ಮನಿ ಮೈಂಡ್ ಗರ್ಲ್ ಫ್ರೆಂಡ್ ಪ್ರೀತಿಗೆ ಅರ್ಹಳಲ್ಲ!

Relationship

oi-Reena

By Hema S

Published: Tuesday, March 6, 2012, 17:43 [IST]

ಹುಡುಗಿಯರಲ್ಲಿ ಅನೇಕ ಸ್ವಭಾವದವರು ಇರುತ್ತಾರೆ. ಗರ್ಲ್ ಫ್ರೆಂಡ್ ಸಿಗುವಾಗ ಗುಣದಲ್ಲಿ ತುಂಬಾ ಒಳ್ಳೆಯವರು ಅಥವಾ ಅದಕ್ಕೆ ವಿರುದ್ಧ ಗುಣದವರು ಸಿಗಬಹುದು. ಮೊದಲು ನೋಡಿದಾಗ ಪರಸ್ಪರ ಆಕರ್ಷಣೆ ಉಂಟಾಗಿ ಪ್ರೀತಿ ಉಂಟಾಗಿರುತ್ತದೆ, ಸ್ವಭಾವ ನಂತರ ತಿಳಿಯುವುದು. ಕೆಲವರ ಸ್ವಭಾವ ತಿಳಿದು ಪ್ರೀತಿಸಿದರೂ ಅವರ ಸ್ವಭಾವ ಮೊದಲಿನಂತೆ ಇರುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಉದಾಹರಣೆಗೆ ಕೇವಲ ಫ್ರೆಂಡ್ ಆಗಿದ್ದಾಗ ನೀವು ಇತರ ಹುಡುಗಿಯರ ಜೊತೆ ಬೆರೆತರೆ ಏನೂ ಹೇಳದವಳು ಗರ್ಲ್ ಫ್ರೆಂಡ್ ಆದ ತಕ್ಷಣ ನೀವು ಬೇರೆ ಹುಡುಗಿ ಜೊತೆ ಮಾತನಾಡಿದರೆ ಕೋಪಗೊಳ್ಳಬಹುದು.

ಇಲ್ಲಿ ಗರ್ಲ್ ಫ್ರೆಂಡ್ ಗಳ ಕೆಲವು ಸ್ವಭಾವಗಳನ್ನು ನೀಡಲಾಗಿದೆ. ನಿಮ್ಮ ಗರ್ಲ್ ಫ್ರೆಂಡ್ ಯಾವ ರೀತಿಯ ಸ್ವಭಾವದವಳೆಂದು ನೀವೆ ನಿರ್ಧರಿಸಿ.

1.ಸ್ವತಂತ್ರ ಮತ್ತು ಅಪ್ಪಟ ಭಾರತೀಯ ನಾರಿ ಸ್ವಭಾವ: ಇವಳು ತುಂಬಾ ಸಂಪ್ರದಾಯಬದ್ಧವಾಗಿ ಬೆಳೆದಿರುತ್ತಾಳೆ. ಸ್ವತಂತ್ರ ಮನೋಭಾವದವಳು, ಇತರರ ಅಭಿಪ್ರಾಯಕ್ಕೆ ಬೆಲೆ ಕೊಡುತ್ತಾಳೆ. ಅವಳಲ್ಲಿ ಸ್ವಂತಿಕೆ ಹೆಚ್ಚಾಗಿರುತ್ತದೆ. ಆದರೆ ಅದೇ ಸಮಯದಲ್ಲಿ ಅವಳಿಗೆ ಅವಳ ಮಿತಿಯ ಅರಿವು ಕೂಡ ಇರುತ್ತದೆ. ಪುರುಷರಲ್ಲಿರುವ ಗುಣ ಮತ್ತು ಪುರುಷ ಪ್ರಧಾನ ಗುಣವನ್ನು ಸಮಾನ ಮನಸ್ಸಿನಿಂದ ಸ್ವೀಕರಿಸುತ್ತಾಳೆ.

2.ತಿಳಿ ಹೇಳುವುದು: ಇವಳು ಹೇಗೆಂದರೆ ತನ್ನ ಬಾಯ್ ಫ್ರೆಂಡ್ ಸಣ್ಣ-ಪುಟ್ಟ ತಪ್ಪುಗಳನ್ನು ತಿದ್ದವುದು ಅವರ ಅಭ್ಯಾಸವಾಗಿರುತ್ತದೆ. ಎಲ್ಲಾ ನಿಮ್ಮ ವಿಷಯದಲ್ಲಿ ತನ್ನ ಅಭಿಪ್ರಾಯವನ್ನು ಹೇಳುತ್ತಿರುತ್ತಾಳೆ. ಆದರೆ ಇವಳು ಯಾವುದೇ ಕಷ್ಟದ ಪರಿಸ್ಥಿತಿಯಲ್ಲಿ ನಿಮಗೆ ಸಹಕಾರ ನೀಡಲು ಹಿಂಜರಿಯುವುದಿಲ್ಲ ಮತ್ತು ನಿಮ್ಮನ್ನು ತುಂಬಾ ಪ್ರೀತಿಸುತ್ತಾಳೆ. ನಿಮ್ಮ ಉನ್ನತಿಗೋಸ್ಕರ ಅವಳು ಹೇಳುವ ಉಪದೇಶಗಳು ಸ್ವಲ್ಪ ಬೋರಾಗಬಹುದು.

