ಜೊತೆಯಿರುವ ನಿರ್ಧಾರಕ್ಕೆ ಆತುರ ಸಲ್ಲದು

ನಿಮ್ಮನ್ನು ನಿಯಂತ್ರಿಸಲು ಪ್ರಯತ್ನಿಸದಿದ್ದರೆ..

ಸಾಮಾನ್ಯವಾಗಿ ಸಂಬಂಧಗಳಲ್ಲಿ ಹೆಣ್ಣು ಅಥವ ಗಂಡು ಒಬ್ಬರನ್ನು ಮತ್ತೊಬ್ಬರು ನಿಯಂತ್ರಿಸುತ್ತಿದ್ದರೆ ಅಲ್ಲಿ ಸ್ವಾತಂತ್ರವಿರುವುದಿಲ್ಲ. ನಿಮ್ಮಸಂಗಾತಿ ನಿಮ್ಮ ಯಾವುದೇ ವಿಷಯದಲ್ಲಿ ಹಸ್ತಕ್ಷೇಪ ಮಾಡುವುದಿಲ್ಲ ಎಂದರೆ ನೀವು ಒಟ್ಟಿಗಿರಬಹುದು.

ದೈಹಿಕ ಆಕರ್ಷಣೆ ಮುಖ್ಯವಾಗಬಾರದು

ದೈಹಿಕ ಆಕರ್ಷಣೆ ಗಂಡು-ಹೆಣ್ಣಿನ ಸಂಬಂಧದಲ್ಲಿ ಪ್ರಧಾನ ಪಾತ್ರ ವಹಿಸುತ್ತದೆ. ಇದು ನೀವು ಒಟ್ಟಿಗಿರುವ ನಿರ್ಧಾರಕ್ಕೆ ಪ್ರಮುಖ ಕಾರಣವಾಗಬಾರದು. ಕಾಮವೆನ್ನುವುದು ಕೆಲವು ದಿನಗಳ ನಂತರ ತನ್ನ ತೀವ್ರತೆಯನ್ನು ಕಳೆದುಕೊಂಡುಬಿಡುತ್ತದೆ. ಆದ್ದರಿಂದ ಈ ಆಕರ್ಷಣೆಯನ್ನು ಮುಖ್ಯವಾಗಿಸಿಕೊಂಡು ಇಂತಹ ನಿರ್ಧಾರಕ್ಕೆ ಬರಬೇಡಿ.

ಪ್ರಣಯದಲ್ಲಿ ಅನ್ಯೋನ್ಯತೆ

ನೀವಿಬ್ಬರೂ ದೈಹಿಕವಾಗಿ ಕೂಡ ಒಂದಾಗಲೂ ಎಲ್ಲ ರೀತಿಯಲ್ಲೂ ಸಿದ್ಧರೆ? ಹಾಗಿದ್ದರೆ ಸಂಬಂಧಕ್ಕೆ ಆ ಹೊಸ ತಿರುವು ನೀಡಲು ನೀವು ಮುಂದಾಗಬಹುದು.

ಉತ್ತಮ ಆರ್ಥಿಕ ಪರಿಸ್ಥಿತಿ

ನೀವು ಆರ್ಥಿಕವಾಗಿ ಸದೃಢರಾಗಿದ್ದರೆ ನಿಮ್ಮ ಸಂಗಾತಿಯೊಡನೆ ಇರಲು ನಿರ್ಧರಿಸಬಹುದು.

ಮೊದಲೇ ನಿರ್ಧರಿಸಿ

ಸಾಮಾನ್ಯವಾಗಿ ಒಟ್ಟಾಗಿರುವಾಗ ಮನೆಯ ಖರ್ಚು ವೆಚ್ಚಗಳನ್ನು ಸಮಾನವಾಗಿ ಹಂಚಿಕೊಳ್ಳಬೇಕೆ ಬೇಡವೇ ಎನ್ನುವುದೇ ಮುಂದೆ ಸಮಸ್ಯೆಯಾಗಿ ಸಂಬಂಧ ಕೊನೆಗಾಣಬಹುದು. ಆದ್ದರಿಂದ ಒಟ್ಟಿಗಿರಲು ಹೋಗುವ ಮುನ್ನವೇ ಈ ವಿಷಯಗಳ ಕುರಿತು ಬಿಚ್ಚು ಮನಸ್ಸಿನಿಂದ ಚರ್ಚಿಸಿ ಮೊದಲೇ ನಿರ್ಧಾರ ಮಾಡಿಕೊಳ್ಳಿ. ಇವುಗಳ ಚರ್ಚೆ ಮತ್ತು ನಿರ್ಧಾರಗಳೇ ನಿಮಗೆ ಮುಂದಿನ ಹಾದಿಯನ್ನು ತೋರುತ್ತದೆ.

ಒಟ್ಟಿಗೆ ಸಮಯ ಕಳೆಯಿರಿ

ಸಾಮಾನ್ಯವಾಗಿ ಜೋಡಿಗಳು ಒಟ್ಟಿಗೆ ಸಮಯ ಕಳೆಯಲು ಸಾಧ್ಯವಾಗುತ್ತಿಲ್ಲ ಎನ್ನುವ ಕಾರಣಕ್ಕೆ ಒಟ್ಟಿಗಿರುವ ನಿರ್ಧಾರ ಮಾಡುತ್ತಾರೆ. ಆದರಿದು ಸಮಸ್ಯೆಗೆ ಪರಿಹಾರವಲ್ಲ. ಆದ್ದರಿಂದ ಮೊದಲೇ ಪರಸ್ಪರರಿಗೆ ನೀಡಬಹುದಾದ ಸಮಯ ಮತ್ತು ಅವಕಾಶದ ಬಗ್ಗೆ ಚಿಂತಿಸಿ ನಿರ್ಧರಿಸಿ.

ಮನೆಗೆಲಸ ಹಂಚಿಕೊಳ್ಳಿ

ನಿಮ್ಮ ಸಂಗಾತಿ ಮನೆಯನ್ನು ಶುಚಿಯಾಗಿಟ್ಟುಕೊಳ್ಳಲು ಮತ್ತು ಅಡುಗೆ ಮಾಡಲು ನೆರವಾಗುತ್ತಿದ್ದಾರೆ ಎಂದರೆ ನೀವು ಅವರೊಡನಿರುವ ನಿರ್ಧಾರ ಮಾಡಬಹುದು.

ಭವಿಷ್ಯದ ಬಗ್ಗೆ ನಿರ್ಧರಿಸಿ

ಇದು ಅತ್ಯಂತ ವ್ಯಕ್ತಿಗತವಾದ ವಿಷಯ. ನೀವಿಬ್ಬರೂ ನಿಮ್ಮ ಸಂಬಂಧದ ಭವಿಷ್ಯದ ರೂಪುರೇಷೆಗಳ ಬಗ್ಗೆ ಸ್ಪಷ್ಟವಾಗಿ ತಿಳಿದಿರಬೇಕು. ನಿಮಗೆ ಈ ಕುರಿತು ಸ್ಪಷ್ಟತೆಯಿದ್ದಲ್ಲಿ ಮುಂದುವರೆಯಿರಿ.