ಕ್ರಿಸ್ಮಸ್ ಗೆ ಬಟರ್ ಸ್ಪಾಂಜ್ ವೆನಿಲ್ಲಾ ಕೇಕ್

ಕೇಕ್ ಗೆ ಬೇಕಾಗುವ ಸಾಮಗ್ರಿ:
* 2 ಕಪ್ ಅಕ್ಕಿ ಹಿಟ್ಟು
* 2-3 ಕಪ್ ಹಾಲು ಅಥವಾ ಗಟ್ಟಿ ಮೊಸರು
* 1 ಕಪ್ ಬೆಣ್ಣೆ
* 8-10 ಮೊಟ್ಟೆ
* 1 ಚಮಚ ಅಡುಗೆ ಸೋಡಾ
* 2 ಕಪ್ ಸಕ್ಕರೆ
* 2 ಚಮಚ ವೆನಿಲ್ಲಾ ಎಸೆನ್ಸ್
* ಚಿಕ್ಕದಾಗಿ ಕತ್ತರಿಸಿದ ಬಾದಾಮಿ ಮತ್ತು ಗೋಡಂಬಿ

ಕೇಕ್ ತಯಾರಿಸೋದು ಹೇಗೆ?
* ಮೊದಲು ಓವೆನನ್ನು 350 F ನಷ್ಟು ಬಿಸಿ ಮಾಡಬೇಕು.
* ಬೆಣ್ಣೆ ಮತ್ತು ಸಕ್ಕರೆಯನ್ನು ಬೆರೆಸಿ ಮೃದುವಾಗುವವರೆಗೂ ಮಿಕ್ಸಿಯಲ್ಲಿ ಕಲೆಸಬೇಕು. ಈಗ ಮೊಟ್ಟೆ ಬೆರೆಸಿ ಚೆನ್ನಾಗಿ ಮತ್ತೆ ಮಿಕ್ಸಿಯಲ್ಲಿ ತಿರುಗಿಸಬೇಕು.
* ಈ ಮಿಶ್ರಣಕ್ಕೆ ಅಕ್ಕಿ ಹಿಟ್ಟು ಮತ್ತು ಮೊಸರನ್ನು ಹಾಕಿ ಚೆನ್ನಾಗಿ ನಾದಬೇಕು. ಈಗ ಬಾದಾಮಿ, ಗೋಡಂಬಿ, ವೆನಿಲ್ಲಾ ಎಸೆನ್ಸ್ ಹಾಕಿ ತುಪ್ಪ ಸವರಿದ ಬಟ್ಟಲಿಗೆ ಹಾಕಿ ಅದನ್ನು 40-50 ನಿಮಿಷ ಓವನ್ ನಲ್ಲಿಡಬೇಕು.
* ಬಟರ್ ಸ್ಪಾಂಜ್ ವೆನಿಲ್ಲಾ ಕ್ರಿಸ್ಮಸ್ ಕೇಕ್ ತಿನ್ನಲು ಸಿದ್ಧವಾಗಿರುತ್ತೆ.