ಹೆಣ್ಣೇ ನಿನ್ನ ಮನಸ್ಸು ನಾನು ಬಲ್ಲೇ ಎಂದು ಮುಠ್ಠಾಳರಾಗದಿರಿ!

Relationship

oi-Reena

By Hema S

Updated: Thursday, October 4, 2012, 12:28 [IST]

ಹೆಣ್ಣಿನ ಮನಸ್ಸನ್ನು ಅರ್ಥೈಸಿಕೊಳ್ಳುವುದು ಸುಲಭವೆಂದು ಪುರುಷನೊಬ್ಬ ಭಾವಿಸಿದರೆ ಅವನಷ್ಟು ಮುಠ್ಠಾಳರು ಬೇರೆ ಯಾರೂ ಇರಲ್ಲ! ಹೆಣ್ಣಿನ ಮನಸ್ಸು ಮತ್ತು ಮೀನಿನ ಹೆಜ್ಜೆಯನ್ನು ಅರಿಯಲು ಸಾಧ್ಯವಿಲ್ಲ ಎಂದು ಹೇಳುವುದನ್ನು ಕೇಳಿರಬಹುದು.

ಹೌದು, 25-30 ವರ್ಷ ಜೊತೆಯಲ್ಲಿಯೇ ಸಂಸಾರ ಮಾಡಿದರೂ ಗಂಡನಿಗೆ ತನ್ನ ಹೆಂಡತಿಯ ಬಗ್ಗೆ ಧೈರ್ಯವಾಗಿ ಅವಳನ್ನು ಸಂಪೂರ್ಣ ಅರ್ಥ ಮಾಡಿಕೊಂಡಿದ್ದೇನೆ ಎಂದು ಸಂಪೂರ್ಣವಾಗಿ ಹೇಳಲು ಸಾಧ್ಯವಾಗುವುದಿಲ್ಲ. ಏಕೆಂದರೆ ಯಾವ ಸಂದರ್ಭದಲ್ಲಿ ಅವಳು ಏನು ಯೋಚಿಸುತ್ತಿದ್ದಾಳೆ ಎಂದು ಊಹಿಸುವುದು ಕಷ್ಟದ ವಿಷಯವೇ.

ಅದರಲ್ಲೂ ಹೆಣ್ಣು ಮಕ್ಕಳು ಈ ಕೆಳಗಿನ ಮಾತುಗಳನ್ನು ಹೇಳಿದರಂತೂ ಅದರ ಹಿಂದೆ ಬೇರೆಯದೇ ಅರ್ಥ ಇರುತ್ತದೆ. ಆದ್ದರಿಂದ ಆ ಮಾತುಗಳನ್ನು ನಿಜವೆಂದು ನಂಬಿ ಬಿಟ್ಟಿರಾ ಜೋಕೆ!

ಏನಾಯಿತು ಎಂದು ಕೇಳಿದಾಗ ಏನಿಲ್ಲ ಎಂಬ ಉತ್ತರ: ಮನೆಯಲ್ಲಿ ಅಮ್ಮ , ಸಹೋದರಿ ಅಥವಾ ಬಳಸಂಗಾತಿ ಅಥವಾ ನಿಮ್ಮ ಸ್ನೇಹಿತೆ ಹೀಗೆ ಯಾರೇ ಆಗಿರಲಿ ಅವರು ಏನೋ ಯೋಚಿಸುತ್ತಿರುವಾಗ ಅಥವಾ ಬೇಜಾರಿನಲ್ಲಿದ್ದಾಗ "ಏನಾಯಿತು?" ಎಂದು ಕೇಳಿದರೆ ತಕ್ಷಣ ಬರುವ ಎತ್ತರ "ಏನಿಲ್ಲ". ಆದರೆ ಅವರು ಹಾಗೇ ಹೇಳಿದರೆ ಖಂಡಿತ ಅದರ ಹಿಂದೆ ಏನೋ ಇರುತ್ತದೆ. ಆಗ ಸ್ವಲ್ಪ ಹೆಚ್ಚಿನ ಕಾಳಜಿ ವಹಿಸಿ ಕೇಳಿದರೆ ಹೇಳುತ್ತಾರೆ, ಕೆಲವರಿಗೆ ಆ ಸಮಯದಲ್ಲಿ ನಿಮ್ಮ ಹತ್ತಿರ ಹೇಳಬೇಕೆಂದು ಅನಿಸದಿದ್ದರೆ ಹೇಳಲ್ಲ.

