ದಂಪತಿಗಳ ನಡುವೆ ವಯಸ್ಸಿನ ಅಂತರ ಎಷ್ಟಿರಬೇಕು?

ಮದುವೆ ಅನ್ನುವುದು ಜೀವನದಲ್ಲಿ ಮುಖ್ಯವಾದ ಘಟ್ಟ. ಸ್ವಲ್ಪ ಎಡವಿದರೂ ಜೀವನ ಸಾಗಿಸುವುದು ಕಷ್ಟ. ಅದನ್ನರಿತ ಹಿರಿಯರು ಮನೆತನ, ಜಾತಕ ಎಲ್ಲಾ ನೋಡಿ ಮದುವೆ ನೋಡಿ ಕೊಡುತ್ತಾರೆ. ಆದರೆ ಎಷ್ಟೋ ಮದುವೆಗಳಲ್ಲಿ ಹುಡುಗನ ವಯಸ್ಸನ್ನು ಅಷ್ಟು ಗಂಭೀರವಾಗಿ ಪರಿಗಣಿಸುವುದೇ ಇಲ್ಲ.

ಹುಡುಗ ಅನುಕೂಲಸ್ಥನಾಗಿದ್ದರೆ 18 ಹರೆಯದ ಹುಡುಗಿಯನ್ನು 30 ವರ್ಷದ ಹುಡುಗನಿಗೆ ಮದುವೆ ಮಾಡಿ ಕೊಡಲು ಹಿಂದೆ- ಮುಂದೆ ನೋಡುವುದಿಲ್ಲ, ಹುಡುಗಿಯನ್ನು ಕೊಟ್ಟು ಮದುವೆ ಮಾಡಿ ತಮ್ಮ ಜವಬ್ದಾರಿ ಕಳೆಯಿತು ಎಂದು ಹಿರಿಯರು ಯೋಚಿಸುತ್ತಾರೆ. ಹೀಗೆ ವಯಸ್ಸಿನಲ್ಲಿ ತುಂಬಾ ಅಂತರವಿದ್ದರೆ ಅವರಿಬ್ಬರು ಮುಂದೆ ಪರಸ್ಪರ ಅರ್ಥ ಮಾಡಿಕಂಡು ಹೊಂದಾಣಿಕೆಯಿಂದ ಬಾಳುತ್ತಾರೆಯೇ ಎಂದು ಯಾರೂ ಯೋಚಿಸುವುದಿಲ್ಲ.

ಹೀಗೆ ವಯಸ್ಸಿನಲ್ಲಿ ತುಂಬಾ ಅಂತರವಿದ್ದರೆ ಆ ದಂಪತಿಗಳ ಆಲೋಚನೆಯಲ್ಲಿ ಸಾಕಷ್ಟು ವ್ಯತ್ಯಾಸವಿರುತ್ತದೆ, ಇದರಿಂದಾಗಿ ಒಬ್ಬರಿಗೊಬ್ಬರನ್ನು ಅರ್ಥೈಸಿಕೊಳ್ಳಲು ಕಷ್ಟವಾಗುತ್ತದೆ. ಮಿಸ್ ಅಂಡರ್ ಸ್ಟ್ಯಾಂಡಿಂಗ್ ಅಧಿಕವಾಗಿ ಅಪನಂಬಿಕೆ ಶುರುವಾಗುತ್ತದೆ, ಸಂಸಾರ ಅನ್ನುವುದು ಸಮಸ್ಯೆಗಳ ಗೂಡಾಗುತ್ತದೆ.

ಈ ರೀತಿ ಉಂಟಾಗಲು ಕಾರಣ ಇಷ್ಟೆ. ಹದಿನೆಂಟರ ಹರೆಯದ ಹೆಣ್ಣಿಗೆ ಹುಡುಗು ಬುದ್ಧಿ ಹೋಗಿರುವುದಲ್ಲ, ಆದರೆ ಹುಡುಗನಿಗೆ ಆ ವಯಸ್ಸು ಕಳೆದ ಕಾರಣ ಯಾವುದೇ ವಿಷಯವನ್ನು ಗಂಭೀರವಾಗಿ ತೆಗೆದುಕೊಳ್ಳುವವನು ಆಗಿರುತ್ತಾನೆ. ಉದಾಹರಣೆಗೆ ಚಿಕ್ಕ ಪ್ರಾಯದಲ್ಲಿ ಚಂದಮಾಮ ಓದಲು ಇಷ್ಟವಾಗುತ್ತಿತ್ತು, ಆದರೆ ದೊಡ್ಡವರು ಆದ ಮೇಲೆ ಅದನ್ನು ಓದಲು ಬೋರಾಗುತ್ತದೆ. ಅದೇ ರೀತಿ ಈ ದಂಪತಿಗಳಲ್ಲಿಯೂ ಆಲೋಚನೆಗಳಲ್ಲಿ ವ್ಯತ್ಯಾಸ ಉಂಟಾಗಿ ಸಮಸ್ಯೆಗಳು ಕಂಡು ಬರಬಹುದು.

ಇನ್ನು ಪ್ರೀತಿ-ಪ್ರೇಮ ಅಂತ ಹೇಳಿ 25ರ ಯುವಕ 35ರ ಆಂಟಿಯನ್ನು ಮದುವೆಯಾದರೂ ಮದುವೆಯಾದ ಸ್ವಲ್ಪ ದಿನಗಳಲ್ಲಿ ಸಮಸ್ಯೆ ಕಂಡು ಬರುತ್ತದೆ. ಅವನು ಇತರ ಹುಡುಗಿಯ ಕಡೆಗೆ ಆಕರ್ಷಿತನಾಗಬಹುದು,

ಆದ್ದರಿಂದ ಮದುವೆಯಾಗುವಾಗ ಜಾತಕದಷ್ಟೇ ಹುಡುಗ-ಹುಡುಗಿಯ ವಯಸ್ಸಿನ ಕಡೆಗೆ ಗಮನ ಕೊಡುವುದು ಒಳ್ಳೆಯದು. ಹುಡುಗ-ಹುಡುಗಿಯ ನಡುವೆ 5-7 ವರ್ಷಗಳ ಅಂತರವಿದ್ದರೆ ಮದುವೆ ಮಾಡಿ ಕೊಡಬಹುದು, ಅದಕ್ಕಿಂತ ಜಾಸ್ತಿ ಇದ್ದರೆ ಈ ಮದುವೆ ಬೇಕೆ, ಬೇಡ್ವೆ? ಎಂದು ಯೋಚಿಸಿ.