ಹಲ್ವಾ ರುಚಿಯಾಗಬೇಕು ಅಲ್ವಾ? ಹೀಗೆ ಮಾಡಿ

Sweets

oi-Sumalatha

By Sumalatha

Published: Tuesday, September 20, 2011, 17:33 [IST]

ಸ್ವೀಟ್ ಮಾಡೋಕೆ ಕಾರಣ ಬೇಕಿಲ್ಲ, ಬಾಯಿ ರುಚಿ ಬಯಸಿದಾಗಲೆಲ್ಲಾ ಸಿಹಿ ಮಾಡಿ ತಿಂದರೆ ಮನಸ್ಸಿಗೆ ಖುಷಿ. ಅದರಲ್ಲೂ ಹಲ್ವಾ ಮಾಡಿದರೆ ಇನ್ನೂ ಚೆಂದ. ಹೆಚ್ಚು ನ್ಯೂಟ್ರೀಷನ್ ಇರುವ ಕ್ಯಾರೆಟ್, ಕುಂಬಳಕಾಯಿ ಬಳಸಿಕೊಂಡು ಹಲ್ವಾ ಮಾಡುವುದು ಹೇಗೆ ಎಂದು ತಿಳಿದುಕೊಂಡು ನೀವೂ ಟ್ರೈ ಮಾಡಿ ತಯಾರಿಸಿ.

ಹಲ್ವಾಗೆ ಬೇಕಾಗುವ ಪದಾರ್ಥಗಳು:
* 1 ಕಪ್ ತುರಿದ ಕ್ಯಾರೆಟ್
* 1/2 ಕಪ್ ತುರಿದ ಬಿಳಿ ಕುಂಬಳಕಾಯಿ
* 1/4 ಕಪ್ ಗೋಡಂಬಿ
* 1/4 ಬಾದಾಮಿ
* 1/2 ಕಪ್ ತೆಂಗಿನ ತುರಿ
* 1 ಪೀಸ್ ಚೀಸ್
* 2 ಕಪ್ ಗಟ್ಟಿಗೊಳಿಸಿದ ಹಾಲು
* 1 ಕಪ್ ಸಕ್ಕರೆ
* 1/2 ಕಪ್ ತುಪ್ಪ
* ಸ್ವಲ್ಪ ಕೇಸರಿ * ಸ್ವಲ್ಪ ದ್ರಾಕ್ಷಿ

ಕ್ಯಾರೆಟ್- ಕುಂಬಳಕಾಯಿ ಹಲ್ವಾ ಮಾಡುವ ವಿಧಾನ:
ಬಾಣಲೆಯಲ್ಲಿ ತುಪ್ಪ ಹಾಕಿಕೊಂಡು ಅದಕ್ಕೆ ಗೋಡಂಬಿ ಮತ್ತು ಬಾದಾಮಿಯನ್ನು ಚಿಕ್ಕದಾಗಿ ಕತ್ತರಿಸಿ ತುಪ್ಪದಲ್ಲಿ ಕೆಂಪಗಾಗುವವರೆಗೆ ಹುರಿಯಬೇಕು. ನಂತರ ಅದಕ್ಕೆ ತೆಂಗಿನ ತುರಿ, ಕ್ಯಾರೆಟ್ ಮತ್ತು ಕುಂಬಳಕಾಯಿ ತುರಿಯನ್ನು ಹಾಕಿ 20 ನಿಮಿಷ ಚೆನ್ನಾಗಿ ತಿರುಗಿಸಬೇಕು. ಇದೇ ಸಮಯದಲ್ಲಿ ಇನ್ನೊಂದು ಪಾತ್ರೆಯಲ್ಲಿ ಹಾಲನ್ನು ಹಾಕಿ ಅದು ಚೆನ್ನಾಗಿ ಕಾಯಿಸಿ ಅದಕ್ಕೆ ಚೀಸ್ ಬೆರೆಸಿ ಗಟ್ಟಿಯಾಗುವವರೆಗೂ ಕಾಯಿಸಬೇಕು.

ಈಗ ಕ್ಯಾರೆಟ್ ಮಿಶ್ರಣಕ್ಕೆ ಹಾಲನ್ನು ಹಾಕಿ ಸಕ್ಕರೆ ಮತ್ತು ಕೇಸರಿಯನ್ನು ಬೆರೆಸಿ 10 ನಿಮಿಷ ಸಣ್ಣ ಕಾವಿನಲ್ಲಿ ಬೇಯಿಸುತ್ತಾ ತಿರುಗಿಸಬೇಕು. ಕೊನೆಗೆ * ತುಪ್ಪ ಸವರಿಟ್ಟ ಬಾಣಲೆಗೆ ಈ ಮಿಶ್ರಣವನ್ನು ಹಾಕಿದರೆ, ಕ್ಯಾರೆಟ್-ಕುಂಬಳ ಹಲ್ವಾ ತಿನ್ನಲು ಸಿದ್ಧವಾಗಿದೆ.