ಸಾಬುದಾನ ಪಾಯಸದ ರೆಸಿಪಿ

ನವರಾತ್ರಿ ಸಮಯದಲ್ಲಿ ಸಾಬುದಾನದಿಂದ ಅನೇಕ ಬಗೆಯ ಖಾದ್ಯಗಳನ್ನು ತಯಾರಿಸಲಾಗುವುದು. ಇದರಿಂದ ಮಾಡಿದ ಖಾದ್ಯವನ್ನು ನವರಾತ್ರಿಗೆ ವ್ರತ ಮಾಡುವವರು ತಿನ್ನಬಹುದು. ಇದರಿಂದ ಪಾಯಸ ಮಾಡಬಯಸುವುದಾದರೆ ರೆಸಿಪಿ ತುಂಬಾ ಸರಳವಾಗಿದೆ.

ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಾಗ್ರಿಗಳು
ಸಾಬುದಾನ 1 ಕಪ್
ಹಾಲು 2 ಕಪ್
ಬೆಲ್ಲ 1 ಕಪ್
ಏಲಕ್ಕಿ ಅರ್ಧ ಚಮಚ
ಒಣದ್ರಾಕ್ಷಿ 10
ಬಾದಾಮಿ 10
ಗೋಡಂಬಿ 10
ತುಪ್ಪ 1 ಚಮಚ
ಚಿಟಿಕೆಯಷ್ಟು ಕೇಸರಿ

ಮಾಡುವ ವಿಧಾನ:

* ಚಿಕ್ಕಗಾತ್ರದ ಸಾಬುದಾನವನ್ನು 1-2 ಗಂಟೆಗಳ ನೀರಿನಲ್ಲಿ ನೆನೆ ಹಾಕಿ.

* ಹಾಲನ್ನು ಕುದಿಸಿ, ಇದೇ ಸಮಯದಲ್ಲಿ ಬೆಲ್ಲದ ಪಾಕ ರೆಡಿ ಮಾಡಿ, ಹಾಲು ಚೆನ್ನಾಗಿ ಕುದಿ ಬರುವಾಗ ಬೆಲ್ಲದ ಪಾಕ ಹಾಕಿ. ಈಗ ಸಾಬುದಾನ ಹಾಕಿ 10-15 ನಿಮಿಷ ಬೇಯಿಸಿ.

* ಈಗ ತುಪ್ಪವನ್ನು ಮತ್ತೊಂದು ಪ್ಯಾನ್ ಗೆ ಹಾಕಿ ಅದರಲ್ಲಿ ಒಣ ದ್ರಾಕ್ಷಿ ಮತ್ತು ಬಾದಾಮಿ, ಗೋಡಂಬಿ ಹಾಕಿ 2 ನಿಮಿಷ ರೋಸ್ಟ್ ಮಾಡಿ, ಪಾಯಸಕ್ಕೆ ಹಾಕಿ, ಏಲಕ್ಕಿ ಪುಡಿ ಮತ್ತು ಕೇಸರಿ ಹಾಕಿ ಮಿಕ್ಸ್ ಮಾಡಿ ಉರಿಯಿಂದ ಇಳಿಸಿದರೆ ಸಾಬುದಾನ ಪಾಯಸ ರೆಡಿ.