ಹುಡುಗರನ್ನು ಆಕರ್ಷಿಸುವುದು ಹೆಣ್ಣಿನ ಅಂದ ಮಾತ್ರವೇ?

ಸಾಮಾನ್ಯವಾಗಿ ಹೆಚ್ಚಿನ ಹುಡುಗಿಯರಿಗೆ ಒಂದು ಭಾವನೆ ಇರುತ್ತದೆ. ತುಂಬಾ ಮೇಕಪ್ ಮಾಡಿದರೆ ನನ್ನ ಅಂದ ಚೆಂದವನ್ನು ಹುಡುಗರು ಹೊಗಳುತ್ತಾರೆ, ನಾನು ತುಂಬಾ ಆಕಷರ್ಷಕವಾಗಿ ಕಾಣುತ್ತೇನೆ ಎಂದು. ಆದರೆ ಹಿತಮಿತವಾದ ಮೇಕಪ್ ಮಾಡಿದರೆ ಹೆಣ್ಣಿನ ಸೌಂದರ್ಯ ಹೆಚ್ಚುತ್ತದೆ ಅನ್ನುವುದನ್ನು ನಾನೂ ಒಪ್ಪುತ್ತೇನೆ. ಆದರೆ ಓವರ್ ಮೇಕಪ್ ಮಾಡಿದರೆ ಮಾತ್ರ ಹುಡುಗರು ಅಂತಹ ಹುಡುಗಿಯರಿಗೆ 'ಮೇಕಪ್ ರಾಣಿ' ಅಂತ ಪಟ್ಟ ಕಟ್ಟಿ ಅವಳ ಹಿಂದಿನಿಂದ ಅವಳ ಮೇಕಪ್ ಬಗ್ಗೆ ಹೇಳಿಕೊಂಡು ನಗಾಡುವುದನ್ನು ನಾನೂ ಗಮನಿಸಿದ್ದೇನೆ.

ಹುಡುಗರು ತನ್ನ ಹುಡುಗಿ ಅಂದವಾಗಿ ಇರಬೇಕೆಂದು ಅಂದುಕೊಳ್ಳುವುದು ಸಹಜ. ಆದರೆ ನಿಜವಾಗಿಯೂ ಹುಡುಗರನ್ನು ಆಕರ್ಷಿಸುವುದು ಅವಳ ಅಂದವೇ ಎಂದು ಸೂಕ್ಷ್ಮವಾಗಿ ಗಮನಿಸಿದಾಗ ಅವಳ ಅಂದಕ್ಕಿಂತ ಅವಳಲ್ಲಿರುವ ಗುಣ ಅವನನ್ನು ಆಕರ್ಷಿಸುವುದು. ಅಂದ ಅನ್ನುವುದು ಮೊದಲ ನೋಟಕ್ಕೆ ಆಕರ್ಷಿಸುತ್ತದೆ, ಒಬ್ಬ ವ್ಯಕ್ತಿಯನ್ನು ಅರ್ಥ ಮಾಡಿಕೊಳ್ಳುತ್ತಾ ಹೋದ ಹಾಗೆ ಅಂದಕ್ಕಿಂತ ಅವರ ಗುಣಕ್ಕೆ ನಾವು ಹೆಚ್ಚಿನ ಮಹತ್ವ ಕೊಡುತ್ತೇವೆ ಅಲ್ವಾ?

ಅದರಲ್ಲೂ ಹುಡುಗಿಯ ಅಂದಕ್ಕಿಂತ, ಮೇಕಪ್ ಗಿಂತ ಅವಳಲ್ಲಿರುವ ಈ ಕೆಳಗಿನ ಗುಣಗಳು ಹುಡುಗರನ್ನು ಆಕರ್ಷಿಸುವುದು:

ನಗು
ಹೆಣ್ಣಿನ ಸುಂದರವಾದ ನಗುವಿಗೆ ಪ್ರತಿಯೊಬ್ಬ ಗಂಡು ಮನ ಸೋಲುತ್ತಾನೆ. ಆದರೆ ಆ ನಗು ನೈಜ ನಗುವಾಗಿರಬೇಕು, ಕೃತಕ ನಗುವಿನ ವೇಷ ತುಂಬಾ ಕಾಲ ನಡೆಯಲ್ಲ ನೆನಪಿರಲಿ.

