ಜಹಂಗೀರ್ ಕ್ರೀಮ್ ಪೇಸ್ತ್ರಿ

* ಸೌಮ್ಯ ಶರ್ಮಾ, ಬೆಂಗಳೂರು

ಬೇಕಾಗುವ ಪದಾರ್ಥ :

6 ಅಥವಾ 7 ಜಹಂಗೀರು. ಅಷ್ಟೇ ಸಂಖ್ಯೆಯ ರೌಂಡ್‌ ಬಿಸ್ಕತ್ತು. ಕಾಲು ಕಪ್‌ ಸಿಹಿ ಕ್ರೀಂ, ಕಾಲು ಕಪ್‌ ಚಾಕಲೇಟ್‌ ಕ್ರೀಂ, ಒಂದು ಅರ್ಧ ಕಪ್ಪು ಬಿಸ್ಕತ್ತು ಮತ್ತು ಕೇಕ್‌ಗಳ ಚೂರು, 2 ಚಮಚದಷ್ಟು ಖೋವಾ.

ಮಾಡುವ ವಿಧಾನ:

ಮೊದಲು ಸಿಹಿ ಕ್ರೀಂ ಮತ್ತು ಚಾಕಲೇಟ್‌ ಕ್ರೀಂ ಅನ್ನು ಪ್ರತ್ಯೇಕವಾಗಿ ಚೆನ್ನಾಗಿ ಗೊಟಾಯಿಸಿ 1 ಗಂಟೆ ಕಾಲ ಫ್ರಿಜ್‌ನಲ್ಲಿಡಿ. ಆನಂತರ ಬಿಸ್ಕತ್ತು ಮತ್ತು ಕೇಕ್‌ ಚೂರಿಗೆ ಚಾಕ್ಲೇಟ್‌ ಕ್ರೀಂ ಬೆರೆಸಿಡಿ. ಸಾದಾ ಸಿಹಿ ಕ್ರೀಂ ಅನ್ನು ಕೋನ್‌ಗೆ ತುಂಬಿಸಿಡಿ (ಮೆಹಂದಿ ಹಾಕುವ ಕೋನ್‌ ಮಾದರಿ).

ಒಂದು ಅಗಲವಾದ ತಟ್ಟೆಯಲ್ಲಿ ಜಹಂಗೀರುಗಳನ್ನು ಜೋಡಿಸಿ. ಅವುಗಳ ಮೇಲೆ ಮಧ್ಯಕ್ಕೆ ಬರುವಂತೆ ಗುಂಡಾಕಾರದ ಬಿಸ್ಕತ್ತುಗಳನ್ನು ಇಡಿ. ಅದರ ಮೇಲೆ ಚೆಂದವಾಗಿ ಕಾಣುವಂತೆ ಚಾಕಲೇಟ್‌ ಕ್ರೀಂ-ಕೇಕ್‌ ಬಿಸ್ಕತ್‌ ಸೇರಿಸಿದ ಮಿಶ್ರಣ ಹರಡಿ. ಜಹಂಗೀರ್‌ ಸುತ್ತಲೂ ಸಿಹಿ ಕ್ರೀಂ ಹಾಕಿದ ಕೋನ್‌ನಿಂದ ಐಸಿಂಗ್‌ (ಚಿತ್ತಾರ) ಮಾಡಿ.

ಆನಂತರ ಎಲ್ಲ ಜಹಂಗೀರ್‌ಗಳ ಮೇಲೂ ಖೋವಾ ಹಾಕಿದರೆ. ಸುಂದರ ಹಾಗೂ ಸ್ವಾದಿಷ್ಟ ಪೇಸ್ಟ್ರೀ ರೆಡಿ.

ನಿರೀಕ್ಷಿಸಿ : ಯಾವುದೇ ಹಬ್ಬದಲ್ಲಿ ಮಾಡಬಹುದಾದ ಶೇಂಗಾ ಹೋಳಿಗೆ.