ಎಲ್ಲರಿಗೂ ಇಷ್ಟಾರಿ ಗೋಬಿ ಮಂಚೂರಿ

By Super

Published: Wednesday, March 28, 2012, 12:14 [IST]

ಬೇಕಾಗುವ ಸಾಮಗ್ರಿಗಳು :
1/2 ಕೆಜಿ - ಹೂ ಕೋಸು
1/2 ಕಪ್‌ - ಮೆಕ್ಕೆಜೋಳ(ಮುಸುಕಿನ ಜೋಳ)ದ ಹಿಟ್ಟು
1/2 - ಕಡಲೆಬೇಳೆ ಹಿಟ್ಟು
1 ಕತ್ತರಿಸಿದ ಈರುಳ್ಳಿ
ಟೊಮೆಟೊ ಸಾಸ್‌ - 4 ಟೀ ಚಮಚ
ರುಬ್ಬಿಕೊಂಡ ಶುಂಠಿ, ಬೆಳ್ಳುಳ್ಳಿ, ಹಸಿಮೆಣಸಿನ ಕಾಯಿ
1 ಟೀ ಚಮಚ ಸೋಯಾ ಸಾಸ್‌
ಕರಿಯಲು ಎಣ್ಣೆ
ರುಚಿಗೆ ತಕ್ಕಷ್ಟು ಉಪ್ಪು

ಮಾಡುವ ವಿಧಾನ : ಮೊದಲು ಹೂ ಕೋಸಿನ ತೊಳೆಗಳನ್ನು ಬಿಚ್ಚಿ, ಕುದಿಯುವ ನೀರಿನಲ್ಲಿ ಹಾಕಿ ತೊಳೆದುಕೊಳ್ಳಿ. ಇನ್ನೊಂದೆಡೆ ಒಂದು ಪಾತ್ರೆಯಲ್ಲಿ ಕಡಲಿ ಹಿಟ್ಟು ಹಿಟ್ಟು , ಮೆಕ್ಕೆಜೋಳದ ಹಿಟ್ಟು ತೆಗೆದುಕೊಳ್ಳಿ. ಆನಂತರ ನೀರು ಹಾಕಿ ಕಲಸಿಕೊಳ್ಳಿ(ತೀರಾ ತಿಳಿಯೂ ಅಲ್ಲದ, ಗಟ್ಟಿಯೂ ಅಲ್ಲದ ಮಧ್ಯಮ ರೀತಿಯಲ್ಲಿ ಕಲಸಿಕೊಳ್ಳಿ).

ಈಗ ಸ್ಟೋವ್‌ ಮೇಲೆ ಇನ್ನೊಂದು ಬಾಣಲೆಯನ್ನಿಟ್ಟುಕೊಳ್ಳಿ, ಅದರಲ್ಲಿ ಎಣ್ಣೆ ಹಾಕಿ. ಎಣ್ಣೆ ಕಾಯ್ದ ಮೇಲೆ ಹಿಟ್ಟಿನಲ್ಲಿ ಹೂಕೋಸಿನ ತೊಳೆಗಳನ್ನು ಹಾಕಿ, ಮೆಣಸಿನಕಾಯಿ ಬಜ್ಜಿಯಂತೆ ಕರಿಯುತ್ತಾ ಹೋಗಿ. ಹಿಟ್ಟಿನಲ್ಲಿ ಕರಿದ ಹೂಕೋಸಿನ ತೊಳೆಗಳನ್ನು ಒಂದೆಡೆ ಇಟ್ಟುಕೊಳ್ಳಿ.

ಈಗ ಮತ್ತೆ ಸ್ಟೋವ್‌ ಮೇಲೆ ಬಾಣಲೆ ಇಟ್ಟು ಎಣ್ಣೆ ಹಾಕಿಕೊಳ್ಳಿ. ಎಣ್ಣೆ ಕಾಯ್ದ ಮೇಲೆ ಅದರೊಳಗೆ ಸಣ್ಣಗೆ ಹೆಚ್ಚಿಕೊಂಡ ಈರುಳ್ಳಿ ಮತ್ತು ಟೊಮೆಟೊವನ್ನು ಹಾಕಿ ಕೆಂಪಗೆ ಹುರಿದುಕೊಳ್ಳಿ. ರುಬ್ಬಿಕೊಂಡ ಶುಂಠಿ, ಬೆಳ್ಳುಳ್ಳಿ, ಹಸಿಮೆಣಸಿನ ಕಾಯಿ, ಸೋಯಾ ಸಾಸ್‌, ಟೊಮೆಟೊ ಸಾಸ್‌ ಮತ್ತು ಉಪ್ಪು ಹಾಕಿ ಚೆನ್ನಾಗಿ ಕಲಸಿಕೊಳ್ಳಿ. ಈಗ ಈ ಮಿಶ್ರಣಕ್ಕೆ ಕರಿದಿಟ್ಟ ಹೂ ಕೋಸಿನ ತೊಳೆಗಳನ್ನು ಹಾಕಿ ಕಲಸಿಕೊಳ್ಳಿ. ಸ್ವಲ್ಪಹೊತ್ತು ಹಾಗೆ ಒಲೆಯ ಮೇಲಿಟ್ಟು ಬಿಸಿಯಾಗುವವರೆಗೆ ತಿರುವಾಡುತ್ತಿರಿ.

ಈಗ ನಿಮ್ಮ ಮೆಚ್ಚಿನ ರೆಡಿ. ಇದನ್ನು ಊಟಕ್ಕಿಂತ ಮೊದಲು ಅಥವಾ ಊಟದ ಜೊತೆ ನೆಂಜಿಕೊಳ್ಳುತ್ತ ತಿನ್ನಬೇಕು. ಮತ್ತಿನ್ಯಾಕೆ ತಡ. ನೀವೂ ಮಾಡಿ ರುಚಿ ನೋಡಿ.