ನನಗೆ ನಿನ್ನ ಕುಟುಂಬದವರನ್ನು ಕಂಡರೆ ತುಂಬಾ ಇಷ್ಟ: ಮದುವೆಯಾಗಿ ಬರುವಾಗ ಗಂಡನನ್ನು ಇಂಪ್ರೆಸ್ ಮಾಡಲು ಹೆಣ್ಣು ಮಕ್ಕಳು ಈ ಮಾತನ್ನು ಹೇಳುವುದು ಸಾಮಾನ್ಯ. ನಿಜವಾಗಲೂ ನಿಮ್ಮ ಕುಟುಂಬದವರು ಅವಳಿಗೆ ಇಷ್ಟವಾಗಿದೆಯೇ ಎಂದು ತಿಳಿಯುವುದು ಸಂದರ್ಭ ಬಂದಾಗ ಮಾತ್ರ.

ನೀವು ತುಂಬಾ ಪರಫೆಕ್ಟ್: ಅವರು ಹಾಗೇ ಹೊಗಳಿದ ತಕ್ಷಣ ನಿಮ್ಮ ಬಗೆ ಹೆಮ್ಮೆ ಪಟ್ಟುಕೊಳ್ಳಬೇಡಿ. ಅವರು ಹಾಗೇ ಅಂದರೆ ನಿಮ್ಮಿಂದ ಏನೋ ಬದಲಾವಣೆ ಬಯಸುತ್ತಿದ್ದಾರೆ ಎಂದು ಅರ್ಥ.

ಐ ಹೇಟ್ ಯೂ, ನಿನ್ನ ಇಷ್ಟವಿಲ್ಲ: ನಿಮ್ಮ ಪ್ರಿಯತಮೆ ಈ ಮಾತನ್ನು ಯಾವ ಸಂದರ್ಭದಲ್ಲಿ ಹೇಳುತ್ತಾಲೆ ಅನ್ನುವುದು ಮುಖ್ಯ. ಚಿಕ್ಕ-ಪುಟ್ಟ ಜಗಳ ಬಂದಾಗ ಅವಳು ಐ ಹೇಟ್ ಯೂ ಅಂದರೆಮತ್ತಷ್ಟು ಕೋಪಗೊಳ್ಳದೆ ಸುಮ್ಮನಾಗಿ, ಏಕೆಂದರೆ ಅವಳು ಹಾಗೇ ಹೇಳಿದರೆ ನಿಮ್ಮನ್ನು ತುಂಬಾ ಇಷ್ಟಪಡುತ್ತಿದ್ದಾಳೆ ಎಂದು ಅರ್ಥ.

ಪರ್ವಾಗಿಲ್ಲ: ಜಗಳಾದಾಗ ಅಥವಾ ತಪ್ಪು ಮಾಡಿದಾಗ ನೀವು ಸಾರಿ ಕೇಳಿದರೆ ಅವಳು "ಪರ್ವಾಗಿಲ್ಲ,ಇಟ್ಸ್ ಓಕೆ" ಅಂದರೆ ಇಟ್ಸ್ ನಾಟ್ ಓಕೆ ಎಂದು ಅರ್ಥ. ಆ ಸಮಯದಲ್ಲಿ ಅವಳನ್ನು ತುಂಬಾ ಸಮಾಧಾನ ಮಾಡಿದರೆ ಮಾತ್ರ ಸಾಮಾನ್ಯ ಮನಸ್ಥಿತಿಗೆ ಬರುತ್ತಾಳೆ.

ನನನಗೆ ಬೇಡ: ಹೊರಗಡೆ ಹೋಗಿರ್ತೀರಾ? ಅವಳು ಏನಾದರು ವಸ್ತುವನ್ನು ನೋಡಿ ಚೆನ್ನಾಗಿದೆಯೆಲ್ಲಾ? ಎಂದು ಕೇಳುತ್ತಾಳೆ. "ನಿನಗೆ ಅದು ಇಷ್ಟವಾಯಿತಾ?" ಎಂದು ಕೇಳಿದರೆ "ನನಗೆ ಅದು ಬೇಡ ಬಿಡು" ಎಂದು ಹೇಳುತ್ತಾಳೆ. ಅವಳು ಹಾಗೇ ಹೇಳಿದಳು ಅಂತ ನೀವು ಸುಮ್ಮನೆ ಬಂದು ಬಿಟ್ಟರೆ ತುಂಬಾ ಬೇಜಾರು ಪಟ್ಟುಕೊಳ್ಳುತ್ತಾಳೆ.

ಹೆಣ್ಣನ್ನು ಅರ್ಥೈಸಿಕೊಳ್ಳುವುದು ಕಷ್ಟ, ಅವಳಿಲ್ಲದೆ ಬಾಳುವುದು ಕಷ್ಟ ಓ...ದೇವರೆ ನಮಗ್ಯಾಕೆ ಈ ಕಷ್ಟ ಎಂದು ಎಷ್ಟೋ ಬಾರಿ ಅಂದುಕೊಂಡಿರುತ್ತೀರಿ ಅಲ್ಲವೇ?