ಸಂಗಾತಿಗೆ ಫೇಸ್ ಬುಕ್ ಪಾಸ್ ವರ್ಡ್ ಗೊತ್ತಿದೆಯೆ?

Relationship

oi-Reena

By ಮಂಜು

Published: Wednesday, February 29, 2012, 15:51 [IST]

ಫೇಸ್ ಬುಕ್ ಅತ್ಯಂತ ಜನಪ್ರಿಯತೆಯನ್ನು ಪಡೆದ ಸಾಮಜಿಕ ತಾಣವೆಂದು ನಮಗೆ ಗೊತ್ತು. ಪಕ್ಕದಲ್ಲಿರುವ ಗೆಳಯ/ಗೆಳತಿಯರೊಂದಿಗೆ ಮಾತನಾಡಲು ಸಮಯವಿಲ್ಲ. ಆದರೆ ದೂರಲ್ಲಿರುವ ಅದೂ ಫೇಸ್ ಬುಕ್ ನ ಮುಖಾಂತರ ಪರಿಚಯವಾದ ಸ್ನೇಹಿತರ ಜೊತೆ ಹರಟೆಯಲ್ಲಿ ಸದಾ ಬ್ಯೂಸಿ.

ಮೊನ್ನೆ ನನ್ನ ಗೆಳಯ ಮತ್ತು ಗೆಳತಿಯ (ಇಬ್ಬರೂ ನನ್ನ ಕಾಲೇಜ್ ಮೇಟ್) ನಿಶ್ಚಿತಾರ್ಥವಾಯಿತು. ಆದರೆ ಅದು ಬೆಂಗಳೂರಿನಲ್ಲಿರುವ ನಮ್ಮ ಗೆಳಯರ ಬಳಗಕ್ಕೆ ಗೊತ್ತಾದದು ಫೇಸ್ ಬುಕ್ ನಿಂದ! ಅವರು ನಿಶ್ಚಿತಾರ್ಥದ ಬಗ್ಗೆ ನಮಗೆ ಒಂದೂ ಮೆಸೇಜೂ ಹಾಕಿರಲಿಲ್ಲ. ಅದರ ಬದಲು ಫೇಸ್ ಬುಕ್ ನಲ್ಲಿ ಸ್ಟೇಟಸ್ ಅಪ್ ಲೋಡ್ ಮಾಡಿದರು. ಅದನ್ನು ನೋಡಿ ತಿಳಿದುಕೊಳ್ಳಬೇಕಾಯಿತು ಅವರು ನಿಶ್ಚಿತಾರ್ಥವಾದ ಸಿಹಿ ಸುದ್ಧಿ!

ಜನಪ್ರಿಯವಾಗಿರುವ ಫೇಸ್ ಬುಕ್ ಗೆಳಯರನ್ನಷ್ಟೆ ಅಲ್ಲ ಗಂಡ-ಹೆಂಡತಿ ಸಂಬಂಧವನ್ನು ದೂರ ಮಾಡುತ್ತಿದೆ! ಫೇಸ್ ಬುಕ್ ನಿಂದ ಡಿವೋರ್ಸ್ ಗಾಗಿ ಕೋರ್ಟ್ ಮೆಟ್ಟಿಲು ಹತ್ತಿರುವ ಅನೇಕ ಕುಂಟುಂಬಗಳಿವೆ. ಫೇಸ್ ಬುಕ್ ಈ ರೀತಿ ಕುಟುಂಬ ಒಡೆಯುವುದನ್ನು ತಪ್ಪಿಸಲು ಪಾಸ್ ವರ್ಡ್ ಕೊಟ್ಟರೆ ಈ ಎಲ್ಲಾ ಸಮಸ್ಯೆಗೆ ಪರಿಹಾರ ದೊರೆಯಬಹುದೆ?

ಜೀವನದಲ್ಲಿ ಸಂಶಯವೆಂಬುದು ಇದ್ದರೆ ಸಂಸಾರ ಹಾಳಾದಂತೆ. ಗಂಡ-ಹೆಂಡತಿ ನಡುವೆ ಮುಚ್ಚುಮರೆ ಇಲ್ಲದಿರುವುದೇ ಒಳ್ಳೆಯದು. ನಿಮ್ಮ ಪಾಸ್ ವರ್ಡ್ ನಿಮ್ಮ ಗಂಡ/ ಹೆಂಡತಿ ಜೊತೆ ಇದ್ದರೆ ನಿಮ್ಮ ಮೇಲೆ ನಂಬಿಕೆ ಮತ್ತು ಅತ್ಮೀಯತೆ ಮತ್ತಷ್ಟು ಹೆಚ್ಚಾಗಬಹುದು.

ಆದರೆ ನಿಮ್ಮ ಸಂಗಾತಿ ಸಣ್ಣಪುಟ್ಟ ವಸ್ತುಗಳಿಗೆ ಸಂಶಯ ಪಡುವವರಾದರೆ ಪಾಸ್ ವರ್ಡ್ ಕೊಡದಿರುವುದೇ ಸೂಕ್ತ. ಫೇಸ್ ಬುಕ್ ನಲ್ಲಿ ನೀವು ಬೇರೆಯವರೆಗೆ ಕಳಿಸಿದ ಮೆಸೇಜ್ ಅನ್ನು ತಪ್ಪಾಗಿ ಅರ್ಥೈಹಿಸಿಕೊಂಡರೆ ಜಗಳ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆ ಹೆಚ್ಚು. ಆದ್ದರಿಂದ ಏನು ಮಾಡಬೇಕು ಎಂಬುದನ್ನು ನೀವೆ ತೀರ್ಮಾನಿಸಿ.

ನಿಮ್ಮ ಪಾಸ್ ವರ್ಡ್ ನಿಮ್ಮ ಸಂಗಾತಿ ಜೊತೆಗೆ ಗೊತ್ತಿದ್ದರೆ ಖಾಸಗಿತನ ಎಂಬುದು ಇರುವುದಿಲ್ಲ ನಿಜ ಆದರೆ ಮದುವೆಯಾದ ಮೇಲೆ ಖಾಸಗಿ ಬದುಕಿಗಿಂತ ಪರಸ್ಪರ ಅರೆತು ಬಾಳುವ ಸಂಬಂಧಕ್ಕೆ ಆಯುಷ್ಯ ಜಾಸ್ತಿ.

ಫೇಸ್ ಬುಕ್ ಪಾಸ್ ವರ್ಡ್ ಬಾಳ ಸಂಗಾತಿಗೆ ತಿಳಿದಿರುವುದು ಸರಿಯೆ ಅಥವಾ ತಪ್ಪೆ? ಈ ವಿಷಯದ ಬಗ್ಗೆ ನಿಮ್ಮ ನಿಮ್ಮ ಅನಿಸಿಕೆ ತಿಳಿಸಿ.