ಮೋಸ ಮಾಡುವ ಸಂಗಾತಿ ಜೊತೆ ವ್ಯವಹರಿಸುವುದು ಹೇಗೆ?

Relationship

oi-Reena

By Hema S

Published: Thursday, December 27, 2012, 9:22 [IST]

ಮೋಸ ಮಾಡುವ ಬಾಯ್ ಫ್ರೆಂಡ್ ಅಥವಾ ಗರ್ಲ್ ಫ್ರೆಂಡ್, ಗಂಡ ಅಥವಾ ಹೆಂಡತಿ ಜೊತೆ ವ್ಯವಹರಿಸುವುದು ಯಾರೊಬ್ಬರಿಗೂ ಸುಲಭವಲ್ಲ. ನಂಗಂತೂ ಸಾಧ್ಯವಿಲ್ಲ. ಬಹಳಷ್ಟು ಮಂದಿ ಮೋಸ ಮಾಡುವುದನ್ನು ತಮ್ಮ ಮಾಜಿ ಬಾಯ್ ಫ್ರೆಂಡ್ ಅಥವಾ ಗರ್ಲ್ ಫ್ರೆಂಡ್ ಜೊತೆಗೆ ಕಲಿತುಬಿಟ್ಟಿರುತ್ತಾರೆ. ಅಪರಿಚಿತರೊಂದಿಗೆ ಮಾಡುವ ಮೋಸಕ್ಕಿಂತಲೂ ನಿಭಾಯಿಸಲು ಇದು ಹೆಚ್ಚು ಕಷ್ಟ. ಪುನಃ ತಿರುಗಿ ಅವರು ತಮ್ಮ ಮಾಜಿ ಪ್ರಿಯಕರರೊಟ್ಟಿಗೆ ಹೋಗುವುದನ್ನು ನೋಡಿದರೆ ಅವರ ಮೇಲೆಷ್ಟು ನಿಜವಾದ ಪ್ರೀತಿ ಹೊಂದಿದ್ದಾರೆ ಎಂಬುದು ಗಮನಕ್ಕೆ ಬರುತ್ತದೆ.

ಹಂತಗಳು:

1. ಸಾಧ್ಯತೆಗಳನ್ನು ಸ್ವೀಕರಿಸಿ. ನಿಮ್ಮ ಸಂಗಾತಿ ನಿಜವಾಗಿಯೂ ಮೋಸ ಮಾಡುತ್ತಿದ್ದಾರಾ ಅಥವಾ ಇದು ಕೇವಲ ನಿಮ್ಮ ಭ್ರಮೆಯಾ ಎಂಬುದನ್ನು ಖಾತರಿಪಡಿಸಿಕೊಳ್ಳಿ. ನಿಮಗೆ ನೀವು ಮೋಸ ಹೋಗುತ್ತಿದ್ದೀರಿ ಎಂಬುದು ತಡವಾಗಿ ಅರಿವಿಗೆ ಬಂದರೆ ಮುಂದೇನು ಮಾಡಬೇಕೆಂದು ತಾಳ್ಮೆಯಿಂದ ಯೋಚಿಸಿ(ದುಡುಕಿ ಪ್ರಯೋಜನವಿಲ್ಲ).

2. ಅನುಮಾನಾಸ್ಪದ ನಡವಳಿಕೆಗಳನ್ನು ಗಮನಿಸಿ. ತಮ್ಮ ಫೋನ್ ಅನ್ನು ನಿಮ್ಮಿಂದ ಮುಚ್ಚಿಡುವ ಪ್ರಯತ್ನ ಮಾಡಬಹುದು ಅಥವಾ ನೀವು ಖಾಸಗಿ ಪ್ರಶ್ನೆ ಕೇಳದಂತೆ ಮುನ್ನೆಚ್ಚರಿಕೆ ವಹಿಸಿ - ಮುಖ್ಯವಾದದ್ದು ಏನೂ ಇಲ್ಲ ಅನ್ನುವ ರೀತಿಯಲ್ಲಿ ಮಾತನಾಡುವುದನ್ನು ನೀವು ಗಮನಿಸಬಹುದು.

