ಈ ಮೋಸ ನಿಮ್ಮ ಅರಿವಿಗೆ ಬಂದಿದೆಯೇ?

ನೀವು ಒಂದು ಒಳ್ಳೆಯ ಸಂಬಂಧವನ್ನು ಸಂಗಾತಿಯೊಂದಿಗೆ ಹೊಂದಿರುತ್ತೀರಿ. ಆದರೆ ಇದ್ದಕ್ಕಿದ್ದಂತೆ ನಿಮಗೆ ಇದರಲ್ಲೇನೋ ದೋಷವಿದೆ ಅಥವಾ ತಪ್ಪಿದೆ ಎಂಬುದು ನಿಮ್ಮ ಅನುಭವಕ್ಕೆ ಬರುತ್ತದೆ. ಫೀಲ್ ಮಾಡುತ್ತೀರಿ. ನೀವು ನಿಮ್ಮ ಪತಿಯ ವರ್ತನೆಯಲ್ಲಿ ಬದಲಾವಣೆಗಳಾಗಿದ್ದನ್ನು ಗಮನಿಸುತ್ತೀರಿ ! ನಿಮಗೆ ಯಾಕೋ ಅವನು ನನ್ನನ್ನು ಮೋಸಗೊಳಿಸುತ್ತಿದ್ದಾನೆ ಎನದು ಅನಿಸಲಾರಂಭಿಸುತ್ತದೆ. ಹೀಗೆ ಅನಿಸಿದರೆ ಅವರ ಹತ್ತಿರ ನೇರವಾಗಿ ಕೇಳಲು ಸಾಧ್ಯವಿಲ್ಲ. ಆದರೆ ಈ ಕೆಳಗಿನ ಉಪಾಯಗಳಿಂದ ಅವರು ನಿಮಗೆ ಮೋಸ ಮಾಡುತ್ತಿದ್ದಾರೆಯೇ? ಇಲ್ಲವೇ ಎಂದು ಕಂಡು ಹಿಡಿಯಬಹುದು:

ಹಂತಗಳು :
1. ನಿಮ್ಮ ಪತಿಯ ವರ್ತನೆ, ನಡವಳಿಗೆಯಲ್ಲಾದ ಬದಲಾವಣೆಗಳನ್ನು ಗಮನಿಸಿ. ಯಾವಾಗಲೂ ನಿಮಗಾಗಿ ಸಮಯವನ್ನು ಮೀಸಲಿಡುತ್ತಿರುವ, ಆಗಾಗ ಉಡುಗೊರೆಗಳನ್ನು ನೀಡುತ್ತಿರುವ ನಿಮ್ಮ ಪತಿ ಇವುಗಳನ್ನು ಕಡಿಮೆ ಮಾಡಿರಬಹುದು. ಇದನ್ನು ಗಮನಿಸಿ.

2. ಐ ಲವ್ ಯು - ಯಾವಾಗಲೂ ಐ ಲವ್ ಯು (ನಾನು ನಿನ್ನನ್ನು ಪ್ರೀತಿಸುತ್ತೇನೆ) ಎಂದು ಹೇಳುವುದನ್ನು ಒಂದೇ ಸಮನೆ ಕಡಿಮೆ ಮಾಡಬಹುದು. ಅಥವಾ ನೀವು ಹೇಳಿದರೂ ಅದಕ್ಕೆ ಉತ್ತರಿಸದೇ ಇರಬಹುದು. ಅಥವಾ ನೀವು ಐ ಲವ್ ಯು ಟೂ ಎನ್ನುವ ಸಾಮಾನ್ಯ ಸಂದೇಶ (ಮೆಸೆಜ್) ವನ್ನಷ್ಟೇ ಅವರಿಂದ ಸ್ವೀಕರಿಸುತ್ತೀರಿ.

3. ತಪ್ಪುಗಳು - ನಿಮ್ಮ ಹೆಸರು ಅಥವಾ ಅವರೇ ಪ್ರೀತಿಯಿಂದ ಇಟ್ಟ ಹೆಸರೊಂದನ್ನು ಕರೆಯಲು ಮರೆಯಬಹುದು. ನಿಮ್ಮ ಹೆಸರನ್ನು ಕರೆಯಲು ಸಾಕಷ್ಟು ಸಾರಿ ನೆನಪಿಸಿಕೊಳ್ಳಬಹುದು. ಅಥವಾ ಕರೆಯುವಾಗ ತಡವರಿಸಬಹುದು. ನಿಮ್ಮ ಇಷ್ಟಗಳನ್ನೂ ಮರೆಯಬಹುದು.

4. ಅವನ/ಅವಳ ಮೊಬೈಲ್ ಗಳನ್ನು ಪರೀಕ್ಷಿಸಿ - ಕೇವಲ ಅವರ್ ಮೊಬೈಲ್ ಗಳಲ್ಲಿರುವ ಕರೆಗಳು ಅಥವಾ ಸಂದೇಶಗಳು ನಿಮ್ಮೆಲ್ಲ ಅನುಮಾನಗಳಿಗೆ ಸರಿಯಾದ ಉತ್ತರ ನೀಡಬಲ್ಲದು. ಆದ್ದರಿಂದ ಒಮ್ಮೆ ಅದನ್ನು ಪರೀಕ್ಷಿಸಿ.