ವಿಶಾಲ ಮನೋಭಾವ
ಸಂಶಯ ಮನೋಪ್ರವೃತ್ತಿ, ಚಿಕ್ಕ ಬುದ್ಧಿಯ ಹೆಣ್ಣನ್ನು ಗಂಡು ಯಾವತ್ತೂ ಬಯಸುವುದಿಲ್ಲ. ಯಾವುದೇ ಸಮಸ್ಯೆಯನ್ನು ಧೈರ್ಯವಾಗಿ ಎದುರಿಸುವ ಹೆಣ್ಣಿನ ಕಡೆಗೆ ಗಂಡು ಮೆಚ್ಚುಗೆಯಿಂದ ನೋಡುತ್ತಾನೆ.

ಆತ್ಮವಿಶ್ವಾಸ
ಆತ್ಮವಿಶ್ವಾಸ ಇರುವ ಹೆಣ್ಣು ಬೇಗನೆ ಆಕರ್ಷಿತಳಾಗುತ್ತಾಳೆ. ಆದರೆ ಹೆಚ್ಚಿನ ಹೆಣ್ಣು ಮಕ್ಕಳಲ್ಲಿ ಇದರ ಕೊರತೆ ಕಂಡು ಬರುತ್ತದೆ. ಅದಕ್ಕೆ ಅವರು ಬೆಳೆದು ಬಂದ ಪರಿಸರ ಕೂಡ ಒಂದು ಕಾರಣವಾಗಿರುತ್ತದೆ. ಹೆಣ್ಣು ಆತ್ಮವಿಶ್ವಾಸವನ್ನು ಬೆಳೆಸಿಕೊಳ್ಳಬೇಕು, ಆತ್ಮ ವಿಶ್ವಾಸ ಇಲ್ಲದ ಹೆಣ್ಣಿಗೆ ಜೀವನ ತುಂಬಾ ಕಷ್ಟವಾಗಬಹುದು.

ಪಾಸಿಟಿವ್ attitude
ಯಾವುದೇ ವಿಷಯವನ್ನು ಪಾಸಿಟಿವ್ ಆಗಿ ತಿಳಿದುಕೊಳ್ಳುವ ಹುಡುಗಿಯರಿಗೆ ಹುಡುಗರು ಕ್ಲೀನ್ ಬೋಲ್ಡ್ ಆಗುತ್ತಾರೆ.

ಹಾಸ್ಯ ಪ್ರವೃತ್ತಿ
ಅಳು ಮುಂಜಿಗಿಂತ ಹಾಸ್ಯ ಪ್ರವೃತ್ತಿಯ ಹುಡುಗಿಯರನ್ನು ಕಂಡರೆ ಹುಡುಗರಿಗೆ ಇಷ್ಟ.

ಭಿನ್ನ ವ್ಯಕ್ತಿತ್ವ
ನಾವು ಹುಡುಗರಿಗೆ ಇಷ್ಟವಾಗಲು ಹೀಗೇ ಇರಬೇಕೆಂದು ನಿಮ್ಮಲ್ಲಿ ತಪ್ಪು ಕಲ್ಪನೆ ಬೆಳೆಸಿಕೊಳ್ಳಬೇಡಿ, ನಿಮ್ಮಲ್ಲಿರುವ ಕೆಲ ಭಿನ್ನ ವ್ಯಕ್ತಿತ್ವ ಕೂಡ ಹುಡುಗರನ್ನು ನಿಮ್ಮತ್ತ ಆಕರ್ಷಿಸುತ್ತದೆ. ಆದ್ದರಿಂದ ನೀವು ನೀವಾಗಿಯೇ ಇರಿ, ಕೃತಕ ಮುಸುಕು ಬೇಕಾಗಿಲ್ಲ.