ಯಾಕೆ ಲೇಟ್ ಮಾಡೋಣ ಬರ್ರಿ ಸ್ಟ್ರಾಬೆರ್ರಿ ಡಿಲೈಟ್

ಈಗ ಎಲ್ಲಿ ನೋಡಿದರೂ ಕೇಕ್‌ಗಳ ಘಂ ಎನ್ನುವ ಪರಿಮಳ. ಹೊಸವರ್ಷದ ಸಂಭ್ರಮಕ್ಕೆ ಕೇಕ್ ಜತೆಗೆ ಸ್ವಲ್ಪ ವೈವಿಧ್ಯವಾಗಿ ಈ ಸ್ಟ್ರಾಬೆರ್ರಿ ಡಿಲೈಟನ್ನು ಮಾಡಿ ನೋಡಿ! ಇದನ್ನು ತಯಾರಿಸಲು ಬೇಕಾದ ಪದಾರ್ಥಗಳ ಪಟ್ಟಿಯೂ ಕಡಿಮೆ. ಆಗಿದ್ದರೆ ತಡ ಯಾಕೆ?

ಬೇಕಾಗುವ ಪದಾರ್ಥಗಳು:

ಫ್ಲೈನ್ ಕೇಕ್ (ಬೇಕರಿಯಲ್ಲಿ ಸಿಗುತ್ತದೆ), ಒಂದು ಹಿಡಿ ಸ್ಟ್ರಾಬೆರ್ರಿ (ಉದ್ದುದ್ದ ಎರಡು ಹೋಳುಗಳಾಗಿ ಕತ್ತರಿಸಿಕೊಳ್ಳಬೇಕು), ವೆನಿಲಾ ಐಸ್‌ಕ್ರೀಂ 500ಗ್ರಾಂ, ಜಿಲೆಟಿನ್ 2 ಟೀ ಚಮಚ(ಇದನ್ನು ಉಗುರು ಬೆಚ್ಚಗಿನ ನೀರಿನಲ್ಲಿ ಕಲಸಬೇಕು), ಕಾಯಿಸಿದ ಹಾಲು ಒಂದು ಸಣ್ಣ ಕಪ್ಪು.

ತಯಾರಿಸುವ ವಿಧಾನ:

ಮೊದಲು ಕೇಕನ್ನು ನಿಮಗೆ ಬೇಕಾದ ಆಕಾರಕ್ಕೆ ಕತ್ತರಿಸಿಕೊಳ್ಳಿ. ಹಾಲು, ಜಿಲೆಟಿನ್, ವೆನಿಲಾ ಐಸ್‌ಕ್ರೀಮ್‌ಗಳನ್ನು ನೊರೆಬರುವವರೆಗೆ ಮಿಕ್ಸಿಯಲ್ಲಿ ಹಾಕಿ ಕಲೆಸಿಕೊಳ್ಳಬೇಕು. ಈಗ ಈ ಮಿಶ್ರಣಕ್ಕೆ ಸ್ವಲ್ಪ ಸ್ಟ್ರಾಬೆರ್ರಿ ಹೋಳುಗಳನ್ನು ಬೆರಸಿ 2-3 ಗಂಟೆಗಳ ಕಾಲ ಫ್ರಿಜ್‌ನಲ್ಲಿಡಬೇಕು. ತಣ್ಣನೆಯ ಈ ಮಿಶ್ರಣವನ್ನು ಮೊದಲೇ ಕತ್ತರಿಸಿ ಇಟ್ಟಿಕೊಂಡಿದ್ದ ಕೇಕ್‌ನ ಮೇಲೆ ಹರಡಿ ಅದರ ಮೇಲೆ ಉಳಿದಿರುವ ಸ್ಟ್ರಾಬೆರ್ರಿ ಹೋಳುಗಳನ್ನು ಇಟ್ಟು ಅಲಂಕರಿಸಬೇಕು. ಅಷ್ಟೇ ಬಾಯಲ್ಲಿ ನೀರೂರಿಸುವ ಸ್ಟ್ರಾಬೆರ್ರಿ ಡಿಲೈಟ್ ತಯಾರಾದಂತೆ.

(ದಟ್ಸ್‌ಕನ್ನಡ ಪಾಕಶಾಲೆ)