5. ದಿನ ನಿತ್ಯದ ಕಾರ್ಯ ಚಟುವಟಿಕೆಗಳನ್ನು ಗಮನಿಸಿ - ದಿನವೂ ಮಾಡುತ್ತಿರುವ ಅವರ ಕೆಲಸಗಳಲ್ಲಿ ಏನು ಬದಲಾವಣೆಯಾಗಿದೆ ಎಂಬುದನ್ನು ಮೊದಲು ಪರೀಕ್ಷಿಸಿ. ಏನು ಮಾಡುತ್ತಿದ್ದಾನೆ/ಳೆ, ಮುಂದೇನು ಮಾಡುತ್ತಾನೆ/ಳೆ ಎನ್ನುವುದನ್ನು ಸರಿಯಾಗಿ ನೋಡುತ್ತೀರಿ.

6. ಹಿಂಬಾಲಿಸಿ - ಅವರಿಗೆ ತಿಳಿಯದ ಹಾಗೆ ಅವರು ಹೊರಗೆ ಹೊರಟಾಗ ಅವರನ್ನು ಹಿಂಬಾಲಿಸಿ. ಆಗ ಅವರು ಎಲ್ಲೆಲ್ಲಿ ಹೋಗುತ್ತಾರೆಂಬುದು ನಿಮಗೆ ಸ್ಪಷ್ಟವಾಗುತ್ತದೆ.

7. ಸ್ನೇಹಿತರು - ಅವರ ಸ್ನೇಹಿತರೊಂದಿಗೆ ಅವರ ಬಗ್ಗೆ ಮಾತನಾಡಿ, ಹಾಗೆಯೇ ನಿಮ್ಮ ಸ್ನೇಹಿತರನ್ನೂ ಈ ವಿಷಯದಲ್ಲಿ ಅಳವಡಿಸಿ.

ಟಿಪ್ಸ್ :
ಯಾವುದೇ ಕೆಲಸವನ್ನು (ಪರೀಕ್ಷಿಸುವ) ಹರಿಬರಿಯಲ್ಲಿ ಮಾಡಬೇಡಿ ಇದರಿಂದ ಅನಾಹುತಗಳಾಗಬಹುದು.
ನಿಮ್ಮ ಪತಿ/ ಪತ್ನಿ ನಿಮ್ಮನ್ನು ಮೋಸಗೊಳಿಸಿದ್ದು ತಿಳಿದು ಬಂದರೆ ಬೇಜಾರಾಗಬೇಡಿ. ಅವರಿಗೆ ಬುದ್ಧಿ ಹೇಳಿ ಸರಿ ದಾರಿಗೆ ತರಲು ಸಾಧ್ಯವೇ ಎಂದು ಪ್ರಯತ್ನಿಸಿ.
ನೀವು ಏನೆ ಮಾಡಿದರೂ ಏಗರಾಡದೆ ಶಾಂತವಾಗಿ ಮಾಡಿ.
ನಿಮ್ಮ ಸ್ನೇಹಿತರಿಂದ ಸಲಹೆ ಹಾಗೂ ಸಹಾಯಗಳನ್ನು ಪಡೆಯಿರಿ.

ಸೂಚನೆಗಳು :
ನೀವು ನಿಮ್ಮ ಸಂಗಾತಿಯನ್ನು ಹಿಂಬಾಲಿಸುತ್ತಿರುವ ವಿಷಯ ಯಾವುದೇ ಕಾರಣಕ್ಕೂ ಅವರಿಗೆ ಗೊತ್ತಾಗದ ಹಾಗೆ ನೋಡಿಕೊಳ್ಳಿ. ಇಲ್ಲವಾದರೆ ನಿಮ್ಮ ಸಂಬಂಧಗಳಲ್ಲಿ ಬಿರುಕು ಮೂಡಬಹುದು.
ನೇಹಿತರಿಂದ ಈ ವಿಷಯಕ್ಕೆ ಸಂಬಂಧ ಪಟ್ಟಂತೆ ಸಹಾಯವನ್ನು ತೆಗೆದುಕೊಳ್ಳಿ. ಆದರೆ ಆ ಸ್ಬೇಹಿತರು ನಿಮ್ಮಗೆ ನಂಬಿಕಸ್ಥರಾಗಿರಲಿ. ಅವರಿಂದಲೇ ನಿಮ್ಮ ಸಂಬಂಧಗಳು ಮತ್ತಷ್ಟು ಹಾಳಾಗುವುದು ಬೇಡ.
ಒಟ್ಟಿನಲ್ಲಿ ನಿಮ್ಮ ಸಂಗಾತಿ ನಿಮ್ಮನ್ನು ಮೋಸಗೊಳಿಸಿದರೆ ಅದನ್ನು ನೀವೆ ಖಚಿತ ಪಡಿಸಿಕೊಂಡು ಸರಿಪಡಿಸಿಕೊಳ್ಳಿ. ಇಲ್ಲವಾದರೆ ಚೆನ್ನಾಗಿ ನಡೆಯಬೇಕಾಸ ಸಂಸಾರ ಸೂತ್ರ ಹರಿದ ಗಾಳಿಪಟ ದಂತಾಗಬಹುದು.