ರುಚಿ ರುಚಿ ಅಡುಗೆ : ಕಿಚನ್‌ ಕ್ವೀನ್‌ಗೆ ಕಿವಿಮಾತುಗಳು

Tips

oi-Staff

By * ಅಮೃತಾ

Published: Wednesday, March 28, 2012, 6:20 [IST]

* ದೋಸೆ ಮತ್ತು ಇಡ್ಲಿ ಮಲ್ಲಿಗೆ ಹೂವಿನಂತೆ ಮೃದುವಾಗಿದ್ದರೆ ಚೆನ್ನ! ಅದಕ್ಕಾಗಿ ಹೋಟೆಲ್‌ಗೆ ಹೋಗುವುದೇನು ಬೇಕಿಲ್ಲ. ದೋಸೆ ಅಥವಾ ಇಡ್ಲಿಗೆ ಅಕ್ಕಿ ರುಬ್ಬುವಾಗ ಒಂದಿಷ್ಟು ಅನ್ನ ಮತ್ತು ಉದ್ದಿನ ಬೇಳೆ ಸೇರಿಸಿ.

* ಅಕ್ಕಿ ಮತ್ತಿತರ ಧಾನ್ಯಗಳನ್ನು ನೀವು ಡಬ್ಬದಲ್ಲಿ ಸಂಗ್ರಹಿಸಿಡೋದು ಸರಿ. ಆದರೆ ಸಣ್ಣ ಹುಳಗಳ ಕಾಟ ಇದೆಯಲ್ಲ, ಏನ್‌ ಮಾಡೋದು ಅನ್ನುವಿರಾ? ಯೋಚಿಸಬೇಡಿ; ಡಬ್ಬದೊಳಕ್ಕೆ ಬೇವಿನ ಕಡ್ಡಿ ಮತ್ತು ಕೆಲವು ಅರಿಶಿಣದ ತುಂಡುಗಳನ್ನು ಹಾಕಿ.

* ಕಷ್ಟ ಪಟ್ಟು, ಪ್ರೀತಿಯಿಂದ ಚಪಾತಿ/ ರೊಟ್ಟಿಗೆ ಪಲ್ಯ ಮಾಡಿದರೆ, ಅದಕ್ಕೆ ಉಪ್ಪು ಜಾಸ್ತಿಯಾಗಿದೆ! ಚಿಂತೆ ಬಿಡಿ, ಸ್ವಲ್ಪ ಅಕ್ಕಿಹಿಟ್ಟನ್ನು ಸೇರಿಸಿ.

* ಮೊಸರು ಸಕತ್‌ ಹುಳಿ ಅನ್ನಿಸುತ್ತಿದೆಯೇ? ನಾಲಕ್ಕು ಕಪ್‌ ನೀರನ್ನು ಅದಕ್ಕೆ ಹಾಕಿ. ಅರ್ಧ ಗಂಟೆ ಆದ ಮೇಲೆ, ಮೇಲಿನ ನೀರನ್ನು ಬಗ್ಗಿಸಿಬಿಡಿ.

* ಚಪಾತಿ ಮೃದುವಾಗಿದ್ದರೆ ಚೆನ್ನಾ ಅಲ್ವಾ? ಅದಕ್ಕಾಗಿ ಹಿಟ್ಟು ಕಲಸುವಾಗ ಸ್ವಲ್ಪ ಮೊಸರು ಬಳಸಿ. ಅಥವಾ ಬಾಳೆಹಣ್ಣನ್ನು ಕಿವುಚಿ.

* ಆಲೂಗಡ್ಡೆ ಪಲ್ಯ ಮತ್ತು ಉಪ್ಪಿಟ್ಟಿಗೆ ನಿಂಬೆಹಣ್ಣನ್ನು ಹಿಂಡಿ. ಅದರ ರಸ ಸೇರಿದ ಮೇಲೆ ರುಚಿಯೋ ರುಚಿ.