ಒಡೆದ ಹಾಲಿನಿಂದ ಆರೋಗ್ಯಕರ ಪನ್ನೀರ್!

ಪನ್ನೀರ್ ನಿಂದ ಅನೇಕ ಬಗೆಯ ರುಚಿಕರವಾದ ಖಾದ್ಯಗಳನ್ನು ತಯಾರಿಸಬಹುದು. ಈ ಪನ್ನೀರ್ ಅನ್ನು ಅಂಗಡಿಯಿಂದ ಕೊಂಡು ತರುವ ಬದಲು ಮನೆಯಲ್ಲಿಯೆ ಸುಲಭದಲ್ಲಿ ಮಾಡಬಹುದು. ಹಾಲು ಒಡೆದು ಹೋದರೆ ಬಿಸಾಡುವ ಬದಲು ಅದರಿಂದ ಆರೋಗ್ಯಕರ ಆಹಾರ ಅಂದರೆ ಪನ್ನೀರ್ ತಯಾರಿಸಿ. ಅದನ್ನು ತಯಾರಿಸುವುದು ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು
ಹಾಲು ಮತ್ತು ನಿಂಬೆ ರಸ ( ಒಡೆದ ಹಾಲಿಗೆ ನಿಂಬೆ ರಸ ಬೇಕಾಗಿಲ್ಲ).

ತಯಾರಿಸುವ ವಿಧಾನ:

1. ಹಾಲನ್ನು ಕುದಿಸಿ ಅದಕ್ಕೆ ನಿಂಬೆ ರಸ ಹಿಂಡಿದರೆ ಹಾಲು ಒಡೆದು ಹೋಗುತ್ತದೆ. ಒಂದು ವೇಳೆ ಒಡೆದ ಹಾಲಿದ್ದರೆ ಅದನ್ನೇ ಬಳಸಿ.

2. ನಂತರ ಅದರ ನೀರನ್ನು ಸೋಸಿ ಸ್ವಲ್ಪ ಗಟ್ಟಿಯಾಗಿರುವ ಹಾಲನ್ನು ಮಸ್ಲೀನ್ ಬಟ್ಟೆಗೆ ಹಾಕಿ ಕಟ್ಟಿ 25-30 ನಿಮಿಷ ಯಾವುದಾದರು ಮೊಳೆಗೆ ನೇತು ಹಾಕಬೇಕು. ನೀರೆಲ್ಲಾ ಸಂಪೂರ್ಣ ಸೋಸಿ ಹೋದ ನಂತರ ಬೇಕಾದ ಆಕಾರದಲ್ಲಿ ಕತ್ತರಿಸಬೇಕು.

3. ನಂತರ ಆ ಸ್ವಲ್ಪ ಘನವಾಗಿರುವ ಹಾಲನ್ನು ಮಸ್ಲೀನ್ ಬಟ್ಟೆಯಲ್ಲಿ ಕಟ್ಟಿ 2-3 ಗಂಟೆ ತಣ್ಣೀರಿನಲ್ಲಿಡಬೇಕು. ಆಗ ಪನ್ನಿರ್ ಮತ್ತಷ್ಟು ಗಟ್ಟಿಯಾಗುತ್ತದೆ.
ಹೀಗೆ ತಯಾರಿಸಿದ ಪನ್ನೀರ್ ನಿಂದ ಕರಿ, ತಿಂಡಿ, ಸ್ಟ್ರಾಟರ್ಸ್ ಮುಂತಾದವುಗಳನ್ನು ತಯಾರಿಸಬಹುದು.