3. ನಿಮ್ಮ ಸಂಗಾತಿ ಅತಿಯಾದ ಚಿಂತೆಯಿಂದ ಬಳಲುತ್ತ ಹಲುಬುತ್ತಿದ್ದರೆ ಎಚ್ಚರಿಕೆ ತೆಗೆದುಕೊಳ್ಳಿ. ಅದರಲ್ಲೂ ಮುಖ್ಯವಾಗಿ ಮುಂಚಿನಂತೆ ನಿಮ್ಮ ಕಾಳಜಿ ವಹಿಸುತ್ತಿಲ್ಲವೆಂದರೆ ಹೆಚ್ಚು ಜಾಗ್ರತರಾಗಿ. ನಿಮ್ಮ ಬಳಿಯಲ್ಲಿ ಅತಿ ಹೆಚ್ಚೆಚ್ಚು ಸಲಿಗೆಯಿರುವಂತೆ ಪ್ರಯತ್ನಿಸಿದರೆ ಅಥವಾ ನಿಮ್ಮ ಪಾಲಿಗೆ ಕೇವಲ ಒಳ್ಳೆಯವರಂತೆ ನಡೆದುಕೊಂಡರೆ ಎಚ್ಚರವಿರಲಿ. ಇದು ಅವರ ಅಪರಾಧಿ ಪ್ರಜ್ನೆಯ ಪರಿಣಾಮವಾಗಿರುತ್ತದೆ. ಒಪ್ಪಿತವಲ್ಲದ ನಡವಳಿಕೆಯನ್ನು ಸರಿಮಾಡಿಕೊಳ್ಳಲು ಅವರ ಈ ರೀತಿ ವರ್ತಿಸುತ್ತಾರೆ. ಅವರ ಬದುಕಿನ ಬಗ್ಗೆ ಪ್ರಶ್ನೆ ಕೇಳುವುದು ಅವರಿಗೂ ಇಷ್ಟವಿರುವುದಿಲ್ಲ. ತಮ್ಮ ಬದುಕಿನ ಬಗ್ಗೆ ರಹಸ್ಯ ಕಾಪಾಡಿಕೊಳ್ಳಲು ಪ್ರಯತ್ನಿಸುತ್ತಾರೆ. ನಿಮ್ಮೊಂದಿಗೆ ಒಳ್ಳೆಯವರಾಗಿದ್ದಷ್ಟು ನಿಮ್ಮ ಮನಸ್ಸನ್ನು ಸೈಂತಸಿ, ಅವರ ಅಕ್ರಮ ಭಾವನೆಗಳನ್ನು ನೀವು ಗಮನಿಸುವುದಿಲ್ಲ ಎಂದು ಭಾವಿಸುತ್ತಾರೆ.

4. ನಿಮ್ಮ ಸಂಗಾತಿಯಿಂದ ನೀವು ಹೆಚ್ಚಿನ ಮಾಹಿತಿ ತಿಳಿದುಕೊಳ್ಳಲು ಕುತೂಹಲಭರಿತರಾಗಿದ್ದರೆ ಅವರ ಮೊಬೈಲ್ ಫೋನ್ ಅಕೌಂಟಿನ ಆನ್ ಲೈನ್ ಈಮೇಲ್ ಪಡೆದುಕೊಂಡು ಪರಿಶೀಲಿಸಬಹುದು. ನಂತರ ಅವರಿಗೆ ಪ್ರಶ್ನಿಸಿ ಸುಳ್ಳು ಹೇಳುತ್ತಿದ್ದಾರಾ ಇಲ್ಲವಾ ಎಂಬುದನ್ನು ಖಾತರಿಪಡಿಸಿಕೊಳ್ಳಿ. ಒಂದಂತೂ ಸತ್ಯ: ಯಾವುದೇ ಒಂದು ವಿಷಯದ ಬಗ್ಗೆ ಸುಳ್ಳು ಹೇಳುವವರು ಉಳಿದ ವಿಷಯಗಳಲ್ಲೂ ಸುಲಭವಾಗಿ ಸುಳ್ಳು ಹೇಳಬಲ್ಲರು.

ಸಲಹೆಗಳು:

ನಿಮ್ಮ ಸಂಗಾತಿಯ ಮೊಬೈಲ್ ಪಡೆದುಕೊಂಡು ಕೆಲವೇ ನಿಮಿಷಗಳಲ್ಲಿ ನಿಮಗೆ ಅಪರಿಚಿತವೆನಿಸುವ ಒಂದು ಅಥವಾ ಎರಡು ನಂಬರ್ ಗಳನ್ನು ತೆಗೆದುಕೊಂಡು ಬೇರೆ ಮೊಬೈಲ್ ನಂಬರಿನಿಂದ ಕಾಲ್ ಮಾಡಿ ಯಾರು ಉತ್ತರಿಸುತ್ತಾರೆ ಎಂಬುದನ್ನು ನೋಡಬಹುದು. ಅಥವಾ ಇದಕ್ಕಿಂತ ಮಿಗಿಲಾಗಿ ಯಾವ ನಂಬರ್ ಗೆ ಹೆಸರು ಸೇರಿಸಲ್ಪಟ್ಟಿಲ್ಲವೋ ಕೇವಲ ನಂಬರ್ ಮಾತ್ರ ಇದೆಯೋ ಅಂಥದ್ದನ್ನೂ ಗಮನಿಸಬಹುದು.

ಎಚ್ಚರಿಕೆಗಳು:

ಹೊಟ್ಟೆಕಿಚ್ಚಿನ ವರ್ತನೆ ತೋರಿಸಬೇಡಿ. ನೀವು ಅವರ ನಡವಳಿಕೆಯ ಬಗ್ಗೆ ಮಾಹಿತಿ ಕಲೆ ಹಾಕುತ್ತಿದ್ದೀರಿ ಎಂಬುದು ಅವರ ಗಮನಕ್ಕೆ ಬರುವುದು ಬೇಡ. ಅಸಹಜ ವರ್ತನೆಗೆ ಎಡೆಮಾಡಿಕೊಡಬೇಡಿ.

ಮೊದಮೊದಲು ಉಚಿತವಾದ ನೈಜ ಪ್ರಶ್ನೆಗಳನ್ನೇ ಕೇಳಿ.

ಸಂಗಾತಿಯೊಂದಿಗೆ ಮಾತನಾಡುವಾಗ ಹೆಚ್ಚು ಕುತೂಹಲ ತೋರಿಸುವುದು ಬೇಡ. ಇದರಿಂದ ನೀವೇ ಅವರ ದಾರಿ ತಪ್ಪಿಸಿದಂತಾಗಬಹುದು.