ಕ್ರಿಸ್‌ಮಸ್‌ ಪುಡಿಂಗ್‌

‘ಜೇನ್‌ ಡಿಸೋಜಾ’ ಅವರ ಮಾರ್ಗದರ್ಶನದಲ್ಲಿ ಹೊಸ ರುಚಿಯ ಅನ್ವೇಷಣೆ ...

ಬೇಕಾಗುವ ಸಾಮಗ್ರಿಗಳು :
ರವಾ - 2 ಚಮಚ
ಮೊಟ್ಟೆ - 3
ಹುರಿದ ಗೋಡಂಬಿ - 10
ಬೆಣ್ಣೆ - 2 ಚಮಚ
ಪುಡಿ ಮಾಡಿದ ಸಕ್ಕರೆ - 12 ಚಮಚ
ತೆಂಗಿನ ತುರಿ - 1/2 ಬಟ್ಟಲು
ಬಾದಾಮಿ ಚೂರು - 1 ಚಮಚ
ಉಪ್ಪು - 1 ಚಿಟಿಕೆ
ಜಾಯಿಕಾಯಿ ಪುಡಿ- 1/2 ಚಮಚ
ತುಪ್ಪ - 2 ಚಮಚ

ಮಾಡುವ ವಿಧಾನ : ತುಪ್ಪವನ್ನು ಕಾಯಿಸಿ ಅದರಲ್ಲಿ ರವೆಯನ್ನು ಕಂದು ಬಣ್ಣ ಬರುವವರೆಗೆ ಹುರಿದು ತೆಗೆದಿಡಿ. ಮೊಟ್ಟೆಗಳ ಹಳದಿ ಹಾಗೂ ಬಿಳಿ ಭಾಗಗಳನ್ನು ಬೇರ್ಪಡಿಸಿ. ಒಂದು ಪಾತ್ರೆಯಲ್ಲಿ ಸಕ್ಕರೆ, ಚೆನ್ನಾಗಿ ಮಿಶ್ರಣ ಮಾಡಿದ ಮೊಟ್ಟೆಯ ಹಳದಿ ಭಾಗ, ಬೆಣ್ಣೆ, ತುರಿದ ತೆಂಗಿನ ಕಾಯಿ, ಜಾಯಿಕಾಯಿ ಪುಡಿ ಮತ್ತು ಉಪ್ಪನ್ನು ಬೆರೆಸಿ.

ಈಗ ಹುರಿದಿಟ್ಟ ರವೆಗೆ ಚೆನ್ನಾಗಿ ಮಿಶ್ರಣ ಮಾಡಿದ ಮೊಟ್ಟೆಯ ಬಿಳಿ ಭಾಗವನ್ನು ಬೆರೆಸಿ, ನಂತರ ಮೊದಲೇ ತಯಾರಿಸಿದ ಮಿಶ್ರಣಕ್ಕೆ ಹಾಕಿ ಚೆನ್ನಾಗಿ ಕಲಕಿ. ಗೋಡಂಬಿ ಮತ್ತು ಬಾದಾಮಿ ಹೋಳುಗಳನ್ನು ಹಾಕಿ ಬೆರೆಸಿ. ಅದನ್ನು ಒಂದು ಪಾತ್ರೆಗೆ ಸುರಿದುಕೊಳ್ಳಿ, ಈ ಮಿಶ್ರಣವನ್ನು 45 ನಿಮಿಷಗಳ ಕಾಲ ಹಬೆಯಲ್ಲಿ ಇಡಿ.