ಅವನು ಏಕೆ ನನಗೆ ಮೋಸ ಮಾಡಿದ?

Relationship

oi-Staff

By Super

Updated: Wednesday, October 7, 2015, 17:33 [IST]

'ಅವನು ಏಕೆ ನನಗೆ ಮೋಸ ಮಾಡಿದ?' ಎಂದು ಪುರುಷನಿಂದ ಮೋಸ ಹೋದ ಪ್ರತಿಯೊಬ್ಬ ಮಹಿಳೆಯ ಪ್ರಶ್ನೆಯಾಗಿದೆ. ಪುರುಷರು ನಂಬಿಸಿ ಮೋಸ ಮಾಡುವುದನ್ನು ನೋಡುವಾಗ ಕೋಪದಿಂದ ರಕ್ತ ಕುದಿಯುತ್ತದೆ. ಆದರೆ ಹೆಚ್ಚಿನ ಬಾರಿ ಪುರುಷರು ಈ ರೀತಿ ಮಾಡಲು ಹೆಣ್ಣೇ ಹೊಣೆಗಾರಳಾಗುತ್ತಾಳೆ! ದಿನಾ ಸಂಶಯ ಪ್ರವೃತಿಯಿಂದ ವರ್ತಿಸಿದರೆ ಆ ಗಂಡು ಖಂಡಿತ ಬೇರೊಂದು ಹೆಣ್ಣೆನೆಡೆಗೆ ಆಕರ್ಷಿತನಾಗುವ ಸಾಧ್ಯತೆ ಹೆಚ್ಚಿರುತ್ತದೆ ಎನ್ನುವುದು ಹೆಣ್ಣು ಮಕ್ಕಳು ತಿಳಿದಿರುವುದು ಒಳ್ಳೆಯದು.

ತನ್ನ ಸಂಸಾರ , ನಾನು ಚೆನ್ನಾಗಿ ನೋಡಿಕೊಳ್ಳಬೇಕು ಎಂಬ ಭಾವನೆ ಪ್ರತಿಯೊಬ್ಬ ಪುರುಷನಲ್ಲಿ ಇರುತ್ತದೆ. ಆದರೆ ಕೆಲ ಪುರುಷರು ಈ ಎಲ್ಲಾ ಭಾವನೆಗಳಿಂದ ಹೊರಬಂದು, ಬೇಡದ ಭಾವನೆಗೆ ಅರ್ಥ ಹುಡುಕುತ್ತಾ ಸಂಸಾರ, ಸಂಬಂಧ ಮುರಿಯುವ ಕೆಲಸವನ್ನು ಮಾಡುತ್ತಾರೆ. ಅದಕ್ಕೆ ಕಾರಣಗಳು ಹಲವು ಇದ್ದರೂ, ಸಾಕಷ್ಟು ಜನರ ಸಂಸಾರ ಒಡೆದು ಹೋಗಲು ಈ ಕೆಳಗಿನ ಅಂಶಗಳು ಕೂಡ ಪ್ರಮುಖ ಕಾರಣವಾಗಿದೆ.

ಸಂಶಯ: ಕೆಲ ಮಹಿಳೆಯರಿಗೆ ತಮ್ಮ ಪುರುಷ ಬೇರೊಬ್ಬ ಮಹಿಳೆಯನ್ನು ನೋಡಿ ನಕ್ಕರೆ, ಮಾತನಾಡಿಸಿದರೆ ಅದೇ ದೊಡ್ಡ ತಪ್ಪು ಅನ್ನುವಂತೆ ದೊಡ್ಡ ರಾದ್ಧಂತ ಮಾಡಿ ಬಿಡುತ್ತಾರೆ. ಅದು ಮಹಿಳೆಯರು ಮಾಡುವ ದೊಡ್ಡ ತಪ್ಪು ಆಗಿರುತ್ತದೆ. ತಮ್ಮ ಪುರುಷರ ಮೇಲೆ ಸ್ವಲ್ಪ ಮಟ್ಟಿಗಿನ ಪೊಸೆಸಿವ್ ಇದ್ದರೆ ಸರಿ ಆದರೆ ಮಿತಿ ಇದ್ದರೆ ಅದು ಅವರಿಗೆ ಬಂಧನದಂತೆ ಭಾಸವಾಗುತ್ತದೆ. ಈ ರೀತಿಯ ನಡುವಳಿಕೆ ಪುರುಷರನ್ನು ಬೇರೆ ಹೆಣ್ಣಿನೆಡೆಗೆ ನೋಡುವಂತೆ ಮಾಡುವುದು.

ಮತ್ತೊಂದು ಮುಖ್ಯವಾದ ಕಾರಣವೆಂದರೆ ಮಹಿಳೆಯರು ತಮ್ಮ ಪುರುಷನಿಗೆ ಮಾನಸಿಕ ಮತ್ತು ದೈಹಿಕ ತೃಪ್ತಿ ನೀಡುವಲ್ಲಿ ಅಸಮರ್ಥರಾದಾಗ ಬೇರೆ ಸ್ತ್ರೀಯತ್ತ ಆಕರ್ಷಿತರಾಗುತ್ತಾರೆ. ಆದ್ದರಿಂದ ಮಹಿಳೆಯರು ತಮ್ಮ ಪುರುಷನ ಭಾವನೆಗಳನ್ನು ಅರ್ಥೈಸಿಕೊಳ್ಳುವ ಪ್ರಯತ್ನ ಮಾಡಬೇಕು. ಅಲ್ಲದೆ ಈ ರೀತಿ ಆಗಲು ಹೆಣ್ಣನ್ನು ಮಾತ್ರ ದೂಷಿಸಿ ಪ್ರಯೋಜವಿಲ್ಲ, ಅವನು ಕೂಡ ಅವಳ ಭಾವನೆಗಳನ್ನು ಅರ್ಥೈಸಿಕೊಳ್ಳಬೇಕು. ಅವಳಲ್ಲಿರುವ ಭಯವನ್ನು ಹೋಗಲಾಡಿಸಲು ಪ್ರಯತ್ನಿಸಿದರೆ ಸಂಸಾರ ಸರಿಯಾಗುವುದು.

ಈ ಮೇಲಿನ ಕಾರಣಗಳನ್ನು ನೋಡಿದಾಗ ಪುರುಷರು ಮಹಿಳೆಯರನ್ನು ಮೋಸ ಮಾಡಲು ಪುರುಷ ಮತ್ತು ಮಹಿಳೆ ಇಬ್ಬರೂ ಕಾರಣರಾಗಿದ್ದಾರೆ ಎಂಬ ಅಭಿಪ್ರಾಯಕ್ಕೆ ಬರಬಹುದು. ಗಂಡ-ಹೆಂಡತಿ ಪರಸ್ಪರ ಒಬ್ಬರನ್ನೊಬ್ಬರು ಅರ್ಥೈಸಿಕೊಂಡರೆ, ಅಲ್ಲಿ ಒಬ್ಬರಿಗೊಬ್ಬರು ಮೋಸ ಮಾಡಿಕೊಳ್ಳುವ ಪ್ರಮೇಯವೆ ಇರುವುದಿಲ್ಲ.