3. ಬೇಡಿಕೆ ಮತ್ತು ಹಠಮಾರಿತನ: ಈ ಸ್ವಭಾವದ ಗರ್ಲ್ ಫ್ರೆಂಡ್ ಸಿಕ್ಕಿದರೆ ಜೀವನದಲ್ಲಿ ಸಂತೋಷ ಕ್ರಮೇಣ ಮಾಯವಾಗಬಹುದು. ಅವಳು ಬಯಸಿದ್ದು ಆ ಕ್ಷಣವೆ ತಲುಪಿಸದಿದ್ದರೆ ನಿಮಗೆ ಅವಳನ್ನು ಸಮಧಾನ ಪಡಿಸುವುದೆ ಹರಸಾಹಸವಾಗಿರುತ್ತದೆ. ನೀವು ಅವಳು ಹೇಳಿದ ಹಾಗೆ ಕುಣಿಯುತ್ತಿದ್ದರೆ ಜೀವನದಲ್ಲಿ ನಿಮ್ಮ ಬಗ್ಗೆ ಯೋಚಿಸಲು ಸಮಯವೆ ಸಿಗದೆ ಹೋಗಬಹುದು. ಪ್ರತಿಯೊಂದು ವಿಷಯಗಳನ್ನು ಅವಳೆ ನಿರ್ಧರಿಸಲು ಪ್ರಾರಂಭಿಸುತ್ತಾಳೆ. ನಿಮ್ಮ ಭಾವನೆಗಳಿಗೆ ಬೆಲೆ ಸಿಕ್ಕುವುದಿಲ್ಲ.

4. ಪೊಸೆಸಿವ್: ಅವಳು ನಿಮ್ಮನ್ನು ತುಂಬಾ ಪ್ರೀತಿಸುತ್ತಾಳೆ, ನಿಮ್ಮ ಬಗ್ಗೆ ಅಕ್ಕರೆ ತೋರುತ್ತಾಳೆ. ಆದರೆ ಅವಳು ನಿಮ್ಮ ಬಗ್ಗೆ ತುಂಬಾ ಪೊಸೆಸಿವ್ ಆಗಿರುತ್ತಾಳೆ. ಅವಳ ಮನಸ್ಸಿಗೆ ಸಮಧಾನ ಸಿಗುವವರೆಗೆ ನಿಮ್ಮ ಹತ್ತಿರ ಕೇಳಿದ ಪ್ರಶ್ನೆಯನ್ನೆ ಕೇಳುತ್ತಿರುತ್ತಾಳೆ. ನಿಮಗೆ ಹೇಳಿದ ಉತ್ತರವನ್ನೆ ಹೇಳಿ ಸಾಕಾಗುವುದು. ಆದರೆ ಅವಳು ಅವಳಿಗಿಂತ ಹೆಚ್ಚು ನಿಮ್ಮನ್ನು ಪ್ರೀತಿಸುತ್ತಾಳೆ.

5. ಹಣಕ್ಕೆ ಹೆಚ್ಚಿನ ಮಹತ್ವ ಕೊಡುವವಳು:ಇಂತಹ ಗುಣವಿರುವವರ ಹತ್ತಿರ ಪ್ರೀತಿ ಎಂಬ ಸಂಬಂಧ ಇಟ್ಟುಕೊಳ್ಳದಿರುವುದು ಒಳ್ಳೆಯದು. ಅವಳು ನಿಮ್ಮನ್ನು ಪ್ರೀತಿಸುವುದಕ್ಕಿಂತ ನಿಮ್ಮ ಅಂತಸ್ತು ಮತ್ತು ಹಣವನ್ನು ಹೆಚ್ಚು ಪ್ರೀತಿಸುತ್ತಿರುತ್ತಾಳೆ. ನೀವು ಕೊಡುವ ವಸ್ತುಗಳಲ್ಲಿ ಪ್ರೀತಿ ಕಾಣುವ ಬದಲು ಬ್ರಾಂಡ್ ಬಗ್ಗೆ ಹೆಚ್ಚು ಗಮನ ಪ್ರಾಮುಖ್ಯತೆ ಕೊಡುತ್ತಾಳೆ. ನಿಮ್ಮಲ್ಲಿ ಹಣ ಇಲ್ಲ ಅಂದರೆ ನಿಮ್ಮನ್ನು ಕಡೆಗಣಿಸಿ ಹೋಗಲು ಹಿಂದೆ-ಮುಂದೆ ನೋಡಲ್ಲ.