ಮೇಕ್ರೋವೇವ್ ನಲ್ಲಿ ಟೊಮೊಟೊ ರೈಸ್ ಟ್ರೈ ಮಾಡಿ

Rice

oi-Sumalatha N

By Sumalatha N

Published: Friday, September 9, 2011, 11:32 [IST]

ಮೈಕ್ರೋವೇವ್ ನಲ್ಲೂ ಕೂಡ ಟೊಮೊಟೊ ರೈಸ್ ಅನ್ನು ಸುಲಭವಾಗಿ ಮಾಡಬಹುದು. ಸ್ವಲ್ಪ ಜಾಗರೂಕತೆ ವಹಿಸಿದರೆ ಸಾಕು, ರುಚಿಕರವಾದ ಟೊಮೊಟೊ ರೈಸ್ ನಿಮ್ಮ ಓವನ್ ನಲ್ಲಿ ಕೆಲವೇ ನಿಮಿಷಗಳಲ್ಲಿ ರೆಡಿಯಾಗುತ್ತೆ. ಮೈಕ್ರೋವೇವ್ ನಲ್ಲಿ ಟೊಮೊಟೊ ರೈಸ್ ಮಾಡುವುದು ಹೇಗೆ ಎಂದು ತಿಳಿದುಕೊಳ್ಳೋಣ.

ಬೇಕಾಗುವ ಪದಾರ್ಥಗಳು:
* 4 ಟೊಮೊಟೊ
* 2 ಕಪ್ ಬಾಸುಮತಿ ಅಕ್ಕಿ
* 1 ಈರುಳ್ಳಿ
* 6 ಎಸಳು ಬೆಳ್ಳುಳ್ಳಿ
* ಶುಂಠಿ ಸ್ವಲ್ಪ
* 2 ಹಸಿರು ಮೆಣಸಿನಕಾಯಿ
* 5 ಮೆಣಸು
* ಚೆಕ್ಕೆ 2 ತುಂಡು, ಲವಂಗ 4
* 2 ಏಲಕ್ಕಿ
* 1 ಚಮಚ ಜೀರಿಗೆ ಪುಡಿ
* ತುಪ್ಪ, ಉಪ್ಪು

ಮೈಕ್ರೋವೇವ್ ನಲ್ಲಿ ಟೊಮೊಟೊ ರೈಸ್ ಮಾಡುವ ವಿಧಾನ:
ಅಕ್ಕಿಯನ್ನು ಚೆನ್ನಾಗಿ ತೊಳೆದು ಬಟ್ಟಲಿನಲ್ಲಿ ಅರ್ಧ ಗಂಟೆ ನೆನೆಸಿಡಬೇಕು. ನಂತರ ಟೊಮಟೊವನ್ನು ಚೆನ್ನಾಗಿ ಹಿಸುಕಿ ಒಂದೆಡೆ ಇಟ್ಟುಕೊಳ್ಳಬೇಕು. ಈರುಳ್ಳಿ, ಬೆಳ್ಳುಳ್ಳಿ ಮತ್ತು ಶುಂಠಿಯನ್ನು ಸ್ವಲ್ಪ ತರಿತರಿಯಂತೆ ಪೇಸ್ಟ್ ಮಾಡಬೇಕು.

ಮೈಕ್ರೋವೇವ್ ನಲ್ಲಿಡಬಹುದಾದ ದೊಡ್ಡ ಬಟ್ಟಲಿಗೆ ಸ್ವಲ್ಪ ತುಪ್ಪ ಹಾಕಿ 2 ನಿಮಿಷ ಓವೆನ್ ನಲ್ಲಿ ಕಾಯಿಸಬೇಕು. ಕಾಯಿಸಿದ ತುಪ್ಪಕ್ಕೆ ಮೆಣಸು, ಚೆಕ್ಕೆ, ಲವಂಗ ಮತ್ತು ಏಲಕ್ಕಿ ಹಾಕಿ 2 ನಿಮಿಷ ವಾಸನೆ ಘಮ್ಮೆನ್ನುವಂತೆ ಕಾಯಿಸಬೇಕು. ಪೇಸ್ಟ್ ಮಾಡಿಟ್ಟುಕೊಂಡಿದ್ದ ಈರುಳ್ಳಿ, ಬೆಳ್ಳುಳ್ಳಿ, ಶುಂಠಿ ಪೇಸ್ಟನ್ನು ಇದಕ್ಕೆ ಬೆರೆಸಿ ಮತ್ತೆ 2 ನಿಮಿಷ ಓವೆನ್ ನಲ್ಲಿಡಬೇಕು. ಈಗ ಹಿಸುಕಿದ್ದ ಟೊಮೊಟೊಗೆ ರುಚಿಗೆ ತಕ್ಕಷ್ಟು ಉಪ್ಪು ಬೆರೆಸಿ ಎಲ್ಲವನ್ನೂ ಮಿಶ್ರಣ ಮಾಡಿ 2 ನಿಮಿಷ ಮೈಕ್ರೋವೇವ್ ನಲ್ಲಿಡಬೇಕು.

ಕೊನೆಗೆ ಜೀರಿಗೆ ಪುಡಿ, ಕತ್ತರಿಸಿದ ಹಸಿರು ಮೆಣಸಿನಕಾಯಿ ಮತ್ತು ಅಕ್ಕಿ ಬೆರೆಸಿ ಚೆನ್ನಾಗಿ ಕಲೆಸಿ 2 ನಿಮಿಷ ಓವೆನ್ ನಲ್ಲಿಡಬೇಕು. ನಂತರ 4 ಕಪ್ ನೀರು ಹಾಕಿ ಮುಚ್ಚುಳ ಮುಚ್ಚಿ 16-18 ನಿಮಿಷ 640 ಡಿಗ್ರಿ ಸೆಂಟಿಗ್ರೇಡ್ ನಲ್ಲಿ ಬೇಯಿಸಬೇಕು.

ಈಗ ಟೊಮೊಟೊ ರೈಸ್ ತಿನ್ನಲು ರೆಡಿಯಾಗಿದೆ. ಬೇಕೆಂದರೆ ಇದರ ಮೇಲೆ ಕೊತ್ತಂಬರಿ ಸೊಪ್ಪನ್ನು ಕತ್ತರಿಸಿ ಹಾಕಬಹುದು. ತರಕಾರಿ ಗ್ರೇವಿಯೊಂದಿಗೆ ಟೊಮೊಟೊ ರೈಸ್ ಬೆರೆಸಿ ತಿಂದರೆ ಇನ್ನೂ ರುಚಿಕರ.