ಗಣೇಶ ಹಬ್ಬಕ್ಕೆ ಚೆನ್ನಾ ಲಡ್ಡು ರೆಸಿಪಿ

Sweets

oi-Staff

By Super

Updated: Monday, October 12, 2015, 11:52 [IST]

ಗಣೇಶ ಹಬ್ಬಕ್ಕೆ ಬಗೆ-ಬಗೆಯ ಲಡ್ಡುಗಳನ್ನು ತಯಾರಿಸಲಾಗುವುದು. ಲಡ್ಡು ಮಾಡುವ ವಿಧಾನ ಗೊತ್ತಿದ್ದರೆ ಸುಲಭದಲ್ಲಿ ತಯಾರಿಸಬಹುದು. ಇವತ್ತು ದೊಡ್ಡ ಕಡಲೆಯಿಂದ ಲಡ್ಡು ಮಾಡುವ ವಿಧಾನ ತಿಳಿಯೋಣ. ಸವಿರುಚಿಯ ಚೆನ್ನಾ ಲಡ್ಡು ರೆಸಿಪಿ ನೋಡಿ ಇಲ್ಲಿದೆ. ಈ ಲಡ್ಡು ಮಾಡಿದರೆ ಸ್ವಲ್ಪ ಕಾಲ ಇಡಬಹುದಾಗಿದೆ.

ಬೇಕಾಗುವ ಸಾಮಾಗ್ರಿಗಳು:
ಅರ್ಧ ಕೆಜಿ ದೊಡ್ಡ ಕಡಲೆ (ಚೆನ್ನಾ)
ಸಕ್ಕರೆ ಕಾಲು ಕೆಜಿ
ತುಪ್ಪ 150 ಗ್ರಾಂ
ಏಲಕ್ಕಿ 2-3
ಸ್ವಲ್ಪ ಗೋಡಂಬಿ

ತಯಾರಿಸುವ ವಿಧಾನ:

1. ಚೆನ್ನಾವನ್ನು ಚೆನ್ನಾಗಿ ಉರಿಯಬೇಕು. ನಂತರ ನುಣ್ಣನೆ ಪುಡಿ ಮಾಡಿಡಬೇಕು.

2. ನಂತರ ಆ ಪುಡಿ ಸಕ್ಕರೆ ಮತ್ತು ಏಲಕ್ಕಿಯನ್ನು ಪುಡಿ ಮಾಡಿ ಹಾಕಬೇಕು.

3. ಗೋಡಂಬಿಯನ್ನು ತುಪ್ಪದಲ್ಲಿ ಸ್ವಲ್ಪ ಹೊತ್ತು ಹುರಿದು ನಂತರ ಅದನ್ನು ಚಿಕ್ಕದಾಗಿ ಕತ್ತರಿಸಿ ಚೆನ್ನಾ ಮಿಶ್ರಣಕ್ಕೆ ಸೇರಿಸಿ ಕಲೆಸಬೇಕು.

4. ಉರಿಯಲ್ಲಿ ದೊಡ್ಡ ಪಾತ್ರೆಯನ್ನು ಇಟ್ಟು ಅದರಲ್ಲಿ ತುಪ್ಪ ಹಾಕಿ, ತುಪ್ಪ ಬಿಸಿಯಾದಾಗ ಅದಕ್ಕೆ ಚೆನ್ನಾ ಮಿಶ್ರಕ್ಕೆ ಹಾಕಿ ಕಡಿಮೆ ಉರಿಯಲ್ಲಿ ಚೆನ್ನಾಗಿ ತಿರುಗಿಸುತ್ತಾ ಇರಬೇಕು. ಮಿಶ್ರಣ ಸ್ವಲ್ಪ ದಪ್ಪವಾಗುತ್ತಾ ಬಂದಂತೆ ಕೆಳಗಿಳಿಸಿ ತಣ್ಣಗಾಗಲು ಬಿಡಬೇಕು. ನಂತರ ಅದರಿಂದ ಉಂಡೆ ಕಟ್ಟಿದರೆ ಸವೆಯಲು ರುಚಿಕರವಾದ ಚೆನ್ನಾ ಲಡ್ಡು ರೆಡಿ.