ಓಣಂಗೆ ಈ ಪ್ರಥಮಂ ಸ್ವೀಟ್ ಸ್ಟೆಷಲ್

Sweets

oi-Sumalatha N

By Sumalatha N

Published: Thursday, September 8, 2011, 11:25 [IST]

ಓಣಂ ಆರಂಭವಾಗುತ್ತಿದ್ದಂತೆ ಬಗೆಬಗೆಯ ಅಡುಗೆಯ ತಯಾರಿಯೂ ನಡೆದಿರುತ್ತೆ. ಓಣಂ ಹಬ್ಬಕ್ಕೆ ವಿಶೇಷವೆನಿಸಿರುವ ಮತ್ತು ಅತಿ ಅವಶ್ಯವಿರುವ ಪ್ರಥಮಂ ಎನ್ನುವ ಸಿಹಿತಿಂಡಿ ಮಾಡುವುದು ಹೇಗೆ ಎಂದು ತಿಳಿದುಕೊಳ್ಳೋಣ.

ಪ್ರಥಮಂ ಸ್ವೀಟ್ ಗೆ ಬೇಕಾದ ಪದಾರ್ಥಗಳು:
* 1 ಕಪ್ ಅಕ್ಕಿ ಹಿಟ್ಟು
* ಬಾಳೆ ಎಲೆ
* 1 ಚಮಚ ತುಪ್ಪ
* 1 ಚಮಚ ಸಕ್ಕರೆ
* 1 ಕಪ್ ಪುಡಿ ಮಾಡಿದ ಬೆಲ್ಲ
* 4 ಕಪ್ ತೆಂಗಿನ ತುರಿ
* 1/2 ಚಮಚ ಶುಂಠಿ ಪುಡಿ
* 1/2 ಚಮಚ ಜೀರಿಗೆ ಪುಡಿ
* 1/2 ಚಮಚ ಏಲಕ್ಕಿ ಪುಡಿ

ಪ್ರಥಮಂ ಓಣಂ ಸ್ವೀಟ್ ಮಾಡುವ ವಿಧಾನ:
1. ಅಕ್ಕಿ ಹಸೀಟನ್ನು ನೀರು ಮತ್ತು ಕರಗಿಸಿದ ತುಪ್ಪದೊಂದಿಗೆ ಬೆರೆಸಿ ಹಿಟ್ಟಿನಂತೆ ಕಲೆಸಿಕೊಳ್ಳಬೇಕು.
2. ಬಾಳೆಎಲೆಯನ್ನು ಸ್ವಲ್ಪ ಬಿಸಿ ಮಾಡಿ ನಂತರ ಅದರ ಮೇಲೆ ಅಕ್ಕಿ ಹಿಟ್ಟನ್ನು ಹರಡಿ ಸುರುಳಿ ಸುತ್ತಬೇಕು.
3. 10 ರಿಂದ 12 ನಿಮಿಷ ಈ ಸುರಳಿಯನ್ನು ಹಬೆಯಲ್ಲಿ ಬೇಯಿಸಿ.
4. ಇದು ಬೆಂದ ನಂತರ ಸಣ್ಣದಾಗಿ ಕತ್ತರಿಸಿಟ್ಟುಕೊಳ್ಳಬೇಕು.
5. ಪಾತ್ರೆಯಲ್ಲಿ ಬೆಲ್ಲ ಹಾಕಿ ಅದಕ್ಕೆ ಅರ್ಧ ಕಪ್ ನೀರು ಬೆರೆಸಿ 2 ನಿಮಿಷ ಕಾಯಿಸಬೇಕು.
6. ನಂತರ ತೆಂಗಿನ ಹಾಲು ಹಾಕಿ ಚೆನ್ನಾಗಿ ತಿರುಗಿಸಬೇಕು. ಸಣ್ಣ ಉರಿಯಲ್ಲಿ 5 ನಿಮಿಷ ಬೇಯಿಸಿ ಸಕ್ಕರೆ ಹಾಕಿ ಕರಗಲು ಬಿಡಬೇಕು.
7. ಕೊನೆಗೆ ಏಲಕ್ಕಿ ಪುಡಿ, ಜೀರಿಗೆ ಮತ್ತು ಶುಂಠಿ ಪುಡಿಯನ್ನು ಅರ್ಧ ಕಪ್ ಹಾಲಿಗೆ ಹಾಕಿ ಕರಗಿಸಿ ಕುದಿಯುತ್ತಿರುವ ಮಿಶ್ರಣಕ್ಕೆ ಬೆರೆಸಬೇಕು. ನಂತರ ಕತ್ತರಿಸಿಟ್ಟಿದ್ದ ಬೆಂದ ಅಕ್ಕಿ ಹಿಟ್ಟನ್ನೂ ಇದರಲ್ಲಿ ಹಾಕಬಹುದು.

ಈಗ ವಿಶೇಷವಾದ ಓಣಂ ಪ್ರಥಮಂ ರೆಡಿಯಾಗಿದೆ.