ಮಹಿಳೆಯರ ಈ ಬುದ್ಧಿ ಪುರುಷರಿಗೆ ಅಪ್ರಿಯ

Relationship

oi-Reena

By Hema S

Published: Thursday, March 15, 2012, 17:20 [IST]

ಮಹಿಳೆಯರೆಲ್ಲಾ ಗುಂಪು ಸೇರಿದಾಗ ಪುರುಷರನ್ನು ದೂರುವುದು ಕೇಳಬಹುದು. ಪುರುಷರೆ ಹೀಗೆ ಹೀಯಾಳಿಸುವುದೆ ಅವರ ಕೆಲಸ, ಅವರ ಕೆಲವೊಂದು ವರ್ತನೆ ಕಿರಿಕಿರಿ ಮಾಡುತ್ತದೆ ಇತ್ಯಾದಿ. ಆದರೆ ತಮ್ಮ ಗುಣಗಳು ಅದೇ ರೀತಿ ಪುರುಷರಿಗೆ ಕಿರಿಕಿರಿ ಉಂಟು ಮಾಡುತ್ತದೆ ಎಂದು ಒಮ್ಮೆ ಕೂಡ ಯೋಚಿಸುವುದಿಲ್ಲ. ಮಹಿಳೆಯರಿಂದ ಪುರುಷರಿಗೆ ಕೂಡ ಈ ಕೆಳಗಿನ ವಿಷಯಗಳಲ್ಲಿ ಕಿರಿಕಿರಿ ಉಂಟಾಗುವುದು.

1. ಕೂದಲನ್ನು ಬಾಚಿ ಬಾಚಣಿಕೆಯನ್ನು ಹಾಗೆ ಬಿಡುವುದು ಅಥವಾ ಆಹಾರದಲ್ಲಿ ಕೂದಲು ಸಿಕ್ಕಿದರೆ ಕಿರಿಕಿರಿಯಾಗುತ್ತದೆ. ಇದರ ಬಗ್ಗೆ ಕೇಳಿದರೆ ಅದು ಅವರ ಕೂದಲು ಅಲ್ಲ ಎಂದು ವಾದಿಸುವುದು.

2. ಮಹಿಳೆಯರ ಹತ್ತಿರ ಅಭಿಪ್ರಾಯ ಕೇಳಿದಾಗ ಹೆಚ್ಚಿನ ಬಾರಿ ಸರಿಯಾದ ಅಭಿಪ್ರಾಯ ಉತ್ತರ ಹೇಳುವುದಿಲ್ಲ. ಅಡ್ಡ ಗೋಡೆ ಮೇಲೆ ದೀಪ ಇಟ್ಟಂತೆ ಮಾತನಾಡುತ್ತಾರೆ.

3. ರೆಸ್ಟೋರೆಂಟ್ ಹೋದಾಗ ಹೆಚ್ಚಿನ ಹುಡುಗಿಯರು ಅವರಿಗೆ ಇಷ್ಟವಾದ ಆಹಾರದ ಆಯ್ಕೆ ಹೇಳದೆ ಅದನ್ನು ಹುಡುಗನಿಗೆ ಬಿಡುತ್ತಾರೆ. ಆದರೆ ಅವನು ಫುಡ್ ಆರ್ಡರ್ ಕೊಡುವಾಗ ತಮಗೆ ಆಹಾರ ಇಷ್ಟವಿಲ್ಲದಿದ್ದರೆ ತಟ್ಟನೆ ಹೇಳಿಬಿಡುತ್ತಾರೆ. ಈ ತರದ ನಡುವಳಿಕೆ ಕಿರಿಕಿರಿ ಉಂಟು ಮಾಡುತ್ತದೆ.

4. ಟೂರ್ ಹೋದಾಗ ವಿಶ್ರಾಂತಿಗಾಗಿ ಹೋಟೆಲ್ ರೂಮ್ ಬುಕ್ ಮಾಡಿದರೆ ಅದು 7 ಸ್ಟಾರ್ ಹೋಟೆಲ್ ಆದರೂ ಕೂಡ ಅದರಲ್ಲಿ ತಪ್ಪುಗಳನ್ನು ಹುಡುಕುತ್ತಾರೆ.

5. ಇನ್ನೊಬ್ಬರ ಬಗ್ಗೆ ಚಾಡಿ ಹೇಳುವುದರಲ್ಲಿ ಆಸಕ್ತಿ ತೋರಿಸುವುದು.