ಬಾಳೆಹಣ್ಣಿನ ಚಾಕಲೇಟ್ ಚಿಪ್ಸ್ ಕೇಕ್ ರೆಸಿಪಿ

Sweets

oi-Reena

By Hema S

Published: Thursday, April 19, 2012, 17:14 [IST]

ಬೇಕರಿಯಲ್ಲಿ ಸಿಗುವಷ್ಟೆ ರುಚಿಕರವಾದ ಕೇಕ್ ಅನ್ನು ಮನೆಯಲ್ಲಿಯೆ ಸುಲಭದಲ್ಲಿ ತಯಾರಿಸಬಹುದು. ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಇಷ್ಟಪಡುವ ಕೇಕ್ ಅನ್ನು ನಾನಾ ರುಚಿಯಲ್ಲಿ ತಯಾರಿಸಬಹುದು. ಇವತ್ತು ನಾವು ಬಾಳೆಹಣ್ಣು ಹಾಕಿ ಕೇಕ್ ಮಾಡುವ ವಿಧಾನದ ಬಗ್ಗೆ ತಿಳಿದುಕೊಳ್ಳೋಣ.

ಬೇಕಾಗುವ ಸಾಮಾಗ್ರಿಗಳು:

* 1 ಮೊಟ್ಟೆ
* 1/2 ಚಮಚ ಅಡುಗೆ ಸೋಡಾ
* 1 ಕಪ್ ಹಿಸುಕಿದ ಬಾಳೆಹಣ್ಣು
* 3/4 ಕಪ್ ಸಿಹಿ ಸ್ವಲ್ಪ ಕಡಿಮೆ ಇರುವ ಚಾಕಲೇಟ್ ಚಿಪ್ಸ್
* 1/2 ಕಪ್ ಕರಗಿಸಿದ ಬೆಣ್ಣೆ
* 1/4 ಚಮಚ ಉಪ್ಪು
* 1/4 ಕಪ್ ಸಕ್ಕರೆ
* 1/4 ಹಾಲು

ತಯಾರಿಸುವ ವಿಧಾನ:

1. ದೊಡ್ಡ ಬಟ್ಟಲಿನಲ್ಲಿ ಮೈದಾ, ಸಕ್ಕರೆ, ಉಪ್ಪು ಮತ್ತು ಅಡುಗೆ ಸೋಡಾ, ಹಾಲು ಹಾಕಿ ಮಿಶ್ರ ಮಾಡಬೇಕು.

2. ಮತ್ತೊಂದು ಬಟ್ಟಲಿನಲ್ಲಿ ಕರಗಿಸಿದ ಬೆಣ್ಣೆ, ಮೊಟ್ಟೆ ಮತ್ತು ಹಿಸುಕಿದ ಬಾಳೆಹಣ್ಣು ಹಾಕಿ ಮಿಶ್ರ ಮಾಡಬೇಕು.

3. ಈಗ ಬಾಳೆಹಣ್ಣಿನ ಮಿಶ್ರಣವನ್ನು ಮೈದಾ ಮಿಶ್ರಣಕ್ಕೆ ಹಾಕಿ ಚೆನ್ನಾಗಿ ಕಲೆಸಬೇಕು.

4. ಈಗ ಚಾಕಲೇಟ್ ಚಿಪ್ಸ್ ಸೇರಿಸಬೇಕು.

5. ಮೈಕ್ರೋವೇವ್ ಅನ್ನು 350 ಡಿಗ್ರಿ F (ಫ್ಯಾರನ್ಹೀಟ್‌)ನಿಂದ 175 ಡಿಗ್ರಿ Cಗೆ ಮುಂಚಿತವಾಗಿ ಬಿಸಿಮಾಡಬೇಕು.

6. ಈಗ ಕೇಕ್ ಮಿಶ್ರಣವನ್ನು ಬೇಯಿಸುವ ಪಾತ್ರೆಗೆ ಸ್ವಲ್ಪ ಬೆಣ್ಣೆ ಸವರಿ ಅದರಲ್ಲಿ ಹಾಕಿ 25-30 ನಿಮಿಷ ಬೇಯಿಸಬೇಕು. ಕೇಕ್ ಪಾತ್ರೆಯಿಂದ ಸುಲಭವಾಗಿ ಬರುವಂತೆ ಬೇಯಿಸಬೇಕು.

7. ಕೇಕ್ ಬೆಂದ ಮೇಲೆ ಆರಲು ಬಿಡಬೇಕು. ನಂತರ ಬೇಕಾದ ಆಕಾರದಲ್ಲಿ ಕತ್ತರಿಸಿದರೆ ರುಚಿಕರವಾದ ಬಾಳೆ ಹಣ್ಣಿನ ಕೇಕ್ ರೆಡಿ.