲಿಸಿದಾಗ ಆಕೆ ಬಂದು ನಿಮ್ಮ ಪರ ಅವರೊಂದಿಗೆ ಜಗಳವಾಡಿದ್ದಾಳೆ. ರಾತ್ರಿ ಕೆಟ್ಟ ಕನಸುಗಳು ಬಿದ್ದಾಗ ನೀವು ಆಕೆಯ ಕೈಯನ್ನು ಗಟ್ಟಿಯಾಗಿ ಹಿಡಿದುಕೊಳ್ಳುತ್ತಾ ಇದ್ದೀರಿ. ಆಕೆ ಯಾವಾಗಲೂ ಮಕ್ಕಳಿಗೆ ರಕ್ಷಕಿಯಾಗಿರುತ್ತಾಳೆ.

ನೋವನ್ನು ಓಡಿಸುವಾಕೆ

ಶಾಲೆಯಲ್ಲಿ ಬಿದ್ದು ಗಾಯಗೊಂಡಾಗ ಆಕೆ ನಿಮ್ಮ ಗಾಯದ ಬಗ್ಗೆ ಸಂಪೂರ್ಣ ಗಮನಹರಿಸುತ್ತಾಳೆ. ಜ್ವರದಿಂದ ಬಳಲುವಾಗ ಅಥವಾ ಇನ್ಯಾವುದೇ ಅನಾರೋಗ್ಯದ ಸಮಯದಲ್ಲಿ ಆಕೆ ನಿಮ್ಮ ಜತೆಗಿರುತ್ತಾಳೆ. ಹದಿಹರೆಯದಲ್ಲಿ ಪ್ರೇಮದಲ್ಲಿ ಬಿದ್ದು ಸಂಬಂಧ ಮುರಿದು ಬಿದ್ದಾಗ ತಾಯಿಯ ಹೆಗಲಿಗೆ ತಲೆಯಿಟ್ಟು ಅಳುತ್ತೀರಿ. ಪ್ರತೀ ಸಲ ಆಕೆಯ ಹೃದಯ ಮುರಿದರೂ ಅದನ್ನಾಕೆ ತೋರಿಸಿಕೊಡುವುದಿಲ್ಲ.

ಬೇಡಿಕೆ ಈಡೇರಿಸುವಾಕೆ

ಸ್ನೇಹಿತರೊಂದಿಗೆ ರಜೆಯಲ್ಲಿ ಸುತ್ತಾಡಲು ಹೋಗಲು ನೀವು ತಂದೆಯಲ್ಲಿ ಹಣ ಕೇಳಿದರೂ ಅವರು ನೀಡಿರಲಿಕ್ಕಿಲ್ಲ. ಆದರೆ ತಾಯಿ ಮಾತ್ರ ಮುಂದೆ ಬಂದು ತಂದೆಗೆ ಎಲ್ಲವನ್ನು ವಿವರಿಸಿ ಹಣ ತೆಗೆಸಿಕೊಡುತ್ತಾ ಇದ್ದದ್ದು ನಿಮಗೆ ನೆನಪಿರಬಹುದು.

ಅಡುಗೆ ಮಾಡಿಕೊಡುವಾಕೆ

ತಾಯಿ ಯಾವಾಗಲೂ ತನ್ನ ಮಗನಿಗೆ ಅಡುಗೆಯವಳಾಗಿ ಕೆಲಸ ಮಾಡುತ್ತಾಳೆ. ಮಧ್ಯರಾತ್ರಿ ವೇಳೆ ನೀವು ಮನೆಗೆ ಬಂದಾಗ ಬಿಸಿಬಿಸಿಯಾದ ಅಡುಗೆ ಮಾಡಿಕೊಡುವಾಕೆ ತಾಯಿಯಲ್ಲದೆ ಬೇರೆ ಯಾರಿಂದಲೂ ಸಾಧ್ಯವಿಲ್ಲ. ಆ ದಿನಗಳನ್ನು ನೀವು ಖಂಡಿತವಾಗಿಯೂ ಕಳಕೊಳ್ಳಲಿದ್ದೀರಿ.

ನಿಮಗಾಗಿ ಕಾಯುವಾಕೆ

ನೀವು ಕಚೇರಿಯಿಂದ ಬರುವಾಗ ಅಥವಾ ಯಾವುದೋ ಪಾರ್ಟಿಗೆ ಹೋಗಿ ಬರುವಾಗ ಎಷ್ಟೇ ಹೊತ್ತಾದರೂ ಕೂಡ ತಾಯಿ ನಿಮಗಾಗಿ ಕಾಯುತ್ತಾ ಕುಳಿತಿರುತ್ತಾಳೆ. ಆಕೆ ಎಷ್ಟು ಬಳಲಿದ್ದಾಳೆ ಮತ್ತು ಊಟ ಮಾಡಿದ್ದಾಳೆಯಾ ಎಂದು ನೀವು ಯಾವತ್ತಾದರೂ ಕೇಳಿದ್ದೀರಾ?

ಆಕೆಯನ್ನು ವಿಲನ್ ರೀತಿ ನೋಡಬೇಡಿ

ಕೆಲವೊಂದು ಸಂದರ್ಭದಲ್ಲಿ ಹಲವಾರು ಮಂದಿಗೆ ತಾಯಿ ವಿಲನ್ ಆಗುತ್ತಾಳೆ. ಆದರೆ ಆಕೆ ಹೀಗೆ ಯಾಕೆ ಮಾಡಿದ್ದಾಳೆಂದು ನಿಮಗೆ ತಿಳಿಯುವ ಹೊತ್ತಿಗೆ ಆಕೆಯನ್ನು ಕಳೆದುಕೊಂಡಿರುತ್ತೀರಿ ಅಥವಾ ಕ್ಷಮೆಯಾಚಿಸುವಂತಹ ಪರಿಸ್ಥಿತಿಯಲ್ಲಿ ನೀವು ಇರುವುದಿಲ್ಲ. ಆಕೆ ಇನ್ನೂ ನಿಮ್ಮ ಜೀವನದಲ್ಲಿ ಇದ್ದರೆ ಆಕೆಯ ಬಗ್ಗೆ ಗಮನಹರಿಸಿ ಮತ್ತು ಆಕೆಯನ್ನು ವಿಲನ್ ರೀತಿ ನೋಡಬೇಡಿ.

ತಾಯಿ ಸ್ನೇಹಿತೆ

ನೀವು ಹದಿಹರೆಯಕ್ಕೆ ತಲುಪುತ್ತಾ ಇರುವಂತೆ ತಾಯಿ ನಿಮ್ಮ ಸ್ನೇಹಿತೆಯಾಗುತ್ತಾಳೆ. ತಾಯಿಯೊಂದಿಗೆ ನಿಮ್ಮ ಕನಸುಗಳು ಹಾಗೂ ಯೋಚನೆಗಳನ್ನು ಹಂಚಿಕೊಳ್ಳಬಹುದಾಗಿದೆ. ಆಕೆ ನಿಮ್ಮೆಲ್ಲಾ ಕನಸುಗಳು ಹಾಗೂ ಯೋಜನೆಗಳನ್ನು ಕಿವಿಕೊಟ್ಟು ಕೇಳುತ್ತಾಳೆ. ಆಕೆ ಯಾವುದನ್ನೂ ಅರ್ಥ ಮಾಡಿಕೊಳ್ಳುತ್ತಿಲ್ಲವೆಂದು ಭಾವಿಸಬೇಡಿ.