ಈ ರೀತಿಯ ಪ್ರೇಮಿಯಲ್ಲಿ ನೆಮ್ಮದಿ ಕಾಣುವಿರಾ?

Relationship

oi-Reena

By Hema S

Updated: Tuesday, October 16, 2012, 17:34 [IST]

ಪ್ರೀತಿಯಲ್ಲಿ ಬೀಳುವಾಗ ಒಳ್ಳೆಯವರಾ, ಕೆಟ್ಟವರಾ ಎಂದು ಯೋಚಿಸುವವರು ಕಡಿಮೆ. ಕಣ್ಣು ಮುಚ್ಚಿ ಪ್ರೀತಿಯ ಹೊಂಡದಲ್ಲಿ ಬಿದ್ದು ಇಡುತ್ತರೆ. ನಂತರ ತಪ್ಪು ಮಾಡಿ ಬಿಟ್ಟೆ ಎಂದು ಕೊರಗಿ ಬಿಡುತ್ತಾರೆ. ಪ್ರೀತಿಸುವಾಗ ಪ್ರೀಸಿದ ವ್ಯಕ್ತಿಯ ಗುಣ ತಿಳಿಯದಿದ್ದರೂ ನಂತರ ನಿಧಾನಕ್ಕೆ ತಿಳಿಯಲಾರಂಭಿಸುತ್ತದೆ. ಆ ಸಂದರ್ಭದಲ್ಲಿ ಎಚ್ಚೆತ್ತುಕೊಂಡರೆ ಮುಂದಿನ ಜೀವನ ಸುಖವಾಗಿ ಇರುತ್ತದೆ.

ಅದರಲ್ಲೂ ಈ ಕೆಳಗಿನ ಲಕ್ಷಣಗಳು ನಿಮ್ಮ ಸಂಬಂಧದಲ್ಲಿ ಕಂಡು ಬಂದರೆ ಅಂತಹ ಸಂಬಂಧದಲ್ಲಿ ನೆಮ್ಮದಿಯೆಂಬುದು ಎಂಬುದು ಸಿಗುವುದಿಲ್ಲ. ನೀವು ಪ್ರೀತಿಸುತ್ತಿರುವ ವ್ಯಕ್ತಿಯಲ್ಲಿ ಈ ಕೆಳಗಿನ ಲಕ್ಷಣಗಳು ಕಂಡು ಬಂದರೆ ಅವರ ಜೊತೆ ಸಂಬಂಧವನ್ನು ಮುಂದುವರೆಸಬೇಕೆ? ಬೇಡ್ವೆ? ಎಂದು ಯೋಚಿಸುವುದು ಒಳ್ಳೆಯದು.

ಸ್ವಾರ್ಥ: ನೀವು ಪ್ರೀತಿಸುತ್ತಿರುವ ವ್ಯಕ್ತಿ ತುಂಬಾ ಸ್ವಾರ್ಥ ಸ್ವಭಾವದವರೆಂದು ಗೊತ್ತಾದರೆ ಒಂದೋ ಆ ಸ್ವಭಾವನ್ನು ತಿದ್ದಿಕೊಳ್ಳಲು ಹೇಳಿ. ಇಲ್ಲದಿದ್ದರೆ ನಿಮಗೆ ನೆಮ್ಮದಿಯ ಜೀವನ ಅವರಿಂದ ಸಿಗಲು ಸಾಧ್ಯವೇ ಎಂದು ಯೋಚಿಸಿ.

ದಬ್ಬಾಳಿಕೆ: ಪ್ರತಿಯೊಂದು ವಿಷಯದಲ್ಲಿ ಅವರು ಹೇಳಿದಂತೆ ನಡೆದುಖೊಳ್ಳಬೇಕು. ಅವರ ಮಾತೇ ಕೊನೆ, ಅದರ ಬಗ್ಗೆ ನಿಮ್ಮ ಅಭಿಪ್ರಾಯ ಹೇಳಬಾರದು ಈ ರೀತಿ ಇದ್ದರೆ ಅಂತಹವರ ಹತ್ತಿರ ನಿಮ್ಮ ಭಾವನೆಗಳಿಗೂ ಬೆಲೆ ಇರುವುದಿಲ್ಲ, ಸ್ವತಂತ್ರ ಎಂಬುವುದು ಇಲ್ಲದಾಗುತ್ತದೆ.

ನಿಮಗೆ ಬೆಲೆ ಕೊಡದಿರುವುದು: ನಿಮ್ಮ ಭಾವನೆಗಳಿಗೆ ಬೆಲೆ ಕೊಡದಿರುವುದು, ಅವರು ಮೇಲು, ನೀವು ಕೀಳು ನಿಮಗೆ ಏನೂ ಗೊತ್ತಿಲ್ಲ ಎಂಬಂತೆ ವರ್ತಿಸುವುದು ಈ ರೀತಿಯ ಗುಣ ಇರುವವರ ಜೊತೆ ಬಾಳುವುದು ಕಷ್ಟ.

ಹಿಂಸೆ ಕೊಡುವುದು: ಮಾನಸಿಕ ಹಾಗೂ ದೈಹಿಕ ಹಿಂಸೆ ಕೊಡುವ ಬುದ್ಧಿ ಇದ್ದರೆ ಅವರ ಜೊತೆ ಬಾಳುವುದು ತುಂಬಾ ಕಷ್ಟ. ಸಂಶಯ, ನಿಮಗೆ ತುಂಬಾ ನಿರ್ಬಂಧನೆಗಳು ಈ ರೀತಿ ಇದ್ದರೆ ಜೀವನ ನರಕವಾಗಿ ಬಿಡುತ್ತದೆ.

ಹಳೆಯ ಸಂಬಂಧದಲ್ಲಿ ಬ್ರೇಕ್ ಅಪ್: ನೀವು ಪ್ರೀರಿಸುತ್ತಿರುವವರು ಈ ಹಿಂದೆಯೇ 2-3 ಜನರನ್ನು ಪ್ರೀತಿಸಿ, ಬ್ರೇಕ್ ಅಪ್ ಆಗಿದ್ದರೆ ಅಂತಹವರನ್ನು ಪ್ರೀತಿಸುವ ಮೊದಲು ತುಂಬಾ ಯೋಚನೆ ಮಾಡಿ. ಏಕೆಂದರೆ ಈ ಹಿಂದೆ ಉಳಿದವರನ್ನು ಬಿಟ್ಟಂತೆ ನಿಮ್ಮನ್ನೂ ಬಿಡಬಹುದು.