ಈ ದೀಪಾವಳಿಗೆ ಸ್ಪೆಷೆಲ್ ಅಡುಗೆ-ರಬ್ರಿ

ಈ ರಬ್ರಿ ಸಿಹಿ ತಿಂಡಿಯನ್ನು ಉತ್ತರ ಭಾತದ ಕಡೆ ಹೆಚ್ಚಾಗಿ ಮಾಡಲಾಗುವುದು. ಈ ಅಡುಗೆಯನ್ನು ಮಾಡುವುದು ಸುಲಭ ಆದರೆ ರುಚಿ ಮಾತ್ರ ಸೂಪರ್ ಆಗಿರುತ್ತದೆ.

ಈ ದೀಪಾವಳಿಯಲ್ಲಿ ನೀವು ಮಾಡುವ ಅಡುಗೆಯನ್ನು ಮನೆಯವರು ಹಾಗೂ ಬಂದ ನೆಂಟರಿಷ್ಟರು ಕೊಂಡಾಡಿದರೆ ಎಷ್ಟು ಸಂತೋಷವಾಗುತ್ತದೆಯಲ್ಲವೇ? ಹಾಗಾದರೆ ಈ ವಿಶೇಷ ಸಿಹಿತಿಂಡಿಯನ್ನು ಒಮ್ಮೆ ಟ್ರೈ ಮಾಡಿಯೇ ಬಿಡಿ.

ಬೇಕಾಗುವ ಸಾಮಾಗ್ರಿಗಳು:
ಹಾಲು 3 ಲೀಟರ್
ಸಕ್ಕರ್ 2 ಕಪ್
ಏಲಕ್ಕಿ ಪುಡಿ ಒಂದು ಚಮಚ
ಎಸೆನ್ಸ್
ಎಲೆ-ಅಡಿಕೆಗೆ ಹಾಕುವ ಸುಣ್ಣ ಕಾಲು ಚಮಚ

ತಯಾರಿಸುವ ವಿಧಾನ:

* ಪಾತ್ರೆಯಲ್ಲಿ ಹಾಲನ್ನು ಹಾಕಿ ಕಡಿಮೆ ಉರಿಯಲ್ಲಿ ಬಿಸಿ ಮಾಡಬೇಕು. ನಂತರ ಸುಣ್ಣವನ್ನು ಅರ್ಧ ಲೋಟ ನೀರಿನಲ್ಲಿ ಕಲೆಸಿ ಹಾಲಿಗೆ ನಿಧಾನಕ್ಕೆ ಸುರಿಯಬೇಕು. ನಂತರ ಉರಿಯನ್ನು ಕಮ್ಮಿ ಮಾಡಿ ಬಿಸಿ ಮಾಡಬೇಕು.

* ಹಾಲು ಕುದಿ ಬರುವಾಗ ಬರುವ ಕೆನೆಯನ್ನು ತೆಗಿಯುತ್ತಾ ಇರಬೇಕು.

* 3 ಲೀಟರ್ ಹಾಲು ಒಂದೂವೆ ಲೀಟರ್ ಆಗುವಷ್ಟು ಕುದಿಸಬೇಕು. ಹಾಲು ಗಟ್ಟಿಯಾದಾಗ ಸಕ್ಕರೆ ಹಾಬೇಕು, ನಂತರ ಎಸೆನ್ಸ್ ಹಾಗೂ ಏಲಕ್ಕಿ ಪುಡಿ ಹಾಕಿ ಮಿಶ್ರಣ ಮಾಡಿ ಉರಿಯಿಂದ ತೆಗೆದು ತಣ್ಣಗಾಗಲು. ಸ್ವಲ್ಪ ತಣ್ಣಗಾದ ಮೇಲೆ ಫ್ರಿಜ್ ನಲ್ಲಿಟ್ಟು ಮತ್ತಷ್ಟು ತಣ್ಣಗೆ ಮಾಡಬೇಕು. ನಂತರ ಇದಕ್ಕೆ ಸ್ವಲ್ಪ ಡ್ರೈ ಫ್ರೂಟ್ಸ್ ರುಚಿ ಮನೆಯವರಿಗೆ ಕುಡಿಯಲು ಕೊಟ್ಟು ನೋಡಿ ರಬ್ರಿಯನ್ನು ಮತ್ತಷ್ಟು ಕೊಡಿ ಎಂದು ಕೇಳಿಕೊಂಡು ಬರದಿದ್ದರೆ ಮತ್ತೆ ಕೇಳಿ.