ಈ ಕುಲ್ಫಿಯನ್ನು ಒಂದು ವಾರದವರೆಗೆ ಇಡಬಹುದು!

ತುಂತುರು ಮಳೆಯಲ್ಲಿ ಕುಲ್ಫೀ ತಿನ್ನಲು ಮಜವಾದರೆ, ಬೇಸಿಗೆಯಲ್ಲಿ ಕುಲ್ಫಿ ಹಿತಾನುಭವ ನೀಡುತ್ತದೆ. ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಇಷ್ಟ ಪಟ್ಟು ತಿನ್ನುವ ಈ ಕುಲ್ಫಿಯನ್ನು ಮನೆಯಲ್ಲಿಯೆ ತಯಾರಿಸಬಹುದು.

ರುಚಿಕರವಾದ ಪಿಸ್ತಾ-ಕೇಸರಿ ಕುಲ್ಫಿ ಇಷ್ಟಪಡುವವರಿಗೆ ಅದನ್ನು ಸುಲಭವಾಗಿ ತಯಾರಿಸುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು
ಅರ್ಧ ಲೀಟರ್ ಗಟ್ಟಿ ಹಾಲು
ಅರ್ಧ ಕಪ್ ಕಾಯಿಸಿದ ಗಟ್ಟಿ ಹಾಲು (1 ಕಪ್ ಹಾಲು ಕಾಯಿಸಿ ಅರ್ಧ ಕಪ್ ಮಾಡಿದ್ದು)
1/4 ಕಪ್ ಹಾಲಿನ ಪುಡಿ
ಅರ್ಧ ಚಮಚ ಕೇಸರಿ
ಸಿಹಿಗೆ ತಕ್ಕ ಸಕ್ಕರೆ
ಸ್ವಲ್ಪ ಕತ್ತರಿಸಿದ ಪಿಸ್ತಾ

ತಯಾರಿಸುವ ವಿಧಾನ

* ಸ್ವಲ್ಪ ದೊಡ್ಡ ಪಾತ್ರೆಯಲ್ಲಿ ಹಾಲು, ಕಾಯಿಸಿ ಅರ್ಧದಷ್ಟು ಮಾಡಿದ ಹಾಲು, ಹಾಲಿನ ಪುಡಿ ಹಾಕಿ ಕುದಿಸಿ. ಈಗ ಕೇಸರಿಯನ್ನು ಸೇರಿಸಿ, ಈಗ ಸಕ್ಕರೆಯನ್ನು ಸೇರಿಸಿ, ಕಡಿಮೆ ಉರಿಯಲ್ಲಿ 10 ನಿಮಿಷದವರೆಗೆ ಸೌಟ್ ನಿಂದ ತಿರುಗಿಸುತ್ತಾ ಕಾಯಿಸಿ.

* ಇದನ್ನು ಈಗ ಕುಲ್ಫಿ ಮೌಲ್ಡ್ಸ್ ಗೆ ಹಾಕಿ ಫ್ರಿಜ್ ನಲ್ಲಿ 6 ಗಂಟೆಗಳ ಕಾಲ ಇಟ್ಟರೆ ಕುಲ್ಫಿ ರೆಡಿ. ಹೀಗೆ ತಯಾರಿಸಿದ ಕುಲ್ಫಿಯನ್ನು 1 ವಾರಗಳ ಕಾಲ ಇಡಬಹುದು.